Jeremaia 51:30 - Nobonob Baibel

³⁰ Yawe Nug amu heeb beeb, Babilon dilag daup ag kekeɗ ele ban hak uun, ban haknu aben ɠagattag ooppa wana, appa daaglag. Ag ban huana heppeg ukkeb, beɗulag bodoetteb, ag ah bia, gai-iitta daaglag. Kekeɗ ag Babilon amotppeg eokku. Ag aɗ od manak qaknu keeke aɗappeg qiikku.

Jeremaia 51:30 ပူးပေါင်းရင်းမြစ်များ

Sam 107:16

Aɗinu? Nug ahilag maniguittaknu aɗnu od brasppa heppig amu loppaɗe neum. Nug od manak qaknu keeke aenppa hak makkulatte neppig.

Sam 147:13

Aɗinu? Nug Jerusalemnu aɗnu od oɗeppanu od manak qaknu keeke ɠagattag aqe, kekeɗ ag aab okkaippa nokkulagnu elele iitta. Ao, Nug danab ah Jerusalem daatteb itatte daatteb.

Sam 76:5

Na kekeɗ ihinkad, ag am ban danab ɠagattagnab, na ahilag ɠagattag amu eɗidna, ahilkad keeke aome. Ag ig noonigppa mauhna niitteb. Laippu laa eppeg huma, ig oigkkunu elele ii daatte.

Aisaia 19:16

Amu haen amuppa Yawe Nukka Ɠagattag Oh Ele, Nug Isip danab ag bu aqebeb, ag ah ɠagattag iitta daatteb bia daan, ag eheɗ baɗan, hahaɗkkulag.

Aisaia 47:14

Amge iitta! Danab amu ag wit keeke gumu qaɗaiettak, aab paha ewe iitta mette, ag amubia daan, paha nauhkkulag. Ag agakka ehanadna ena daaglagnu elele iitta; wit keeke gumu nug nukka aab ewakppa ha ena daakkunu elele iitta, amubia. Wit gumu ewak amuam aab gakkaɗaknab. Danab nug aab amu guguittaknab dayaya, beɗu gakkaɗak aokkun am iitta. Aab amuam danab nug uɗikka dayaya, ena daakkunu iitta. Amubia uug ag Babilon ahilagppa bekkun daatte am naunab nau ele.

Jeremaia 48:41

Kekeɗ ag uɗin, Keriot eɗadna, wan amuppan aab aɗ ɠagattagnab ele aoppeg, Keriot danab ah ag eppelagppa daaglag. Amu beeb, deɗ amuppa Moapnu daup ag ah nid aokkunu hette bia daaglag.

Jeremaia 50:15

Ag talilidna daanna, ban hekkulagnu baalag okkaippa eig! Ag amu hena, ban heppeg, Babilon ag eppelagppa daakku. Ag heppeg, bannu lag attan ta ukkak menppa hak heppig am nena qeppeg, aabnu aɗ ele na qekku. Yawe Nug ag ahilag eheɗ haknu nob tutukku madatte amunu, ag kekeɗ, ag nob tutukku amu, Babilon laa dilagppa eheɗ heppig, amubia ag Babilon matteg!

Jeremaia 51:32

Ag le baag qak oh aon malan, ag aben aab guguittak qaittobttob huanak daatte manaeg ewewe, Babilon daup ag baɗak eheɗ nau dootteb,” aon akkulag.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Gayak Nai 2:9

Kekeɗ ag heeg, Sion aɗnu od nena qena, wanppa niitteb; od manak qaknu keeke teppu ele amu, kekeɗ ag heeg nauhppig. Juda dilag king, anuqak danab laa ele, anukka Sion daappig amu; ag gemu wan laalappa wan laappa diia ukka laih me dayak danab daatteb. Laa gemu Kayaknu ɗo nai laa ii ippunadtte; propet ag ele Yawe eppegppanu tulelegppa aɗi keeke ele ii anidtteb.

Amos 1:5

Aram dilag aab okkai am Damaskus, amu da heppi, kekeɗ ag aab amunu aɗnu od loppaɗna, aab heppeg nauheb; da heppi, Aram dilag king laa, nug oolnu noak onig Awen, appanu amu, nug nauheb; da ele heppi, Aram dilag king laa Beteden, appanu amu, nug ele nauhkku. Da amu oh hewoya, da heppi, kekeɗ ag Aram danab ah diina, ag diia ukka laih me dayak danab ah daaglagnu gona, Kir maadppeg daaglag.” Yawe Nug anam awa atte.

Nahum 3:13

Niniwe danab ah, ag antteg! Ahilkad daup ag gai-iitta, ah bia. Kekeɗ ahilagppa uɗiglagnu am ib oonak laa iitta ele; aab okkainu aɗnu od manak qaknu keeke aab ewe, od matulak daatte bia daatte.

Revelesen 18:10

Ag piɗe daanna, nuhig guittak amunu baɗana akkulag. ‘O gadonnab gadon; gadonnab gadon Babilon! Na aab okkai, na ɠagattag okkai ele, amge aua laippuppaib nahip hipuninnu nob nau aakku neum,’ aon akkulag.