Jeremaia 51:28 - Nobonob Baibel

²⁸ Ge heppeg, Midia dilag king anen anen, Midia dilag gawana, amu ahilkad ehanittak anuqak danab oh ele, amu wan laa oh Midia waappa daan, Midia ehanadtteb, ahilag daup ele, ag oh Babilon gona, appa Babilon ele ban hekkulagnu babaitteg!

Jeremaia 51:28 ပူးပေါင်းရင်းမြစ်များ

Genesis 10:2

Japet bekkod am Gomer, Magog, Madai, Jawan, Tubal, Mesek, Tiras ele.

1 Stori 1:5

Japet bekkod am Gomer, Magog, Madai, Jawan, Tubal, Mesek, Tiras ele.

Esta 1:3

Amu Ekserksis nug king abenab awa, nuhig king dayaknu maɗ ewamppa nug nuhikkud anuqak danab, nuhikkud ehanittak anuqak danab oh ele dilagnu ee lanak hobul naɗi babaittom. Nug Midia amu Persia ele dilag daup ikkilkad oh, okkai danab laa, amu prowins oh dilag okkai danab ele onilagppa eum.

Esta 10:2

Am nug aɗi hettenu ɠagattagnu kaya, amu Mordekai, king nug awa me, anuqakppa teum, nuhig gumaknu ɠagattag ena elenu kaya, amu ele am Midia, Persia ele dilag king dilag kaya bukppa yaappig.

Aisaia 13:17

⌊Amu Yawe Nug atte.⌋ “Ag antteg! Da geha Midia danab uɗippeg, Babilon ele ban hekkulagnu dabmak ahilag eeɗkkul. Midia danab ag silwanu dabmak okkai ii aotteb. Ao, ag golnu enanagnab ii dootteb. ⌊Ag amu oh dab-ii-metteb. Iitta. Ag ahilag dabmakib dim lamidkkulagnu dabmetteb.⌋

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Jeremaia 25:14

Da heppi, wan laala, ahilkad king ebehilkad okkai ele ag gona heppeg, Babilon danab ah ag ahilkad begbeg maɗi nid daaglag. Da heppi, Babilon ag heppig bia, ag eppelagppa aɗi aɗi heppig bia ahilagppa bekku,’ awa atte.” Yawe Nug da Jeremaia, nug da amelppa anam aum.

Jeremaia 25:25

Amu dimppa amu, da kap amu Simri, Elam, amu Midia dilag king ele mattai laeg,

Jeremaia 50:41

Amu Yawe Nug atte. “Antteg! Ban daup ag wan laa yawalti uɗitteppanu daatte, ag appanu uɗiglag. Ao, wan ɠagattag laa umanab daatte, king kuɗum ag wan amu waappa daan ehanadtteb ele amu, daup amu ag appanu ban hekkulagnu ahatteb.

Jeremaia 51:11

Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.

Jeremaia 51:27

Daup ag anidna uɗin, Babilon ele ban hekkulagnu ag pilak qabappeg, attan dayaɗ! Ao, daup ag doon, Babilon ele ban hekkulagnu ag trampet wan atu kuɗumppa iwaleg! Heppeg, wanppan wan laalanu danab ag Babilon ele ban hekkulagnu babaitteg! Ao, ɗo maɗoɗ imu ag ban hekkulag; Ararat danab, Mini danab, am Askenas danab ele. Appan danab ag ahappeg, Babilon ele ban hekkulagnu ag nai meppeg ukkeb doyeg! Laa nug daup huanak Babilon ele ban hekkulagnu dilag okkai daakkunu otieg! Heppeg, bannu hos huanaknab, ag tap-lokus huanak daatteb bia daan, daup ag hos amu attan oin, ban hetteb ele ag goppeg, Babilon ele ban heig!

Jeremaia 51:29

Yawe Nug Babilon wan heeb nauhaknab dayeb, danab laa appa ii daamanu dabmeum, dabmak amu ɠagattag eppom daatte. Nug amu hekku amunu, danab guittak okkai naɗi doya, beɗu hahaɗeɗe, buɗibɗib oitte, Babilon amubia hekku.

Daniel 6:1

Amu Darius nug ɗo maɗoɗ gumom ele amu, nug wan amu obate, maha 120, prowins bia neeg, nug maha laippu anen anenppa danab okkai maatte daappig.

Daniel 6:8

Amunu O king, ⌊na ihinig dabmak imu ena anidttem dayeb⌋ na appe, laa nug ɗo amu yeeb, na onin amuppa yaappe, nai amu baɗ! Amu ɗo amu anam beeb, Midia danab, Persia danab ele dilag ɗo atte, amubia laa nug ɗo amu baolikkunu elele iitta; aakku daatte,” aon appig.

Daniel 8:20

Sipsip dawai qeqeɗi aɗit ele na anidme amu, sipsip amuam Midia, Persia ele dilah ɗo maɗoɗ epponaknu keeke daatte.

Daniel 9:1

Ekserksis bekka Darius, nug Midia ted, nug laa heeg, Babilon dilag king aben awa ta daye, maɗ nug ta dayom,