Jeremaia 51:11 - Nobonob Baibel

¹¹ Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.

Jeremaia 51:11 ပူးပေါင်းရင်းမြစ်များ

1 King 11:14

Aria, gemu Yawe Nug Solomonnu eheɗ hak, diig amunu, Nug he, Edom dilag king, nug baegppan danab laa Solomonnu kekeɗ beum. Danab amu onig Hadat.

1 King 11:23

Amu Kayak Nug he, danab laa ele Solomon kekeɗ medakkunu ahom. Danab amu onig Reson, nug am Eliada bekka. Reson nug anukka Soba wannu King Hadatesernu maɗi nid dayaya, oola ukkom.

1 Stori 5:26

Israel dilag huu okkai Ruben, Gad, Manase mahaib ele ag eheɗ amu heeg, Kayak, Nug Israel dilag Kayak, Nug he, Asiria dilag king Pul, nug onig laa am Tiklat Pileser, nug Asiria dilag king, nug aha, Israel dilag huu okkai Ruben, Gad, Manase mahaib ele eɗatta, appanu wan laappa diia ukka maatte, appa ag diia ukka laih me dayak danab ah daappig. Wan nug diia ukke daappig ele am Hala, Habor, Hara, amu le Gosan guguittak ele. Nug diia ukka, amuppa maatte daaeg uɗie, gemu ⌊nai imu yaak haenppa⌋ ele, ag appa ana daatteb.

2 Stori 36:22

Anam be amu, Persia dilag king Sairus nug Babilon eɗitta mala, Babilon dilag king daye, nuhig king dayaknu maɗ tatamnu Yawe Nug nai Jeremaia oɗeppa mattiom ele meu okkunu, Nug Sairus nuhig dabmak maɗette, nug wan oh nug gumaama, nai laa pepappa ya me, ag oh, ahilagppa ukkom.

Esra 1:1

Anukka Persia dilag king Sairus nug Babilon dilag king daye, nuhig king dayaknu maɗ tatamnu Yawe Nug nai Jeremaia oɗeppa mattiom ele meu okkunu, Nug Sairus nuhig dabmak maɗette, nug wan oh nug gumaama, nai laa pepappa ya me, ag oh, ahilagppa ukkom.

Aisaia 10:26

Amu Yawe Nukka Ɠagattag Oh Ele, Nug inam hekku. Nug Asiria geha buppa makkuɗadkku. Nug men laa Orep daatte, Nug amu guguittak Midian makkuɗattom amu, Nug amubia makkuɗadkku. Geha Nug eppeg huma dayaya, Asiria makkuɗadkku; anukka Isip dilagppa he, ag Le Kokoɗppa padal meppig, amubia ahilagppa hekku.

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Aisaia 21:5

⌊Amu tulegleg amuppa⌋ danab ag ee naɗi laa heegeg ⌊anadmi⌋. Ag heɗep na dayaknu lamen okkai okkai duqatteg, ⌊danab okkai ag amuppa heɗep nena daanna,⌋ ee lanana, le lanana daaegeg anidmi. Ag aakku daan heegeg, baag laa, “Ag ban danab okkai, ag aheg! ⌊Ag hetteb am uueg! Ban hak haen uɗia malom!⌋ Ag ahan, ahilkad ban haknu guppiɗ goɗenppa babaitteg!” ewa eum.

Aisaia 41:25

Yawe Nug atte. “Da laa dabmak metten hei, laa amu nug yawalti uɗitteppanu aakku aha, yag bak doya uɗitte. Ao, da laa, nug appag diig aam bedeppa daatte amu, da laa amu hei aha, nug da unuqiɗtte. Danab laa amu nug danab lekkoh baegppa tabatte, nug amubia danab okkai he nauhtteb. Nug waa keeke hak danab tatam lekkoh baegppa tappe, kaboliak elele daye waa hette, danab amu nug danab okkai dilagppa anam hette.

