Jeremaia 50:7 - Nobonob Baibel

⁷ Ahilag kekeɗ ag anadna, ag doɗ nau sipsip qa latte, amubia ag eheɗ hadappig. Kekeɗ ag amu henana, ag appig. ‘Israel ag Yawe, ahilag ehanittak genab, Israel mamelkad aɗi dilag keeke ena bekkunu dabmak aɗa oiyaknu diig ele, ag nuhigppa hipunin heppig amunu, “Ig Israel eheɗ hadattem amu, ig beɗunigppa amunu aab laa iitta,” ’ ” aon appig.

Jeremaia 50:7 ပူးပေါင်းရင်းမြစ်များ

Sam 71:5

O Naɗi Yawe, da na amu hekkutnu oɗ medattemnu diig am ena baknu dabmak aɗa oiyak dahil am, naib daattem. Ao, da nid nakokppan nahipnu oolppa genab doottemib.

Sam 79:7

Aɗinu? Ag ig Jakop buɗub, ig iqappig. Ao, ag Jakop buɗub dilag wan atu heeg nauhom.

Sam 90:1

O Naɗi, anukkanab uɗie uɗie, gemu ele amu, na ihinig ena dayaknu aben bia dayeye daattem!

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Aisaia 47:6

Da dahilad danab ah, ag hipunin heppig amunu, da ahilagnu ool nauhe, da hei, Babilon ag wana, ahilag wan aon, ahilag daakkunu aɗappig. Da hei, Israel danab ah ag, ag Babilon eppelagppa daappig, amge ag Babilon ag Israel dilagnu oo gai-iitta doya oo metta ehanittak laa iinab heppig. Iitta. Ag nid bau dilag eheɗ hadappig, amge amuib iitta. Iitta. Ag ele ahilag eheɗ hak tuɗidna, wagai mena, ag Israel danab ah kaino dilag eheɗ hattanna, uɗat nau, uug ele ag madappig.

Aisaia 56:9

Atuppan doɗ, atu taɗakppan doɗ ele ag doɗ laala aqan latteb bia, ag Juda dilag kekeɗ ag ahan uɗin, ag Juda dilag okkai heppeg nauheg!

Aisaia 9:12

Nug heeb, aam nodeppanu danab Pilistianu, ag ahappeg, amu aam bedeppan daup Aramnu, ag ele ahappeg, ag oh Israel aqaglagnu uɗin, ag Israel qena, tabappeg nokku. Anam, amge amuppa Yawe Nug nuhig oo nauhak am iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Jeremaia 10:25

Wan laalappan danab ah, ag na am Kayak dabmekkulagnu uun, ag na waatppa ele daaglagnu uutteb amu, ag ig Jakop buɗub heikkeg nauhmut. Ag ig heikkeg, ig padal meta autta aomut. Ag ihinig wan ele heeg nauhom. Anam amunu, na amu dilagnu oppoɗin beeb, ag bu madakkutnu ool daatte.

Jeremaia 14:8

O Yawe, naib ig Israel ehanigkkutnu elele. Uug nau haenppa naib na ihinig Padal ii maknu ehanittak daattem. Anam amunu, na aab diig danab iitta bia daattemnu, o na danab laih gokkunu oiyaya, tuqan laippu ɗo danab wan laappa dayaya, buttua aha gotte, na amubia daattemnu,

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Jeremaia 2:3

Ag Israel ag dahilnu tituanak daappig. Ag ee tatam oɗutte dahilnab daatte, ag amubia daappig. Laa mana mettak danab iitta, nug baekkudppa ele iitta, nug ee bau dahilnab amu latte dayeb, nug beɗuppa aab ele daatte, amubia aun nug Israel eheɗ hattom, nug beɗuppa aab ele dayeye, uug naunab nuhigppa te, padal meum.’ Da Yawe, da anam aakku attem,” awa aum.

Jeremaia 31:23

Yawe Nukka Ɠagattag Oh Ele, Israel dilag Kayak, Nug inam atte. “Da heppi, Juda danab ah ag eɗun, ahilag wanppa uɗiona, ag Juda wanppa, aab laala eleppa daanna, ag Yawenu mettid lag Jerusalem ooppa qaukoppa daattenu amu, ag inam akkulag. ‘Yawe Nug qauko nuhignu tituanak daatte, Nug laug genab tutukku hak kobol inak ele qauko amuppa daatte, Nug qauko, lag amu ele itatteb, anam dayeɗ!’ aon akkulag.

Jeremaia 33:15

Haen amuppa da heppi, danab laa Dawit buɗubppanu bekku; ad diigppa ita bau bette, amubia bekku. Nug am genab tutukku danab. Nug ba, nug wan imuppa hanhan nai doya mala hettoɗia epeɗia elele mettak kobol, kobol tutukku ele, nug amu dim lamidkku.

Jeremaia 33:16

Aria, haen amuppa da Juda danab ah ehanadppi, ag padal ii memana. Ao, haen amuppa da heppi, Jerusalem danab ah ag baɗak iittappa daanna oiglag. Ag anam daan oippeppeg, danab ah wan ohppanu ag Jerusalem onig laa ele ataɗkkulag. Onig amuam, ‘Yawe Nug am Ihinig Kobol Genab Tutukkunu Diig Daatte,’ akkulag.

