Jeremaia 50:43 - Nobonob Baibel

⁴³ Babilon dilag king nug daup amunu nai dookku amu, nug aɗi keeke hekkunu laa iitta, nug gai-iitta daakku. Nug ooppa guittak naɗi dookku; ah nid aokkun haaha, guittak dootte, guittak amubia nug ooppa dookku.

Jeremaia 50:43 ပူးပေါင်းရင်းမြစ်များ

Jeremaia 30:6

Oɗ mattan doye! Danab nug ah nid menutte bia nid menukkunu elelete? Iitta amunu, aɗinu da danab ɠagattag ohnab anen anen ag ah nid aokkun oo eppegppa lamuhitte bia, ag oolag lamuhieg anadttem? Aɗinu da danab ɠagattag iɗulag oh hakkab eppom anidttem.

Jeremaia 49:22

Antteg! Ai igel hagagaɗa oiyaya, doɗ aokkunu noa ukka, eɗua tette, amubia kekeɗ ag Bosra danab ah diiadppeg, ag eppelagppa daaglag. Amu beeb, deɗ amuppa Edom dilag daup ag ah nid aokkun hette bia daaglag.

Jeremaia 49:24

Damaskus danab ah ag gai-iitta daaglag. Ag oolkkulagnu henana, baɗak naɗi okkai doon, ag guittak nau ele aoglag; guittak amuam ah nid aokkun haaha, guittak nau dootte, amubia.

Jeremaia 51:31

Nai awa ukkak danab laa nug layag dim lamitta uɗieb, nug dimugppa laa ele uɗikku. Danab anam kuɗum uɗin, ban attem attem gotte Babilon dilag king amegppa appeg dookkunu uɗiglag, amge ag oh nai laippuib appeg dookku. Ag inam akkulag. “Kekeɗ ag Babilon aab eɗitteg, Babilon aab okkai oh ag eppelagppa daatte.

Jeremaia 6:24

⌊O gadon, ig Juda⌋ ig daup amunu nai doot malamut, amu ig gai-iitta daattem. Ig eppenig am hamu daatte, danab eppeg laih laih oh mauhom, amubia. Ig doot, ig dabmakppa guittak okkainab doottem. Ao, ig ah nid aokkunu haaha, guittak okkainab dootte, amubia ig guittak okkainab oonigppa doottem.