Jeremaia 51:64 - Nobonob Baibel

⁶⁴ Na buɗippe, Yupretis leppa ukkeb, na inam a! ‘Buk amu le ooppa noa, eɗua ii bema, amubia uug naunab, Yawe Nug heeb, Babilon dilagppa bekku; am uug amu heeb, Babilon nauhkku. Eɗua ena ii daama, Babilon danab ah ele ag nena qekkulag,’ aon a!” Jeremaia nug Seraia amegppa anam aum. Amu Jeremaianu nai iguppa batatte.

Jeremaia 51:64 ပူးပေါင်းရင်းမြစ်များ

Job 31:40

wit dahil wanppa ii beeb, keeke qaun ele belo am elele, am tutukku. Ge, bali wan dahilppa ii beeb, uudib belob am elele, am tutukku.” Job nug nai amu mattia mala, nug aakku nai baula laikkud danab ewam amelagppa ii mattiom. Nug oɗe qamutom.

Sam 72:20

Jesi bekka Dawitnu unuqittak anen anen iguppa batom.

Sam 76:12

Nug he, ikki danab ag Nug waappa daatteb. Ao, king wanppanu ag nuhignu ebehilag oh bodoetta le mette.

Aisaia 47:13

Ag Babilon danab ah, ag ge iitta gonana, eman hak danab, ag hoɗoppai anadnana, aɗi aɗi haknu am ena dabmetteb ele amu, ag ag aɗi aɗi heppeg bekkunu ulum nai appig doon, ag bahilag yom, amge ag ii uuppig. Ukkakib goppig amunu, gemu danab amu, ag hanhan hoɗoppai anadnana, ag kalam anen anenppa ag Babilon danab ah ag aɗi hekkulagnu appig amu, ag ahan ehanatteg! Ag ahan, keeke bekkunu daatte amu, uug naunab amu bemanu ehanadppeg aib beum!

Jeremaia 13:4

“Na ahan, matagiɗ na daden mena, imuanppa takkan oittem ele, na matagiɗ amu aon, Perat gona, appa na matagiɗ amu men oɗe nakok ooppa lokkume!” awa aum.

Jeremaia 19:10

Yawe Nug anam awowa, Nug tuɗitta, da amelppa aum. “Jeremaia, na amu oh mattin malona, Juda dilag ikki danab aɗi na diin gokkut ele anidppeppeg, na hinai amu oppe aoɗaɗ!

Jeremaia 25:27

Da kap amu Yawe eppegppanu aomi amu, haen amuppa Nug da kap awen madette, da inam ag amelagppa akkulnu aum. “Yawe Nukka Ɠagattag Oh Ele, Israel dilag Kayak, Nug atte. ‘Ag danab wain lawowa, spak ma, bahaha, na qa nauha auta awa, eɗua ii aha, nauhak daatte, ag amubia daaglag. Aɗinu ag anam daaglag. Da heppi, ban ahilagppa bekku.’ ” Yawe Nug da ag amelagppa anam akkulnu aum.

Jeremaia 51:42

Babilon dilag kekeɗ ag yu titiɗa ba, wan tonatte bia, ag amubia Babilon tonaglag. Ao, yu koɗkoɗ huana qe, wan tonatte, kekeɗ ag amubia Babilon wan tonaglag.

Jeremaia 51:58

Yawe Nukka Ɠagattag Oh Ele Nug atte. “Kekeɗ ag Babilonnu aɗ, amuam teppu okkai ele, ag aɗ amu loppaɗppeg, na qa wanppa daakku. Ag aɗnu od attan tak adppa hak manadppeg eoglag. Amuam genab anam bekku. Anam bekku amunu, Babilon danab ah ag ena daaglagnu hik aqeeqe, uɗat okkainab heegeg, beɗulag bahi ya auta autanab aotte amu, ag hetteb amu oh am hamu. Ao, Babilon danab ah ag ena daaglagnu uɗat okkai hetteb, amge uɗat amu oh am aab ewa iitta mekku, aakkuib,” awa atte.

Jeremaia 9:5

Juda ooppa layag nug layag hambuppuidtte. Laa nug doyak diig genabib ii dim lamidtte. Ag akka ag heeg, ag lemaɗulag nai hambuppuak maditte. Ag danab uɗat huana he, beɗu bahi yaatte, ag amubia hipunin huana hetteb.

Esekiel 28:19

Da amu hei, wanppan wan ohppan danab ah ag na dooidppig ele ag nahip na qaknu dabmak huanaknab aotteb. Na naunab nauppa nena qena, baula ii daamna.’ ” Yawe Nug anam atte.

Habakuk 2:13

Yawe Nukka Ɠagattag Oh Ele Nug dabmak awe ɠagattag eppe, inam dabmette. “Wanppan danab ah dilag uɗat okkai am hamu iite iitta mema. Ao, wanppan wannu danab uɗat naɗi okkai hetteb, amge uɗat amu ohnu meu am hamu iite iitta mema?”

Revelesen 14:8

Anam a amu engel ebqak 2 nug dim lamitta ba aum. “Aab okkai Babilon onig, ɠagattag ele aakku na qeum! Aakku na qeum! Nug he, danab ah wan atu ohppanu ag danab wain laeg kaaka aqe, kobol kobol hetteb, amubia ag nug ele kobol nau digdig ele, ewau pakkua gappai hak kobol bia heppig,” awa aum.

Revelesen 18:2

Nug na, baag okkaippanab ewa aum. “Aab okkai Babilon onig, ɠagattag ele aakku na qeum! Aakku na qeum! Nug aakku ouɗi nau daaglagnu abenlag daatte. Ao, nug am ouɗi nau oh dayaknu aben. Ge, nug am ai ii lanaknu epeɗiak daatteb, amuam ai danab nug ahilagnu ooppa uuaknab dootte, am amu dilag aben daatte.

Revelesen 18:21

Nai amu oh male amu, engel ebehi ele laa, nug men laa, okkai nuhig am ee aeg ganuaɗaknu men okkai bia, nug amu huma, yuppa buɗie noowo aum. “Babilon onig, ɠagattag ele, Kayak Nug heeb, aab amuam men yuppa pahanab noum bia na qekku; baula ii daama.