Jeremaia 52:17 - Nobonob Baibel

¹⁷ Amu Babilon dilag daup ag Yawenu mettid lagnu biidod okkai aɗit brasppa hak, tappiɗ naɗi okkai brasppa hak onig Yu, tappiɗ keeke me dayaknu balal laala brasppa hak ele oeg aoɗatteg, ag akkan Babilon goppig.

Jeremaia 52:17 ပူးပေါင်းရင်းမြစ်များ

1 King 7:50

tappiɗ gol ena dubuttid iitta eleppa hak; lamnu wik babaittaknu keeke; tiig amuppanu awa tauɗeb ukkaknu tappiɗ, tappiɗ naunau, amu tappiɗ danab amuppa kalu danab ile muttuɗig enanag bette ilappig ele, amu oh am gol ena dubuttid iitta eleppa hak; mettid lag Oo Gunnab Ele, amunu odnu hinsis, amu Kayaknu mettid lag, amunu odnu hinsis ele golppa hak.

2 King 20:17

‘Haen laa genab uɗikku, haen amuppa amu, nahip lag enanagnab, ippan keeke, keeke oh na mamenad aɗi ag qagmeppig ele, Babilon danab ag uɗin, keeke amu akkan aon gona, Babilon mekkulag. Keeke laippu laa ii daama.’ Yawe Nug anam atte.

2 Stori 36:18

Nebukatnesar nug keeke laala oh Kayaknu mettid lag, nug amuppanu, keeke laala am okkai, keeke laala am keeke nakok, nug keeke amu oh, aria en ele Yawenu mettid lagppanu akka, Babilon ukkom. Nug Juda dilag king, nuhikkud ehanittak anuqak danab dilag en ele akka ukkom.

Jeremaia 52:20

Biidod okkai aɗit brasppa hak, tappiɗ naɗi okkai brasppa hak onig Yu, makau dawai dottog 12 brasppa hak amu maoppig, tappiɗ keeke me dayaknu, balal laala brasppa hak ele, Yawenu mettid lagppanu ag King Solomon he, heppig amu, keeke amu ohnu am brasppa hak, am uug naunab nau ele. Danab nug skelppa ma, bras amunu uug anidkkunu elele iitta.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

Esekiel 40:49

Amu adqaɗ menppa hak oo amu noobppa daatte. Adqaɗ amunu emaitak am 10 mita, amu elab ukkak nuhig am 5 mita. Aria, oo amunu od oɗe daug daugppa amu biidod menppa hak daattep.

Daniel 1:2

Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