Jeremaia 51:56 - Nobonob Baibel

⁵⁶ Keeke he nauhak danab ag Babilon ele ban hekkulag. Kekeɗ amu ag Babilon daup eɗadppeg, ag eppelagppa daaglag. Kekeɗ ag Babilon daup dilag lat qiialadkkulag. Aɗinu amu bekku? Yawe Nug am Kayak Nug danab ah hipunin hetteb ele nob madatte amunu, Nug Babilon eheɗ heppig, Nug ag eheɗ amunu nob elele ag madakku

Jeremaia 51:56 ပူးပေါင်းရင်းမြစ်များ

Genesis 49:24

Amge nuhig lat ii hahaɗom. Ao, nug eppeg laih laih oh am enaib daapiɗ. Laa Ɠagattag Okkai Ele, nuhignu amu, da, Jakop, da Nug binag mettem amu, Nug nug ehanidtte. Ao, Sipsip Gumitta Danab Ena, Nug kekeɗ nuhikkud danab aqamnanu ehanittak daatte, Nug nug itittak ena medatte.

Sam 137:8

O Babilon danab ah, ag nauhna autna aoglag. Ag eheɗ nau hegappignu, laa nug amunu bu madakku amu, nug gamag ahaɗ!

Sam 37:15

Amge geha nau hak danab dilagnu amu, geha laa ag ahilkad qep elab ag eppelagppanu aɗadna aɗan, amuppa ag gamalkad otuladnana, ag lat ahilkad ele qiiglag.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Sam 76:3

Am Jerusalem appa Nug kekeɗ dilag lat aeg qiialatta, Nug nuhig kekeɗ dilag guppiɗ, qep elab ele he nauheg, bannu keeke ele he nauhppig. Sila.

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Aisaia 34:8

Aɗinu amu oh bekkunu daatte? Yawe Nug danab ah eheɗ hetteb ele, Nug ag eheɗ heppignu nob tutukku mattaglagnu haen tituanom daatte. Ao, Nug danab ah ag Juda danab ah eheɗ hadappig ele, Nug ag bu aoglagnu maɗ tituanom daatte.

Aisaia 35:4

ag danab ah ag baɗan oitteb ele amelagppa inam appeg doyeg! “Ag ɠagattag dayeg! Ag aib baɗappig! Ahilag Kayak Nug ag ehanadkkunu uɗia, kekeɗ ahilkad amu, Nug ag eheɗ heppignu nob tutukku madakku. Nug uɗia, ahilkad kekeɗ nob madatta, bu nau madakku. Nug ag ehanatteb, padal ii memananu uɗikku.” Ag anam aon aig!

Aisaia 59:18

Nug nuhig kekeɗ, ag kobol aɗi aɗi heppig amu, Nug amu andatta amunu, bu elele madakku. Nug danab ah ag nuhig kekeɗ daan oitteb ele, Nug amu dilagnu oppoɗi beebeb, bu madakku. Ao, Nug laa ag nuhignu, “Ihinig kekeɗ,” dootteb amu, Nug ahilagnu ag eheɗ heppignu dabmaama, bu madakku. Nug danab ah wan miagnu, wan umanu ele, Nug ag nob atten awaknu daatteb amu, nug anamib madakku.

Jeremaia 49:35

“Yawe Nukka Ɠagattag Oh Ele, Nug inam atte. ‘Antteg! Da heppi, Elam daup latppa ban hetteb, ahilag ɠagattagppa Elam ɠagattag daatte amu, da heppi, ag oh mauhppeg, Elam am gai-iitta daakku.

Jeremaia 50:10

Anam amunu, kekeɗ ag Babilon eɗidna, ag Babilon dilag keeke diin gokkulag. Ag keeke kuɗumnab aoglag amunu, ag elele dooglag; danab nug ee lae ne, oo dittia auta aotte, ag amubia elele dooglag.” Yawe Nug anam awa atte.

Jeremaia 50:36

Ag Babilon dilag propet hambuppuak qep elabppa aqeg! Ag amu heppeg, propet hambuppuak ag danab Yawenu dab-ii-mena, ii dim lamidtteb ele daatteb am miag atikku. Ag kekeɗ ag Babilon dilag daup qep elabppa aqeg! Ag aqadppeppeg, ag baɗak eheɗ nau dooglag.

Jeremaia 51:24

Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

Jeremaia 51:30

Yawe Nug amu heeb beeb, Babilon dilag daup ag kekeɗ ele ban hak uun, ban haknu aben ɠagattag ooppa wana, appa daaglag. Ag ban huana heppeg ukkeb, beɗulag bodoetteb, ag ah bia, gai-iitta daaglag. Kekeɗ ag Babilon amotppeg eokku. Ag aɗ od manak qaknu keeke aɗappeg qiikku.

