Jeremaia 51:51 - Nobonob Baibel

⁵¹ ⌊Ag Israel danab ah, ag atteb.⌋ “Wan laihnu danab ag Yawenu mettid lag, amuppa Oo Gun ele, Oo Gunnab Ele, aben amu oh am Yawenu tituanak daattep amu, ag amu ooppa noppig. Ao ag noppig amunu, danab laa ag eheɗ aon aon iqaeg, diig amunu ig uɗa nak nau guittak ele doottem. Uɗa nak ig tonikkom daatte,” aon atteb.

Jeremaia 51:51 ပူးပေါင်းရင်းမြစ်များ

Sam 109:29

Danab nug lamen tagatte, amubia uɗa nak nau guittak ele am dahilad kekeɗ tonatteb daaglag. Ao, danab nug ulahnu lamen mette, amubia dahilad kekeɗ ag uɗa nak aoglag.”

Sam 71:13

Laa ag da naippa yaaiɗtteb ele, ag uɗalag nau neeb, padal mekkulagnu ool daatte. Yo, laa ag da guittak meɗaglagnu hetteb ele, laa ag ahilagnu, “Keeke hamunab,” dooppeg, ag uɗa nak nau guittak ele dooglagnu ool hette.

Sam 79:1

O Kayak, iitta aɗi danab ag nahip wan aoppig daatteb. Wan amuam nahip, am na aut daatte. Ao, ag nahip mettid lag nahipnu tituanak daatte, ag lag amu heeg, nahip neekkakppa dubuttid tak ele daatte. Ge, ag heeg, Jerusalem am kinipan ameg okkai hume tak, anamib daatte.

Sam 79:12

O Naɗi, danab ah ig guguikkak daatteb, ag na aon aon nidappig amu, na ag bu haen eblaih aɗit ele eheɗ heppignu bu madakkutnu oɗ medattem.

Sam 79:4

Danab ah ig guguikkak daatteb ele, ag ig aon aon iqatteb. Ao, danab ah ig talilikkak daatteb amu, ag ihinignu, “Keeke hamunab,” doon, ag imigtteb.

Sam 89:46

O Yawe, na nakka na lokkumidttem; amu haen gane laa ele ukkeb, na amu ii hemana? Na hanhan na nakka, na lokkumidkkutte? Nahip oppoɗi bak am aab diditte bia daatte; amu haen gane laa ele ukkeb, nahip oppoɗi bak am anam ii daama?

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 14:1

⌊Yawe Nug geha Babilon heeb nauhkku.⌋ Aɗinu? Yawe Nug Israel danab ah dilagnu oo doya, oo madakku. Nug anukka ag nuhig danab ah daaglagnu Nug tituanattom, anamib geha Nug baula tituanatteb, ag nuhig daaglag. Amu Nug heeb, Israel ag eɗun gona, wan ahilagppanab daaglag. Ag daappeg, wan laihnu danab ag geha uɗin, Israel oolagppa daaglag. Daanna, Jakop buɗub bia bena daaglag.

Aisaia 21:1

Nai meunab ele Babilon wanppanu Yawe he, Aisaia doyom ele am iikku. Wan laa, wan amuam atu taɗak, wan amunu danab ag danab ɠagattagnab, laa ag amu dilagnu baɗak eheɗ nau dootteb ele, amu wan amunu ban danab ag ulah ɠagattag kilibob atteb, Negeb atu taɗakppanu eheɗ uuetta uɗia, atu qette amu, ag amubia uɗin, Babilon heppeg nauhkku.

Aisaia 47:1

Yawe Nug atte. “Ag Babilon danab ah ag enub danabnab aɗeg, ah makkun, uug nuhigppa be, nug aben enanag nuhig uua, wan qaɗeppa gappudppa heɗep na daatte, amubia ag ahilag aben enanag uun nona, gappudppa dayeg! Genab, ag Babilon danab ah, ag ah makkun laa, mameg am en naɗi okkai ele, nuhigppa uug be, gemu nug sia enanagppa ii daatte, nug noa wanppa hamu daatte, ag amubia wanppa dayeg! Aɗinu? Laa ag tatam ah makkun amu anidna, nuhignu, ‘Nug iɗu tuqaknab, uɗat laa hekkunu iinab daatte,’ appig, amge gemu nug nauhom daatte amunu, ag anam ii atteb, amubia ag Babilon danab ah, ahilagnu ele anamib bekku.

Jeremaia 14:3

Anuqak danab ag heppeg, ahilkad maɗi nid ag le moɗ buuppigppa le itaglagnu gokkulag, amge ag le laa ii anidmana. Ag le ii anidna, ag eɗun, le iitta hamu gonana, ag oolagppa uug nau qak doon, dabmak huanaknab aonna, ikkilag hautkkulag.