Jeremaia 5:17

Wan amuppan danab ag uɗin, datta ee ahilag, ma lakka mak ele lae nekkulag. Ao, ahilag makau, sipsip ele ag aqan lae nekkulag. Ag ahilag grep meu, wain, ad fig meu ele ag lae nekkulag. Ge, ag ahilkad nid, nid ahin ele aqaglag. Ag Israel, ag aab ɠagattag aɗ ele ooppa daan, ‘Ippa ig enaib daagnig,’ atteb, amge kekeɗ amu ag uɗin qep elabppa heppeg, aab amu oh nauhkkulag.

Jeremaia 50:14

Ag kekeɗ, ag lat pimaltteb ele, ag Babilon talilidna daan, nug ele ban hekkulagnu babaitteg! Babilon danab ah ag Yawe, nuhigppa hipunin heppig amunu, ag Babilon dilag kekeɗ ag lat doɗo eheɗ ewatteg! Ag laippu laippu aib eppig. Ag kuɗum, eheɗnab ewatteg!

Jeremaia 50:17

Israel am sipsip ag oolna, matatun gona daatteb bia daatteb. Laion nug sipsip lamatte gona, tamtam daatteb, Israel ag amubia daatteb. Tatam Asiria dilag king nug uɗia, doɗ layag qe mauhe latte bia heeg, Israel nauhom. Dimnab amu, Babilon dilag king Nebukatnesar nug uɗia, nug Juda danab ah he nauhna autna aoppig,” awa atte.

Jeremaia 50:33

Yawe Nukka Ɠagattag Oh Ele Nug inam atte. “Kekeɗ ag Israel danab ah eheɗ hadatteb. Juda danab ah ele anamib, Laa ag eɗadna diieg, ag eppelagppa daatteb ele amu, laa amu ag ɠagattag aɗualadtteb. Ag heppeg, Israel, Juda ele ag eɗun, ag wanelagppa gokkulagnu iinab hetteb.

Esekiel 34:5

Ag sipsip gumak danab ag anam heeg, sipsip ag gumak danab ⌊genab laa⌋ iitta daanna, ag matatun, laih laih gona daappig. Ag matatun gona daaegeg, doɗ dakkuɗ ag aqan ladappig.

Esekiel 35:12

Da amu heppi, Edom ag da Yawe, da nai nau ag Israel, Juda dilag appig doomi amu, ag dooglag. Haen amuppa ag appig. ‘Kekeɗ ag uɗin, wan aɗit ag heeg nauhakib daattep. Laa ag ig appa gota, wan amu ihinig daakkunu aognignu heppig,’ aon appig.

Daniel 9:16

O Naɗi, na genab tutukkuib hanhan hettem amunu, na amubia gemu ele henana, na Jerusalemnu danab ah, ⌊Juda danab ah oh ele⌋ dilagnu oot nauhom daatte, na amu dilagnu oppoɗi bak doottem amu, na amu uukkutnu oɗ medattem. Jerusalem am nahip aab, am aab amu am qauko nahipnu tituanak daatte, am amuppa daatte. Ig nahipad danab ah, ig, amu ig mamenkad aɗi ele ig hipunin heut, na bu eheɗ mekkame amunu, danab ah wan atu ig taliligna daatteb ele, ag ig, aab Jerusalem ele, ag ihinignu, ‘Keeke hamunab,’ dootteb.

Daniel 9:6

Amu nahipad maɗi nid, ag propet, na maatte uɗin, na oninppa nahip nai madippig amu, ag nahip nai ihinkad king, ihinkad danab okkai, ig mamenkad aɗi, amu Israel wanppan danab ah oh ele amelagppa appig, amge ig nai amu doognignu uumut. Ig ii dabmemut.

Sekaraia 1:15

amge da wanppan wan laala danab ah dilagnu, ag ahilag dabmakppa ag ɠagattag daatteb, ag uug laa ii anidmananu dabmetteb amu, da amu dilagnu ool nauhtte. Da dahilad danab ah dilagnu ool nakokib nauhom, amge da ag amunu bu madakkulnu dabmein, bu qak amu wanppan wan laala eppelagppa memi. Da anam memi amge, wanppan wan laalappan danab ag bu da dabmemi, ag amu eɗittak, bu eheɗ nau ele Israel madappig,” awa atte.

Sekaraia 11:5

Danab ag sipsip amu ⌊sipsip mamelkad dilagppanu, enub danab laanu men doɗoppa, nuhig daakkunu⌋ daden metteb ele ag daden mewona, ag ⌊laa⌋ baalag otaɗadna ⌊latteb⌋, amge ag bu ii aotteb. ⌊Enub⌋ danab ag sipsip amu ⌊ahilag men doɗoppa aoppig amu,⌋ ag aon meeg, laa daden meeg, enub danab ag men doɗo okkai aon, ag anen anen, ‘Ig Yawe onig humatu. Da enub danab bemi daattem!’ atteb. Sipsip amunu gumak danab ele ag ena ii atognoadtteb; ag ele aqadna ⌊latteb⌋. ⌊Aakku ib ewam amuppa sipsip ameg amuppa daatteb, ag nauhak aotteb.⌋

1 Timoti 1:1

Da Pol, da Kayak, eɗua awikkak ihinig daatte amu, Nug Bekka Jesus, nuhig ehanittakppa ig ena daagnignu dabmak aɗat ameg mettem amu, da haknunab anak ahilahppa Kristus Jesusnu totol danab daattem.