Jeremaia 50:15 - Nobonob Baibel15 Ag talilidna daanna, ban hekkulagnu baalag okkaippa eig! Ag amu hena, ban heppeg, Babilon ag eppelagppa daakku. Ag heppeg, bannu lag attan ta ukkak menppa hak heppig am nena qeppeg, aabnu aɗ ele na qekku. Yawe Nug ag ahilag eheɗ haknu nob tutukku madatte amunu, ag kekeɗ, ag nob tutukku amu, Babilon laa dilagppa eheɗ heppig, amubia ag Babilon matteg! အခန်းကိုကြည့်ပါ။ |
Jeremaia 50:15
44 ပူးပေါင်းရင်းမြစ်များ
Ag mamelkad aɗi heppig bia amu, ag ahilag dabmak dim lamidkkulagnu wagai meppeg, ɠagattag eppamanu dabmeig! Ag Yawe waappa daaglagnu dabmak aon dayeg! Ag ahan, nuhig mettid lag, Nug lag amu haen oh nuhignu tituana mettak daakkunu tituanom amu, ag amuppa uɗieg! Nug gemu ahilagnu oo nauhak huanaknab dootte amu, oo nauhak amu iitta mekkunu ag Yawe, ahilag Kayak, ag Nug waappa daan, Nug oɗe dim lamitteg!
Amu ban danab nug kekeɗ ele ban hekkunu, nug guppiɗ laa qahaɗ bia momoppa pale dayeye, nug igippa aen hat mewowa, bannu lamen ele tagatte amu, amubia Yawe Nug nuhig kekeɗ ele ban hekkulagnu keeke oh babaitta malom. Nuhig guppiɗ qahaɗ bia am genab tutukku hak kobol. Nuhig aen hat igippanu am ehanatteb, padal ii memananu kobol. Beɗuppanu lamen nuhig am kekeɗ ag eheɗ heppignu nob tutukku madakkunu dabmak aakku. Aria, nuhig lamen, lamen laa qaɗeppa daakkunu, amuam uɗat hekkunu daatte yag-nab-bak doyak aakku.
Nug nuhig kekeɗ, ag kobol aɗi aɗi heppig amu, Nug amu andatta amunu, bu elele madakku. Nug danab ah ag nuhig kekeɗ daan oitteb ele, Nug amu dilagnu oppoɗi beebeb, bu madakku. Ao, Nug laa ag nuhignu, “Ihinig kekeɗ,” dootteb amu, Nug ahilagnu ag eheɗ heppignu dabmaama, bu madakku. Nug danab ah wan miagnu, wan umanu ele, Nug ag nob atten awaknu daatteb amu, nug anamib madakku.
Ag amu hekkulag, amge aun laa ag eɗadkkulag amu, keeke amuam Kayak, Nug Yawe Nukka Ɠagattag Oh Ele, amuam Nug eppegppa daatte. Deɗ amuam Yawe nob tutukku eɗua mettaknu deɗ. Ao, nuhikkud kekeɗ dilagppa Nug nob tutukku eɗua madakku. Danab nug ee, o le elelenab lana male, oo dittiom, amubia danab mauhadppeppeg, elele metteb, ban iitta mekku. Aɗinu? Danab nug doɗ kuɗum aqe mauheg, tiilag gokkaɗe, mana Yawe medatte, amubia Kayak, Nug Yawe Nukka Ɠagattag Oh Ele Nug heeb, yawalti uɗitteppanu, Yupretis le guguittak appa danab kuɗumnab mauhkkulag.
Laion laa nug atu duppu Jodan le guguittak daatteppanu ba, sipsip dilag gikkiɗah dad enappa ta, sipsip diikkun lamatte ooltteb, amubia da heppi, Babilon danab ah ag ahilag wanppa ii daamna. Kobol amuam pahanab anam bekku. Da amu hewoya, da laa da nug uɗat amu hekkunu ool hette ele, da nug Babilon gumadkkunu tituankkul. Aɗinu? Laa nug da bia daattete? Laa nug da amu ii hepanu ab, da ii hekkulte? Sipsip gumak danab nug laion, o doɗ nau laa qeeb mauhkkunu hette, o lamitteb gokkunu hette, gumak danab laa nug dahilnu amubia hekkunu elelete? Iitta!” awa atte.
Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.
Amu Yawe Nug atte. “O Babilon, ag am qauko eotte ele wan atu oh he nauhtte bia daatteb. Ag heeg, wan atu oh nauhakib daatteb, amge da ahilag hak amunu eheɗ doyeye ool ii madattem. Danab layag ehale, baippa buɗibɗib noa nauhtte, amubia da dahil ɠagattagppa heppi, ag nauhkkulag, Da heppi, qauko eotte ele oug ma, nauhak daatte, ag amubia daaglag.
Am Yawe Nug atte. “Da Babilon dilag kayak Bel bu medakkul. Da bu medappi, nug aɗi aɗi toppua ukkom ele amu baheb, eɗua bekku. Gemu wan laappan danab huanak ag Bel noobppa dup nona binag mekkulagnu gotteb, amge da Bel bu medappi, danab ah ag amu ii hemana. Da heppi, Babilon aabnu aɗ na qekku,” awa atte.
