Jeremaia 51:10 - Nobonob Baibel

¹⁰ Amu Israel danab ah ag akkulag. “Yawe Nug ehanittak okkainab mekke, ig Babilon eppelagppa ii daattem. Ahappeg, ig Sion appa Yawe, ihinig Kayak, ig Nug attem attem heum apput doyeg!” aon akkulag.

Jeremaia 51:10 ပူးပေါင်းရင်းမြစ်များ

Sam 118:17

Da ii mauhpa. Iitta! Da bau dayeye, da Yawe, Nug dahilnu aɗi heum amu, da amunu danab ah amelagppa akkul.

Sam 37:6

Aam amahlak enanag be, danab ah anidtteb, amubia Nug geha heeb, laa oh ag nahipnu, nug am genab tutukku hak danab anidkkulag. Yo, aam anig amahlak okkainab daye, danab ah anidtteb, amubia Nug heeb, danab ah ag na, na am nai doya mala hettoɗia epeɗia elele mettak kobol dim lamidna hettem dooglag.

Sam 64:9

Anam beeb, laa oh ag Kayaknu ebehilag oh bodoetta le mekku. Ao, ag Kayak Nug keeke okkai okkai heumnu, ag laa amelagppa amunu mattiglag. Ge, ag amunu dabmena autna aoglag.

Sam 66:16

Aun aɗi oh ag Kayaknu ebehilag oh bodoetta le mette ele amu, ag doppeg, Kayak Nug aɗi keeke dahilppa ena heum amu, da amunu madippi doyeg!

Sam 9:14

⌊O Yawe,⌋ da Sionnu aɗ odppa na onin humakkulnu, na da ehaniɗe, da kekeɗ eppelagppa ii daattemnu na binan medakkulnu amu, da diig amunu na anam ehaniɗkkutnu oɗ medattem.

Aisaia 24:14

Danab ah ⌊uug awak haenppa ag uugppa ii mauhppig daatteb ele,⌋ ag baalag okkaippa ekkulag. Ag oo gamag ahak naɗi doon, ag huana ekkulag. Danab ah amu, ag qaban uɗitteppanu ele, ag Yawe Nug dagom onig ɠagattag elenu qalan mattiglag.

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Jeremaia 50:28

Babilon dilag uug awak haen digma beebeb, Israel danab ah laa ag Babilonnu ahan, eɗun oolna Israel wanppa gona, Sion appa ag Yawe, Nug ig Israel, ihinig Kayak, ag Nug Babilon dilag daup anukka nug laug heeg nauhom, gemu Nug kobol nau amu heppignu nob aakku mattomnu madippeg doyeg!

Jeremaia 50:45

Anam amunu, O Babilon danab ah, ag Yawe, Nug ahilagnu aɗi maittak daatte amu, ag dabmak amu doyeg! Ao, Nug ag Babilon daatteb, Nug ag aɗi uug madakkunu dabmeum, dabmak amu ɠagattag eppom daatte amu, ag amu doyeg! Nug heeb, doɗ nau sipsip nakkud diia gotte, amubia Babilonnu amu, kekeɗ ag ahilkad nid aɗualadna, diin gokkulag. Amu Babilon ag eheɗ heegeg uɗie, gemu ele hetteb, diig amunu kekeɗ ag ahilag wan heppeg nauhkku.