Jeremaia 51:61 - Nobonob Baibel

⁶¹ Jeremaia nug buk itoɗiak ele amu Seraia metta, nug aum. “Na gona, Babilon tewona, na nai buk imuppa daatte oh danab ah dooglagnu ebqe! Laippu laa aib tippalme!

Jeremaia 51:61 ပူးပေါင်းရင်းမြစ်များ

Jeremaia 51:60

Nai nug mettom amu, nai amuam uug naunab oh Babilon dimppa bekkunu nai imu. Jeremaia nug nai aɗi aɗi Babilon dilagnu Yawe he doyom amu, nug nai amu oh buk itoɗiak eleppa ya, nug Seraia mettom.

Jeremaia 51:62

Na ebqewona, na unuqidna inam a! ‘O Yawe, na aben imu heppe nauhkku amunu, danab o doɗ laa ippa ii daamanu ame. Na aben imu hanhan danab, doɗ ele iitta, hele-ettak daakkunu ame,’ unuqidnana akkut.

Matyu 24:1

Amu Jesus Nug Kayaknu mettid lag uua no, nuhikkud ippunittak awak danab ag Nug gumidna doppig. Ag dona, Nug amegppa appig. “Antte! Kayaknu mettid lag nuhig tomppan keeke oh ele imu, ag imuppa lag enanag hadna autna aoppig,” aon appig.

Mak 13:1

Amu Jesus Nug Kayaknu mettid lag uua noono, nuhig ippunittak awak danab laa nug Jesus amegppa aum. “Ippunittak danab, antte! Ag men enappaib lag imu oh enanag hadppig!” awa aum.

Kolosi 4:16

Ag uɗug imu ebqewona amu, ag meppeg ukkeb, Laodisia Kristen tamaniak ele ebqeig! Aria uɗug Laodisia dilag yaami amu ag Kolosi daatteb amu, ag amu ele ebqeig!

1 Tesalonaika 4:18

Anam amunu, ag nai amuppa lailkad ele nug ɠagattag qeig!

1 Tesalonaika 5:27

Ig lainkad laa oh nai imu dooglagnu, da Naɗi onigppa ag ag amelagppa ebqekkulagnunab iikku attem.

Revelesen 1:3

Danab aun aɗi ag Kayaknu nai, keeke dimppa bekkunu imu ebqena dim lamidtteb, o aun aɗi ag nai imu daulagppa doona dim lamidtteb ele amu, ag itittak ena aoppig daatteb. Aɗinu? Haen Kayak Nug heeb, keeke oh buk imuppa yaak daatteb, ag bekkulag am miag doum daatte.