Aisaia 45:1

Yawe Nug Sairus king daakkunu goɗen gokkaɗakppa tituanom. Nug wan laala eɗatta diiaknu, nug king laala dilag ban haknu keeke aɗatta awaknu, nug aab okkainu aɗ od matulattebeb, appa wanaknu ib keldoak daamanu, Yawe Nug nug eppeg naɗiap aɗom daatte. Amu Yawe Nug Sairus amegppa inam atte.

Aisaia 45:5

Da dakka aakkuib am Yawe! Kayak laa ii daatte. Na da ii dooiɗttem, amge da heppi, na ɠagattag daakkut.

Aisaia 46:11

Da danab laa ⌊Sairus,⌋ aam bedeppanu, ⌊nug ban haknu danab⌋ ai doɗ qe mauhe latte, nug amubia hekku amu, da nug onigppa ettem. Ao, da wan umanabnu danab laa nug dahil dabmak dim lamitta, dahil oo hak heeb bekkunu onigppa ettem. Da aɗi heppi bekkunu ami am, ana bekku. Ao, da aɗi kobol bekkunu maittak aomi amu, da heppi bekku.

Jeremaia 25:25

Amu dimppa amu, da kap amu Simri, Elam, amu Midia dilag king ele mattai laeg,

Jeremaia 46:3

“Ag Isip dilag daup, ag ahilkad guppiɗ babaitteg! Ag guppiɗ okkai, guppiɗ nakok ele babaitteg! Ag bapaidna malona, ag ahan, ban hekkulagnu ukkeg!

Jeremaia 46:4

Ag dayaknu keeke hos gomeppa mena qakkona, ag hos attan tena dayeg! Ag ikkilagppa aen hat mena, ag ban hak abenppa gona dayeg! Ag ahilkad ban bappaidna, ag beɗulag eheɗ aomnanu keeke laa ele meig!

Jeremaia 46:9

Ag Isip daup dilag hos, ag huan qaiettan, ban hekkulagnu ukkeg! Ag ban danab ag bannu karis lamadtteb ele, ag ahilkad bannu karis huana lamatteg! Ag daup baelagppa oin, ban hetteb ele, ag Kus danab, ag Put danab guppiɗ maotteb ele, ag Lidia danab latppa ban hetteb ele amu, ag oh ahan, laippuppa tappa ukkak hena, ban hekkulagnu ukkeg!

Jeremaia 50:25

Da, Naɗi Yawe Dakka Ɠagattag Oh Ele da Babilon wanppa bu mettak uɗat laa hekkulnu daattem amunu, da kekeɗ ag uɗin, Babilon ele ban hekkulagnu, da dahil bu mattaknu keeke babaitte, kekeɗ eppelagppa memi daatte.

Jeremaia 50:3

Wanppan wan laa, yawalti uɗitteppanu daatteb, ag banelag uɗin, Babilon ele ban hekkulag. Ag heppeg, Babilon wan am nauhakib daakku. Laa appa ii daama. Danab, doɗ ele ag oolna gokkulag,’ aon aig!”

Jeremaia 50:45

Anam amunu, O Babilon danab ah, ag Yawe, Nug ahilagnu aɗi maittak daatte amu, ag dabmak amu doyeg! Ao, Nug ag Babilon daatteb, Nug ag aɗi uug madakkunu dabmeum, dabmak amu ɠagattag eppom daatte amu, ag amu doyeg! Nug heeb, doɗ nau sipsip nakkud diia gotte, amubia Babilonnu amu, kekeɗ ag ahilkad nid aɗualadna, diin gokkulag. Amu Babilon ag eheɗ heegeg uɗie, gemu ele hetteb, diig amunu kekeɗ ag ahilag wan heppeg nauhkku.

