Jeremaia 51:55 - Nobonob Baibel

⁵⁵ Yawe Nug Babilon heeb nauhkku. Nug heeb, Babilon appa ag gemu keeke digdig heegeg, oqotti otte amu, oqotti amuam iitta mekku. Kekeɗ huanaknab ag wana, yu koɗkoɗ eheɗ qette, amubia ag Babilon appa ban hebeppeg, ahilag ewak baag okkainab daakku.

Jeremaia 51:55 ပူးပေါင်းရင်းမြစ်များ

Sam 124:4

Yawe Nug ig ii ehaniglo amu, ig peh laa ui he nauhtte bia daalom. Ao, ig am peh laa ui eheɗ nau ahokkaltte bia daalom.

Sam 18:4

Mauhaknu muɗi da qakkiɗe, da mauhkkulnu hemi. Yo, da amu, da danab nug le ui naɗippa mauhkkunu malom daatte, da amubia daami.

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.

Sam 69:2

Da danab laa nug laih wan gai-iitta, muag eleppa, wan ɠagattag iitta, nug baeg ma hibaitta dayaya, muag ooppa noa noa mauhkku, da amubia iikku daattem. O iitta, da am danab laa nug le ameg naɗinab laa umanab noa ukkak, hiɗ baaba, hiɗa noawa daatte ele, amuppa danab nug le noa lana mauhkkunu hette, da amubia iikku daattem.

Aisaia 15:1

Nai meunab ele Moap wanppanu Yawe he, Aisaia doyom ele am iikku. Tuqan laippuppa kekeɗ ag uɗin, Moap wanppa aab okkai Ar oh heppeg nauheb, Moap aakku na qekku amunu, ⌊da mahittem⌋. Ge, tuqan laippuppa kekeɗ ag uɗin, Moap wanppa aab okkai Kir oh heppeg nauheb, Moap aakku na qekku amunu, ⌊da mahiak hettem⌋.

Aisaia 17:13

Huu laa wan laalappanu amu, ag uɗinna, oqotti naɗi, yu dubannu oqotti naɗi bia hekkulag, amge Kayak Nug alatteb, ag eɗun oolna, laih umanab gokkulag. Nug ag lamatteb, ulah qaukoppa ee aeg dappunkkeg mawa gotte, amubia ag ele eɗun oolkkulag. Ao, ulah gappud iwale gotte, amubia ag ele eɗun oolkkulag.

Aisaia 47:5

Amu Yawe Nug tuɗitta atte. “Ag Babilon danab ah, ag toettan dayeg! Ag gatatuppa dayeg! Aɗinu? Danab ah oh ahilagnu baula, ‘Wan oh dilag okkai aakku,’ ii amana.

Jeremaia 25:10

Da anam heppi, Juda wanppa, wan laala amu ohppa ele gamag ahak nakok laa ii daama. Danab ah gamag ahak doon, ewau matulak ii aomna. Ah laa nug bret hekkunu ee aeg keeke menppa ii ganuɗma. Laa lam ele ii amotma. Iitta.

Jeremaia 51:42

Babilon dilag kekeɗ ag yu titiɗa ba, wan tonatte bia, ag amubia Babilon tonaglag. Ao, yu koɗkoɗ huana qe, wan tonatte, kekeɗ ag amubia Babilon wan tonaglag.

Esekiel 26:3

Tair danab ah ag anam appig, diig amunu Naɗi Yawe Nug inam atte. ‘O Tair danab ah, ahilag hak amunu da eheɗ doyeye ool ii madattem. Amu da heppi, wanppan wan kuɗum dilag huu ag uɗippeg, ag ele ban hekkulag. Yuppa duban tuɗid ele uɗitte, amubia kekeɗ ahilagppa uɗiglag.

Luk 21:25

Dimppa epponak keeke iɗu iɗu aam, kalam, hoɗoppai eleppa bekkulag. Wanppa amu danab ah wan anen anenppa ag yuppa duban okkai koɗkoɗ qeebeb amunu baɗan, dabmak kuɗum aoglag.

Revelesen 17:15

Nug anam awowa, engel amu nug baula da amelppa aum. “Na le kuɗum, gappai ah nug amu qaɗelagppa dayeye anidme ele amu, le amuam danab ah beɗulag iɗu iɗu ohppanu, huu ohppanu, wanppan wan ohppanu, amu nai ohppanu ele ippunigtte.