Jeremaia 50:29 - Nobonob Baibel

²⁹ Amu Yawe Nug atte. “Babilon ag da, Yawe, Israel dilag Kayak Oppiaawak Ele, ag da oɗel tappaeg neum amunu, kekeɗ ag laa appeg, latppa ban hetteb ag uɗin, Babilon aqeg! Ag Babilon talilidna daanna heppeg, Babilon laippu laa aib oola ukkom. Babilon danab ah ag eheɗ heppig amunu, ag nob matteg! Ag eheɗ digdig heppig, amubia ahilagppa heig!

Jeremaia 50:29 ပူးပေါင်းရင်းမြစ်များ

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 47:10

Ag nau hak kobol ahilag dimugppa, guppiɗ dimugppa dayak bia, ag anam daanna, ag, ‘Laa ii anigtte,’ adappig. Ahilag doyak dabmak ena ele, ahilag doyak ele am eheɗ dayaya he, ag ib ena apiɗidna, eheɗ gonana, ‘Igib danabnab daattem. Laa oh am hamu. Ig bia laa ii daatteb,’ appig.

Jeremaia 25:14

Da heppi, wan laala, ahilkad king ebehilkad okkai ele ag gona heppeg, Babilon danab ah ag ahilkad begbeg maɗi nid daaglag. Da heppi, Babilon ag heppig bia, ag eppelagppa aɗi aɗi heppig bia ahilagppa bekku,’ awa atte.” Yawe Nug da Jeremaia, nug da amelppa anam aum.

Jeremaia 48:26

Moap danab ah ag Yawe waappa dayaknu uun, ag Nug oɗe tappaeg neum amunu, kekeɗ ag heppeg, Moap ag uɗa nak doyeg! Ag danab nug le ɠagattag huana la, kaaka qe, bahaha, na qa, bahakppa niia, buɗibɗib oiya, dimppa kaaka qak iitta me, uɗa nak nau dootte, Moap ag amubia doyeg!

Jeremaia 49:16

Ag Esau buɗub ag qauko igippa daatteb. Ag ahilag aab baippa kalatteb. Ag anam daanna, ag heeg, danab ah laa ag baɗak eheɗ nau dootteb. Ag am dada danab. Ag anam daatteb, amge keeke aɗit amu ag buppualatteh, ag eheɗ dabmena, ‘Ig neta ii qemata,’ anan oitteb. Ag aben ɠagattag, ai igel daatteb bia daatteb, amge da ag appanu aɗualadppi nekkulag,” awa atte.

Jeremaia 50:24

O Babilon, da pelem meppi, na laippun, ii dabmettemppa tekkut. Babilon danab ah, ag da, Yawe, ag da ag banel uɗippig amunu, kekeɗ ag uɗin anadna diiglag.

Jeremaia 50:26

Ag Babilon dilag kekeɗ, ag umanabnu uɗin, ma lakkanu ee aeg aon, dimittim meppeg nauhaɗ! Ag heppeg, Babilon danab ah ag ee aeg qagmak okkaippa dimittim daatte bia dayeg! Ag heppeg, Babilon danab ah padal meig! Laippu laa oɗo yaak aib dayom!

Jeremaia 50:32

Anam amunu, Babilon danab ah ag beɗuppa tak danab, ag baelag qena, nena qeppeg, laa ehanatteb eɗun ahaglagnu laa iitta. Da heppi, aab ahilkad am aab ewatta, wan laala Babilon talilidna daatteb ele ewadkku,” awa atte.

Jeremaia 50:9

Aɗinu ag oolkkulag? Da heppi, huu okkainab, ɠagattag ele laala yawalti uɗitteppanu daatteb, ag ahan qagmena, ag Babilon ele ban hekkulagnu uɗiglag. Ag yawalti uɗitteppanu uɗin, Babilon ele ban hekkulagnu aben aon, keeke bappaidna, ag Babilon eɗidkkulag. Ag lat doɗo ekkulag amu, lat doɗo amu oh daup dabmak enanag ele bia daaglag. Laippu laa hamu ii goma. Iitta. Oh am Babilon daup aqaglag.

Jeremaia 51:24

Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

Jeremaia 51:3

Anam amunu, Babilon dilag daup ag lat ahilkad omanadmananu, ag ahilkad ban hak lamen ɠagattag takkaladmananu, ag kekeɗ ag paha ban heig! Ag kekeɗ ag Babilon dilag nid bau aqeg! Aib uuadppeg daappig! Ag kekeɗ, ag Babilon dilag daup ohnab aqappeg, padal meig!

Jeremaia 51:49

Babilon ag Israel danab ah huanak aqappig amunu, Babilon na qekkuoitte. Ge, Babilon ag wan atu ohppan danab ah aqaeg mauhppig amunu, ag nob aoglagoitte.

Jeremaia 51:56

Keeke he nauhak danab ag Babilon ele ban hekkulag. Kekeɗ amu ag Babilon daup eɗadppeg, ag eppelagppa daaglag. Kekeɗ ag Babilon daup dilag lat qiialadkkulag. Aɗinu amu bekku? Yawe Nug am Kayak Nug danab ah hipunin hetteb ele nob madatte amunu, Nug Babilon eheɗ heppig, Nug ag eheɗ amunu nob elele ag madakku

Gayak Nai 1:9

Juda danab ah ag eheɗ henana, ag ah laa kalam qe, leppu nau nuhig lamen qette, ag lamen amubia daanna, ag oolagppa dubuttid ele daappig; amge haen amuppa ag dimppa ahilagppa aɗi bekkunu dabmak nakok laa ii aoppig. Ag eheɗ heeg, kekeɗ heeg nena qeppig amu, ahilag na qak am laanab; ag nena qena autna autna aoppig. Ao, ag anam nena qeeg, laa ag ehanatteb, oolag mekkunu laa ii dayom. Laa anam ii dayeye, Juda danab ah ag atteb. “O Yawe, kekeɗ ag eɗigppig amunu, na ihinig guittak nau neegna anidna ehanigkkutnu oɗ medattem,” aon atteb.

Gayak Nai 3:64

O Yawe, laa ag amu hetteb amunu, na ag dahilppa eheɗ hettebnu nob elele ag madakkutnu oɗ madattem.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Obadaia 1:15

Aɗinu ag anam ii helob? Da, Yawe, dahil deɗ naɗi am miag uɗiom daatte. Deɗ amuppa da wanppan wan ohnu danab ah epeɗiadkkul! Ag Edom, ag laa dilagppa heppig amu, amubia ahilagppa bekku. Ao, ag aɗi eheɗ heppig amu, eheɗ hak amuam eɗua, ag qaɗelagppa daakku.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.

Revelesen 18:6

Ag nuhig kobol nau amunu dabmena, nob nau elelenab eɗun metteg! Nug kobol nuhig nau qagme, kuɗumnab beum, amubia ag tuɗidna, ag nuhig nob nau qagmena kuɗumnab metteg! Nug laa dilagnu le nau kap-ppa kaboliom bia, ag le naunab tuɗidna, kap amuppa kabolina, kuɗum metteg!