Yawe Nukka Ɠagattag Oh Ele Nug atte. “Kekeɗ ag Babilonnu aɗ, amuam teppu okkai ele, ag aɗ amu loppaɗppeg, na qa wanppa daakku. Ag aɗnu od attan tak adppa hak manadppeg eoglag. Amuam genab anam bekku. Anam bekku amunu, Babilon danab ah ag ena daaglagnu hik aqeeqe, uɗat okkainab heegeg, beɗulag bahi ya auta autanab aotte amu, ag hetteb amu oh am hamu. Ao, Babilon danab ah ag ena daaglagnu uɗat okkai hetteb, amge uɗat amu oh am aab ewa iitta mekku, aakkuib,” awa atte.
Ag wan laappan danab Babilon daatteb ag, ag Babilon uun ooleg! Ag mauhmananu ag Babilon uun, oolna laih ukkeg! Babilon hipunin heppig, diig amunu ag nauhkkulag. Ag nauhkkulag amunu, ag laa ag appa daappeg, Babilon ag ahilag hipuninnu nob amu aoppeg, ag laa ag ele Babilon beɗulagppa ag nob amu aon nauhmananu, ag appa aib daappig. Babilon danab ah ag hipunin heegeg uɗie, gemu ele heegeg, Yawe Nug eheɗ hak amunu nob tutukku madakkunu haen uɗiom daatte amunu, kekeɗ ag heppeg, Babilon nauhkku.
Na buɗippe, Yupretis leppa ukkeb, na inam a! ‘Buk amu le ooppa noa, eɗua ii bema, amubia uug naunab, Yawe Nug heeb, Babilon dilagppa bekku; am uug amu heeb, Babilon nauhkku. Eɗua ena ii daama, Babilon danab ah ele ag nena qekkulag,’ aon a!” Jeremaia nug Seraia amegppa anam aum. Amu Jeremaianu nai iguppa batatte.
Juda dilag king nug Babilon dilag king amegppa nai ɠagattag qetta mattiom, amge nug Babilon dilag king ele nug tituana nai qakkak hepiɗ amu, nug nug tituana nai qakkak amu tippalom, amuppa nug nai ɠagattag qettak nuhignu ena iinab doyom. Nug nai qakkak amu dim lamidkkunu nuhig nai ɠagattag qetta a, nug Babilon dilag king ele eppeg aɗak hepiɗ, amge nug amunu hamu bia doya, Isip ehanidkkunu nai me ukkom amunu, nug bu ii eɗidma. Iitta. Nug bu genab aokku,” awa atte.
Nug anam dayaya, Jerusalem ukkaknu at laa anidkku. At amuam Babilon dilag king nug Jerusalem ukka, nug ab, nuhikkud daup ag aabnu aɗ yaappeg nauhkkunu keeke bappaidkkulagnu ippunidkku. At amu nug Babilon dilag king nug nuhikkud daup ag danab ah kuɗum aqappeg mauhkkulagnu haknunab nai akkunu ippunidkku. At amu nug nuhikkud daup ag ahan, ban hekkulagnu gayak hekkulagnu ippunidkku. At amuam Babilon dilag king nug nuhikkud daup ag aɗnu od yaappeg nauhkkulagnu keeke bappaidkkulagnu ippunidkku. Ge at amuam Babilon dilag king nug ab, nuhikkud daup ag wan buun, maon gona meppeg ta, aɗ ikki elele teeb, ag aab talilidna daanna, ban hekkulagnu keeke bappaidkkulagnu ele ippunidkku.
Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.
O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.
Amge kobol nau ihinig am heeb, Kayak Nug genab tutukku hak kobol aakkuib hette, nuhig kobol amu miag atieb amu, attemu? Ig aɗi akkunig? (Da ig danab ihinig dabmak dim lamitte madittem.) Ig, “Haen Kayak Nug ihinig eheɗ haknu bu megatte amu, Nug nai doya mala hettoɗia epeɗia elele mettak kobol ii dim lamidtte,” aot akkunigte?
Da qep elab dahil, qep amuam amemɗi laippun yaatte bia danab ah aqadtte amu, da qep amunu aeg hoikkul dayeb, amu da qep amuppa danab ah bu madakkul dayeb, da inam hekkul. Da dahil kekeɗ dilag eheɗ haknu nob tutukku qep amuppa madakkul. Ao, da laa ag dahilnu nau ninig ele dootteb amu, da ahilag eheɗ haknu nob elele madakkul.
Ag wanppan wan anen anennu danab ah oh, ag Yawenu danab ah ele maɗoɗppan gamag ahak doyeg! Aɗinu? Nug laa ag nuhig maɗi nid guittak madappig ele, Nug amunu nob tutukku madakku. Nug kekeɗ nuhikkud dilag eheɗ haknu nob tutukku madakku; amu Nug ele danab ah nuhikkud dilag eheɗ haknu nob nau tiigppa iitta mekkunu heeb elele metteb, Nug heeb, nuhig wan ele eɗua, nuhig neekkakppa oppiaawak daakkunu hekku.
Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!
Aɗinu? Nug nuhig epeɗia nob mattak am genab, tutukku ele. Kayak Nug ib baag ah onig, ɠagattag ele nug nuhig ewau pakkua gappai hak kobolppa he, wanppan danab ah ag oolkadppa dubuttid ele daappig amu, Kayak Nug eheɗ hak nuhig amunu nob nau mettom. Nug Kayaknu maɗi nid ele aqe mauhppig amunu, Kayak nuhig eheɗ amunu nob nau eɗua mettom,” aon appig.
ကြော်ငြာတွေ