Jeremaia 50:9

Aɗinu ag oolkkulag? Da heppi, huu okkainab, ɠagattag ele laala yawalti uɗitteppanu daatteb, ag ahan qagmena, ag Babilon ele ban hekkulagnu uɗiglag. Ag yawalti uɗitteppanu uɗin, Babilon ele ban hekkulagnu aben aon, keeke bappaidna, ag Babilon eɗidkkulag. Ag lat doɗo ekkulag amu, lat doɗo amu oh daup dabmak enanag ele bia daaglag. Laippu laa hamu ii goma. Iitta. Oh am Babilon daup aqaglag.

Jeremaia 51:12

Ag Babilon aqaglagnu pilak humeig! Meitta dayak danab laa otiatteg! Aɗi uɗitte anttak danab ag abenlagppa matteg! Lokkuma dayaya, aha ban haknu dabmak babaitteg! Aɗinu? Yawe Nug Babilon dilagnu aɗi hekkunu dabmeum am, Nug hekku. Ao, Nug Babilon danab ah dilagnu aɗi bekkunu ɗo nai mattiom amu, Nug heeb bekku.

Jeremaia 51:24

Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

Jeremaia 51:35

Babilon ag ig Juda, ag eheɗnab heigppig amunu, eheɗ hak amunu nob nau Babilon dilagppa baɗ! Ao, Babilon ag ig oikkeg, ig tiinig ne, ig kuɗum mauhmut amunu, eheɗ hak amunu aab Babilon beɗulagppa dayaɗ!” aon akkulag.

Jeremaia 51:36

Anam amunu, Yawe Nug atte. “Ag Juda, ag antteg! Babilon ahilagnu eheɗ heppig amunu, da ag Juda, da ag ehanadkkul. Da Babilon uug naunab madakkul. Da heppi, Babilon dilag le okkai am qaɗaiedakku. Ao, da heppi, le Babilon ag appa le lanaknu aotteb amu, le amu ele qaɗaiettaglag.

Daniel 5:30

Anam, amge tuqan amuppanab Midia, Persia ele dilag daup ag aab naɗi Babilon amu aon, ag Babilon dilag king Belsasar qeeg mauhom.

Joel 3:10

Ag wan buuaknu aen aon, ag hamappa qeppeg, qep elab baɗ! Ao, ag ad eppeg babaittaknu aen amu, ag aen amu aon, hamappa qeppeg, ban gudkkud baɗ! Ag keeke anam bapaidppeg, ag oolagppa danab aun nug ban hekkunu gai-iitta, nug, ‘Da am ban danab ɠagattag elede,’ a!

Joel 3:9

Laa nai imu ag wanppan wan ohppan danab ah amelagppa inam appeg doyeg! “Ag ban hekkulagnu babaitteg! Ag appeg, ban danab aheg! Ahan, ag ban haknu aben gukkuidna gona, ag ban hekkulagnu bappaidna dayeg!

Lewitikas 26:25

Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku.

Sekaraia 14:12

Amu wanppanu wan attennu daup ag Jerusalem banelag uɗiglag amu, Yawe Nug heeb, oɗe nau danab kuɗum aqe mauhtteb ele ag aqadkku. Amuam ag hippaidna daappeg, ag teppulag beɗakku. Ag hippaidna daappeg, ag amelag ikkilagppa dayaya, beɗakku. Ag hippaidna daappeg, ag lemaɗulag ag oɗelagppa dayaya, beɗakku.

Sekaraia 14:2

Amu Yawe Nug atte. “Deɗ amuppa da wanppan wan ohnu danab ag Jerusalem banelag uɗiglagnu qagmaadkkul. Anam amu, kekeɗ ag uɗin, aab okkai amu eɗadkkulag. Ag laulkadppan keeke akkan gonana, ag ah am eheɗ hattaglag. Kekeɗ ag amu henan, ag aab amuppan danab ah ameg laa diin gona heppeg, ag wan laappa diia ukka laih me dayak danab ah daaglag. Ameg laa ag aab nauhom, amuppa daaglag,” awa atte