Jeremaia 51:35 - Nobonob Baibel

³⁵ Babilon ag ig Juda, ag eheɗnab heigppig amunu, eheɗ hak amunu nob nau Babilon dilagppa baɗ! Ao, Babilon ag ig oikkeg, ig tiinig ne, ig kuɗum mauhmut amunu, eheɗ hak amunu aab Babilon beɗulagppa dayaɗ!” aon akkulag.

Jeremaia 51:35 ပူးပေါင်းရင်းမြစ်များ

Genesis 16:5

Anam antte amu, Sarai nug Abram amegppa aum. “Na heme amunu, da uug imu doottem. Da na Hagar mettai, nug gemu oo ele daatte amunu, nug da ameg heqo aniɗtte. Yawe Nug ihinih hak epeɗikkunu ool daatte,” awa aum.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Jeremaia 50:10

Anam amunu, kekeɗ ag Babilon eɗidna, ag Babilon dilag keeke diin gokkulag. Ag keeke kuɗumnab aoglag amunu, ag elele dooglag; danab nug ee lae ne, oo dittia auta aotte, ag amubia elele dooglag.” Yawe Nug anam awa atte.

Jeremaia 50:29

Amu Yawe Nug atte. “Babilon ag da, Yawe, Israel dilag Kayak Oppiaawak Ele, ag da oɗel tappaeg neum amunu, kekeɗ ag laa appeg, latppa ban hetteb ag uɗin, Babilon aqeg! Ag Babilon talilidna daanna heppeg, Babilon laippu laa aib oola ukkom. Babilon danab ah ag eheɗ heppig amunu, ag nob matteg! Ag eheɗ digdig heppig, amubia ahilagppa heig!

Jeremaia 51:24

Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

Gayak Nai 1:22

Laa dilag hak nau na noomppa miagib baɗ! Ge, na ig hipunin heut, diig amunu bu okkai imu mekkame, amubia laa amu dilagppa, na ahilagnu ele anamib hadakkutnu oɗ medattem. Ig Juda, ig aiqakkak okkai hettem, ig oonigppa ɠagattag laa ii daatte.

Habakuk 2:17

Lebanon appa na laa guittak nau mauhnoak mettak kobol heme, amu diig amunu na nauhkkut. Ao, appa na doɗ ge iitta hamu hamu aqadme, amu diig amunu na baɗak eheɗ nau dookkut. Aɗinu? Na danab aqatte, ag tiilag ne, na wan, aab ele hatte nauheg, danab ah appa daappig ele padal meppig.

Sekaraia 1:15

amge da wanppan wan laala danab ah dilagnu, ag ahilag dabmakppa ag ɠagattag daatteb, ag uug laa ii anidmananu dabmetteb amu, da amu dilagnu ool nauhtte. Da dahilad danab ah dilagnu ool nakokib nauhom, amge da ag amunu bu madakkulnu dabmein, bu qak amu wanppan wan laala eppelagppa memi. Da anam memi amge, wanppan wan laalappan danab ag bu da dabmemi, ag amu eɗittak, bu eheɗ nau ele Israel madappig,” awa atte.

Matyu 7:2

Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 18:6

Ag nuhig kobol nau amunu dabmena, nob nau elelenab eɗun metteg! Nug kobol nuhig nau qagme, kuɗumnab beum, amubia ag tuɗidna, ag nuhig nob nau qagmena kuɗumnab metteg! Nug laa dilagnu le nau kap-ppa kaboliom bia, ag le naunab tuɗidna, kap amuppa kabolina, kuɗum metteg!

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.

Ikki Danab 9:20

Amge ag Gideon, baekkudppa ele dilagppa eheɗ heppig dayeb amu, Abimelek, nuhigppanu, aab ewak ukkeb, ag Sekem, Bet Milo ele danab ewatteb, ahilagppanu ele, aab ewak nuhigppa ukkeb, anam bekkunu Kayak unuqidttem,” awa aum.

Ikki Danab 9:24

Abimelek, Sekem danab ele ag eheɗ hena, ag Jerubal, ⌊am Gideon,⌋ ag nug bekkod 70 oh aqappig. Ag amu hena, ag genab nob aoglagnu daappig amunu, ag nob nau amu aoglagnu Kayak Nug uuatte, Sekem danab ag Abimelek waappa daaglagnu uun, nuhig nai tappaeg neum.