Jeremaia 51:42 - Nobonob Baibel

⁴² Babilon dilag kekeɗ ag yu titiɗa ba, wan tonatte bia, ag amubia Babilon tonaglag. Ao, yu koɗkoɗ huana qe, wan tonatte, kekeɗ ag amubia Babilon wan tonaglag.

Jeremaia 51:42 ပူးပေါင်းရင်းမြစ်များ

Sam 18:16

Amu Yawe Nug attannab umanu eppeg bahia na, da aɗailom. Ao, Nug da, danab laa nug laa le naɗi ooppan ehanidtte bia da aben eheɗppanu ehaniɗa awiɗom.

Sam 18:4

Mauhaknu muɗi da qakkiɗe, da mauhkkulnu hemi. Yo, da amu, da danab nug le ui naɗippa mauhkkunu malom daatte, da amubia daami.

Sam 42:7

Kayak Nug le unuqag hatta, le baippa nonana, oqotti huana otteb ele hattom. Danab laa nug le amu ooppa nokku dayeb amu, le amu nug laitta tonakku. Anam amu, uug da toniɗom daatte ele amu, amuam le naɗi da toniɗlo bia doottem.

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.

Sam 93:3

O Yawe, yu am ebehinab ele. Duban qa, yu ihippa watte amu, oqotti huana hakkaɗ qette bia oqotti otte, oqotti amu ebehi elenab. Genab, yu duban amu ɠagattagnab, yu ihippa aoɗnana, oqotti okkai otteb.

Aisaia 21:1

Nai meunab ele Babilon wanppanu Yawe he, Aisaia doyom ele am iikku. Wan laa, wan amuam atu taɗak, wan amunu danab ag danab ɠagattagnab, laa ag amu dilagnu baɗak eheɗ nau dootteb ele, amu wan amunu ban danab ag ulah ɠagattag kilibob atteb, Negeb atu taɗakppanu eheɗ uuetta uɗia, atu qette amu, ag amubia uɗin, Babilon heppeg nauhkku.

Jeremaia 51:55

Yawe Nug Babilon heeb nauhkku. Nug heeb, Babilon appa ag gemu keeke digdig heegeg, oqotti otte amu, oqotti amuam iitta mekku. Kekeɗ huanaknab ag wana, yu koɗkoɗ eheɗ qette, amubia ag Babilon appa ban hebeppeg, ahilag ewak baag okkainab daakku.

Esekiel 26:3

Tair danab ah ag anam appig, diig amunu Naɗi Yawe Nug inam atte. ‘O Tair danab ah, ahilag hak amunu da eheɗ doyeye ool ii madattem. Amu da heppi, wanppan wan kuɗum dilag huu ag uɗippeg, ag ele ban hekkulag. Yuppa duban tuɗid ele uɗitte, amubia kekeɗ ahilagppa uɗiglag.

Daniel 11:10

Nug eɗua ukkeb, dimppa nug bekkod ag ahan, ag daup huanaknab qagmaadna, ag ahan, le ui wa ukka, laa heeb iitta mekkunu elele iitta bia gona, ag wan yau uɗitteppanu daatte dilag aab aɗ ɠagattagnab daatte batak gona tekkulag.

Daniel 7:2

Nug inam yom. “Da, Daniel, da tuqan tulegleg laa antten, tulegleg amuppa da neekki ukke, ulah waɗele, am yau, yawalti, qaban, kaɗag ele, ag oh uɗin iwalegeg, yu naɗi koɗkoɗ eheɗ qeum.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Luk 21:25

Dimppa epponak keeke iɗu iɗu aam, kalam, hoɗoppai eleppa bekkulag. Wanppa amu danab ah wan anen anenppa ag yuppa duban okkai koɗkoɗ qeebeb amunu baɗan, dabmak kuɗum aoglag.