Jeremaia 50:5 - Nobonob Baibel

⁵ Ag gonana, ag laa Sionnu ib adeppa daattenu oɗ mattan doon, ag appigppa gokkulagnu gokkulag. Ag amu hena, ag Sion tewona, ag da, Yawe, ag da ele ig nug tituana nai qakkak hanhan daakkunu qakkagnig. Ag nai qakkak amu daulag ii atima,” awa atte.

Jeremaia 50:5 ပူးပေါင်းရင်းမြစ်များ

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

2 Samuel 23:5

Kayak Nug da, da baeladppa ele tituanikkom. Ao, Nug he, da Nug ele i nug tituanɗa, nai qakkamuɗ, hanhan daakkunu heum. Nug tituana nai qakkak amu, am hanhan babaittak anamib daakku. Ao, Nug da hanhan atognoiɗebeb, da ena daappi, nug ele heeb, dahil uɗat am elele gokku.

1 King 19:10

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele qep elabppa aqaeg mauhppig; da dakka iikku daattem, amu gemu ag da ele iuppeg mauhkkulnu mattiɗtteb,” awa aum.

1 King 19:14

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele aqaeg mauhppig; da dakka iikku daattem, amu gemu ag da ele iuppeg mauhkkulnu hetteb,” awa aum.

Sam 84:7

Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Jeremaia 3:18

Haen amuppa Juda danab ah, Israel danab ah ele ag oh qagmena, wan laa yawalti uɗitteppanu daatte, ag wan amuppanu ahan uɗin, wan da ag mamelkad aɗi ag aulag daakkunu mattami ele, ag uɗin, wan amuppa daaglag.

Jeremaia 31:21

O Israel danab ah, ⌊ag eɗun, ahilag wanppa uɗiglagnu amu,⌋ ag ib atten atten aon uɗiglagnu ele, ag ib amu giginppa at maadna, pilak human galatteg! Ag ib attem attem aon oiglag amu, ag amu dabmena autna aweg! O Israel danab ah, ag ahan, eɗun ahilag aab anen anenppa uɗiglag.

Jeremaia 31:6

Aɗinu? Amu haen laa dimppa haen laa bekku, amu haen amuppa aɗi uɗitte anittak danab Epraim wanppa, qauko nakok daattebppa daatteb ag, ‘Ahappeg, ig Sion tetu! Ge, ig Yawe, ihinig Kayak, ig Nug gukuidtta gotu!’ aon ekkulag.” Yawe Nug anam atte.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Esekiel 16:61

Da anam heppi, na nahip hak dabmena, na amunu uɗa nak dooppe, da heppi, na, na apan, makkep ele eɗun diiatkkut, amge aa haen amuppa, na apan, makkep ele aa ii daamya. Iitta. Aa na aɗenaɗ daaglah. Da amu hekkul, amge amu bekkunu nug tituana nai qakkak ihinihppa ii dayom. ⌊Iitta. Da dakka, da anam hekkul.⌋

Esekiel 37:22

Da anam heine, da heppi, ag huu laippu, wan laippuppa, amuam Israel wan, ag aguppa daaglag. Ag amuppa daappeg, ahilag king laippu ag atognoattebeb, ag baula huu aɗit ii daamna. Ag baula wan aɗit iitta; laippuib.

Hosea 1:11

Anam dayeb, geha Juda, Israel danab ah ele ag laippu tamanin, ikki danab laippu waappa daan, ag diia ukka, laih me dayakppanu eɗun uɗin, tamanin daaglag. Deɗ amuam geha deɗ naɗinab daakku. Deɗ amunu amu, ag geha, ‘Jesrilnu deɗ,’ akkulag. Aɗinu? Deɗ amuppa, Kayak nug geha danab ah nuhikkud baula nuhig wanppa maatteb daaglag,” awa aum.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Hosea 6:1

⌊Amu Israel ag oolag unuqagppanu da aniɗna dim lamiɗkkulagnu mattiɗna, ag akka akka akkulag.⌋ “Ahappeg, ig eɗut, Yawe waappa daatu! Aɗinu? Nug ig doɗ layag beɗu pattiɗe, huppu naunau nette bia guittak okkai naɗi mekkom, amge Nug heeb, ig ena daagnig. Genab, Nug ig bu iqe, beɗunkad ihi mettom, amge Nug ig ihinkad nau bappaidkku.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

2 Korint 8:5

Ig anukka Makedonia danab dilagnu, “Geha ag men doɗoib laala mekkulag,” amut amge ag men doɗoib ii meppig. Iitta. Makedonia danab ag akka ag meulkad oh aon, ag akka Naɗi eppegppa mewona, Kayak oo daatte amu dim lamidna, aakku ihinigppa ele anamib heppig.