Jeremaia 51:48

Da amu heppi, habppa daatteb, wanppa daatteb ele ag gamag ahak okkainab doon, huan ekkulag. Ag amu hekkulag diig am, laa keeke he nauhtte ele, nug yawalti uɗitteppanu uɗia, Babilon aqakkunu ban hekku.” Yawe Nug anam awa atte.

Jeremaia 51:53

Babilon ag hab attan tena, appa aab aɗ ɠagattagnab ele hekkulag dayeblob, da heppi, keeke he nauhak danab laa ag gona, heppeg nauhlo.” Yawe Nug anam awa atte.

Jeremaia 51:6

Ag wan laappan danab Babilon daatteb ag, ag Babilon uun ooleg! Ag mauhmananu ag Babilon uun, oolna laih ukkeg! Babilon hipunin heppig, diig amunu ag nauhkkulag. Ag nauhkkulag amunu, ag laa ag appa daappeg, Babilon ag ahilag hipuninnu nob amu aoppeg, ag laa ag ele Babilon beɗulagppa ag nob amu aon nauhmananu, ag appa aib daappig. Babilon danab ah ag hipunin heegeg uɗie, gemu ele heegeg, Yawe Nug eheɗ hak amunu nob tutukku madakkunu haen uɗiom daatte amunu, kekeɗ ag heppeg, Babilon nauhkku.

Gayak Nai 3:64

O Yawe, laa ag amu hetteb amunu, na ag dahilppa eheɗ hettebnu nob elele ag madakkutnu oɗ madattem.

Esekiel 39:3

Amu na uɗin, ban heppe, da heppi, lat tanig na eppen nanehppanu na qeeb, lat doɗo na eppen naɗiap-ppa ii daamna.

Esekiel 39:9

Amu Naɗi Yawe Nug atte. “Haen amu uɗia beeb, haen amuppa Israel danab ah aab naunauppanu amu, ag ahan gona, danab ban hekkulagnu uɗin mauhppig dilag bannu keeke, ee keeke hekkulagnu aab ilaglagnu akkaglag. Ag guppiɗ okkai, guppiɗ nakok ele, ag lat tanig, lat doɗo ele, ag daɗib, amu ban gudkkud ele akkan, aab ilaglag. ⌊Danab eheɗnab mauhkkulag, ahilag ban haknu keeke ele eheɗ niiglag amunu,⌋ ag maɗ eblaih aɗit ele keeke amu akkan, aab ilaglag.

Amos 2:15

Ban danab nug lat ette ele amu, nug bittumttum gokku. Ban danab nug baegppa qaietta gotte ele amu, nug kekeɗ ii eɗadma. Ban danab hos attan ban haaha oitte ele amu, nug ele oola, bau ii daama.

Obadaia 1:15

Aɗinu ag anam ii helob? Da, Yawe, dahil deɗ naɗi am miag uɗiom daatte. Deɗ amuppa da wanppan wan ohnu danab ah epeɗiadkkul! Ag Edom, ag laa dilagppa heppig amu, amubia ahilagppa bekku. Ao, ag aɗi eheɗ heppig amu, eheɗ hak amuam eɗua, ag qaɗelagppa daakku.

Habakuk 2:8

Ag amu hekkulagnu diig am, na ban hena, wanppan wan kuɗumnu danab ah dilag keeke aome amunu, wan amuppanu danab ah laa ii mauhppig amu, ag ban hena, nahip keeke eɗun aoglag. Na danab ah kuɗumnab aqe mauhatteg, na hee, ahilag wan, aab keeke ele nauhak daappig amunu, ⌊ag nahip-ppa anam hekkulag⌋.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

Revelesen 17:16

Am na qeqeɗi eblaih laih ele anidme amu, ag oh amu doɗ dakkuɗ ele ag ib baag ahnu oolagppa nau ninig ele dooglag. Ag anam doonna, ag nug heppeg nauhkku. Lamen nuhig oh uɗidppeg, nug beɗu miag daakku. Ag nug teppu lakkulag. Nug beɗu laa oh, amuam ebehi keeke, ag amu aab aɗuppa maippeg eokku.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 19:2

Aɗinu? Nug nuhig epeɗia nob mattak am genab, tutukku ele. Kayak Nug ib baag ah onig, ɠagattag ele nug nuhig ewau pakkua gappai hak kobolppa he, wanppan danab ah ag oolkadppa dubuttid ele daappig amu, Kayak Nug eheɗ hak nuhig amunu nob nau mettom. Nug Kayaknu maɗi nid ele aqe mauhppig amunu, Kayak nuhig eheɗ amunu nob nau eɗua mettom,” aon appig.

1 Samuel 2:4

Yawe he, ban danab ɠagattag ag gai-iitta, lat qiiom bia daatteb. Nug he, danab nena qeppig ele, ag eɗun ɠagattag daatteb.