Jeremaia 51:4 - Nobonob Baibel

⁴ Kekeɗ ag heppeg, Babilon dilag daup ag Babilon aabnu ib ohppa guittak okkai aon, nena qena mauheg!” awa atte,

Jeremaia 51:4 ပူးပေါင်းရင်းမြစ်များ

Aisaia 13:15

Danab ah ag ii oolna goppeg, ban danab ag anadna aɗualadna, banppa yaaladppeg mauhkkulag. Ao, danab ah ag oolna gobeppeg, ban danab ag anadna aɗualadna, qep elabppa aqappeg mauhkkulag.

Aisaia 14:19

King laala oh ag matmatppa anam niitteb, amge laa nug na gaɗan matmatppa ii meum. Iitta. Na gaɗan am hamu, miag daatte; doɗ laa mauha beɗeɗe, danab anidtte, amge nug keeke laa ii hette, na gaɗan am amubia daatte. O na gaɗan am ban haenppa kekeɗ ag ban gudkkudppa o latppa danab kuɗum aqaeg mauheg, laa ag mauhak gaɗalag amu moɗ hamuppa akkaeg nona daatteb, na gaɗan amubia daatte. O na gaɗan amu danab laa banppa oiye oiye, qeeg mauha, na qa wanppa niieye, ban danab laa ag baelagppa danab mauhom amu tappanna gotteb, na gaɗan am anam bia daatte.

Jeremaia 49:26

Gadon, genabnab genab, kekeɗ ag aqappeg, Damaskus nid danab bau ag ibppa nena qekkulag. Damaskusnu daup oh ag padal mekkulag.” Yawe Nukka Ɠagattag Oh Ele, Nug anam awa atte.

Jeremaia 50:30

Babilon ag da oɗel tappaeg neum amunu, kekeɗ ag Babilon dilag danab bau ibppa aqappeg mauhkkulag. Deɗ amuppa Babilonnu daup oh ag mauhna malaglag,” awa atte.

Jeremaia 50:37

Ag kekeɗ ag qep elabppa Babilon dilag hos aqanna, ag bannu karis ele heppeg nauheg! Ag wan laihnu danab, ag uɗin, Babilon danab ehanadtteb ele amu, am ele aqeg! Ag aqappeppeg, danab amu ag ah bia daaglag. Ag kekeɗ ag qep elabppa wagai mena, Babilonnu en oh aweg! Ag amu heppeg, Babilon ag keeke iitta ele daaglag.

Jeremaia 51:53

Babilon ag hab attan tena, appa aab aɗ ɠagattagnab ele hekkulag dayeblob, da heppi, keeke he nauhak danab laa ag gona, heppeg nauhlo.” Yawe Nug anam awa atte.