Jeremaia 25:26

da king kuɗum ag ippanu laih yawalti uɗitteppanu daatteb, laa miag daatteb, laa uma daatteb amu, da ag oh kap amu mattai lappig. Ɗo maɗoɗ ohnab wanppa daatteb amu, da ag mattai lappig. Aria, ⌊tuleglegppa da anam hemi, qinob anam aakku bekku. Beeb⌋ amu dimppa amu Babilon dilag king nug ele lakku.

Jeremaia 31:19

O Kayak, ig na uuidta oimut, amge ig anam oiut, ⌊na bu mekke,⌋ ig oonig eɗuom. Ao, na he, ig eheɗ hemut oonig maitte, ig uɗa nak eheɗ doomut. Ig nid bau daatta, ig kobol uɗa nak nau guittak ele heut uɗiom amunu, ig uɗa nak nau doomut.’ Israel danab ah ag anam appig doomi.

Jeremaia 52:13

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

Gayak Nai 2:20

O Yawe, na imu anidna dabmekkutnu oɗ medattem; na Juda danab ah uug naunab mattame amu, na laa dilagppa anambia hemete? Ah ag ahilkad nid, ag nid amu atognoattegeg, ena metteb ele amu, ag ag battiadna latteb am kobol tutukkute? Ge, kekeɗ ag mana mettak danab, propet ele Naɗinu mettid lakka aqaeg mauhtteb am enate?

Gayak Nai 5:1

O Yawe, ihinigppa uug naunab beum amu, na amu daut ii atimanu unuqidttem; ig uɗa nak nau guittak ele aot oittem amu, na neegna, amu anidkkutnu oɗ medattem.

Esekiel 24:21

⌊Esekiel⌋ na Israel danab ah ⌊na ele Babilon ippa diia ukka laih me dayak danab ah daatteb amu⌋ na ag amelagppa inam appe doyeg! Naɗi Yawe Nug inam atte. ‘Da heppi, hipunin hak danab, Israel buɗubppan iitta, ag dahil mettid lag heppeg nauhkku. Ag Israel, ag dahil lag ag oolagppa daattenu enanag doon, “Lag amu ig oonigppa daatte amunu, aɗitai laa heeb, ig ii nauhmata,” aon atteb. Ag lag amunu enanagnab doon, lag amunu ag oo mauhak bia dootteb. Ag anam dootteb, amge gadon, ag bekkalkad aɗelkad Jerusalem appa daatteb, bekkalkad aɗelkad amu ag banppa mauhkkulag.

Esekiel 36:30

Enug haen be, wanppan wan laalappan danab ah ag deɗ laala amunu aon aon aqatteg, uɗa nak nau guittak ele dooppig amu, ag anam baula doomnanu da heppi, ahilag ad am meu happiak okkulag. Ee laala ebatteb ele anamib.

Esekiel 7:18

Ag lamen heɗiag ele takkaglag. Ag baɗak eheɗ nau doon, ag hahaɗkkulag. Ag uɗa nak nau doon, ag ⌊mahiak okkai henan,⌋ ikkilag uɗug hoyadkkulag.

Esekiel 9:7

Ag amu heeg, Yawe Nug ag amelagppa aum. “Lag imuam lag dahil, amu ag lag imu dubuttid ta, da noolppa ena iitta daakkunu, ag lag imunu aɗ ooppa danab kuɗum aqappeg mauheg! Ag amu hena malona, ag dimittim aab ooppa gona, appa ele anam heig!” awa aum. Nug anam a, ⌊ag lag ooppan danab aqaeg mauhatteg,⌋ ag lag dimittim gona, digmena, danab ah appa daappig ele aqaeg mauhppig.

Daniel 11:31

King amu nug heeb, nuhikkud daup ag heppeg, Kayaknu mettid lag am Kayaknu neekkakppa dubuttid tak ele daakku. Kingnu daup ag Israel deɗ oh doɗ manan, Kayak medatteb, ag amu baula hemananu appeg, ii hemana. Ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lag, amuppa qabappeg daakku.

Amos 7:9

Da heppi, Aisak buɗub ag kayak hambuppuak dilag mettid lag nakok bappaidppig ele amu, kekeɗ ag amu oh heppeg nauhkkulag. Ao, lag Israel danab ah ag appa kayak hambuppuak noolagppa dup nona binalag metteb ele amu, kekeɗ ag lag amu oh loppaɗppeg nauhkkulag. Amu da qep elabppa heppi, Israel dilag king Jeroboam buɗub laa sia king amuppa daakkunu ii daama,” awa aum.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.