Jeremaia 51:46 - Nobonob Baibel

⁴⁶ Ag Yawe amu hekkunu ameg menana, ag maɗ laappa ulah nai, “Babilon wanppa nug qak naɗi daatte,” dooglag. Maɗ laappa, “Babilon dilag okkai nug okkai laa umu eɗidkkunu hette,” dooglag. Ag anam anam aakku dooglag, amge ag ulah nai amu doon, ag aib ottaippig, aib baɗappig.

Jeremaia 51:46 ပူးပေါင်းရင်းမြစ်များ

2 King 19:7

Antte! Da heppi, Asiria dilag king, nuhig dabmak am kaboliak daakku. Nuhig dabmak am anam daakku amunu, nug nai laa doyowa, nug eɗua, nuhig wanppa ukkeb, appa da heppi, laa ag nug qep-ppa, qeppeg mauhkku.” ’ Yawe Nug anam atte,” awa aum.

2 Stori 20:23

Amon dilag daup, Moap dilag daup ele ag Edom dilag daup aqaeg, iitta mekkulagnu ahan, ohnab aqappig. Ag aqan malona, ag ahan akka akka ban hena aqanna, ag ele aakku mauhppig.

Job 23:16

Kayak Nug he, da ool baɗatte. Ao, Laa Nukka Ɠagattag Oh Ele Nug he, da baɗak eheɗ nau doottem.

Prowerb 24:10

Uug bette haenppa, na uug amu eɗidkkutnu tuɗidna ii hettem dayeb amu; nahip ɠagattag am okkai iitta laa ippunadtte.

Aisaia 19:2

Yawe Nug inam atte. “Da heppi, geha Isip ag akka akka nug qekkulag; awag amag ag geha akka akka nug qekkulag, lailkad ele akka akka nug qebeppeg, aab okkai laa ag aab okkai laa ele nug qebeppeg, amu wan obatak laa, ag wan obatak laa ele nug qekkulag.

Aisaia 43:5

Ag aib baɗappig. Aɗinu? ⌊Da heppi, ag laih laih mattatun gona daaglag, amge⌋ da ehanadppi, ag aam bedeppanu, aam nodeppanu ele eɗun uɗiglag.

Jeremaia 46:27

Amu Yawe Nug Israel danab ah amelagppa inam atte. “O Jakop buɗub, ag dahilad maɗi nid amu, ag aib baɗappig. Ao, ag Israel danab ah, ag oo uug naunab qak aib dooppig. Aɗinu? Da ag ehanadppi, ag wan atu umanabnu eɗun uɗin, ag wanelagppa daaglag. Ao, ag gemu daatteb, ag wan laappa gona, diia ukka laih me dayak danab ah appa daaglag amu, da ag buɗulkad ehanadppi, ag appanu eɗun uɗin, ag wanelagppa daaglag. Haen amuppa amu Jakop buɗub ag maɗoɗ, ɠagattag ele ag wanelagppa daaglag. Laa nug heeb, ag ii baɗamna.

Jeremaia 46:28

Anam amunu, O Jakop buɗub, ag dahilad maɗi nid amu, ag aib baɗappig. Aɗinu? Da ag ele daattem. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Luk 21:28

Dimppa keeke amu bekkunu digma heebeb, haen amuppa ag ahan ɠagattag dayeg! Kayak Nug ag qagaiettakppanu eɗua uhuqak ha madakkunu haen aakku miag daatte,” awa aum.

Ikki Danab 7:22

Haen 300 Israel danab ag ahilkad trampet iwaleg amu, Yawe he, ban danab haen tutu dayaknu aab kalak ooppan, ag akka akka qep elabppa nug qeppig. Laa ag ii aqappig ele amu, ag oolna goppig. Ag oolna, Betsita, Serera guguittak appa goppig. Appanu amu, ag Abel Mehola tomppa goppig. Abel Mehola amu Tabat guguittak daatte.