Jeremaia 50:13 - Nobonob Baibel

¹³ Da, Yawe, da Babilon dilagnu ool nauheb, bu madakkul. Bu madappi, Babilon wan am hele-ettak daya autanab aokku. Danab laa appa ii daama. Anam dayeb, laa nug Babilon guguittak oiyaya, guittak okkainab awom antta, nug ameg iɗuak doya, Babilon danab ah awa awa aqakku.

Jeremaia 50:13 ပူးပေါင်းရင်းမြစ်များ

Job 27:23

Ulah amu danab daalo, nug anam ha mala, nug gamag ahak naɗi doya, eppeg tap qelo. Nug danab amu eheɗnab awa awa qettalo.’ ⌊Ag anam atteb.⌋” Job nug anam awa aum.

Jeremaia 18:16

Diig amunu amu, kekeɗ ag heppeg, ag Israel, ag ahilag wan am nauhaknab daakku. Danab laa ag nauhak amu anidna, ag ag Juda, ag ahilagnu, ‘Keeke hamunab,’ dooglag. Aun aɗi ag nauhak amu anidna, ag dabmak huanaknab aonna, ag ikkilag matuɗkkulag.

Jeremaia 19:8

Da heppi, aab okkai imuam nauhakib dayebeb, danab ah laa ag aab imuppan danab ah dilagnu, ‘Keeke hamunab,’ dooglag. Ge, aun aɗi ag aab imu guguittak oinna, ag aab okkai imu eheɗ nau awom anidna, ag dabmak huanak aona, ag aab imunu danab ah aon aon aqaglag.

Jeremaia 25:12

Anam, amge maɗ 70 amu gogppa teeb, da Babilon dilag king, nuhikkud danab ah ele, ag Babilon wanppa daatteb amu, ag eheɗ heppignu, da ag bu madakkul. Da heppi, Babilon wan am hele-ettak, anamib daakku,’ awa atte.

Jeremaia 34:22

Da appi, Babilon dilag king, nuhikkud daup ele ag eɗun, aab okkai imuppa daanna, ban hekkulag. Ag aab imu eɗidna aon, ag manappeg eokku. Amu da heppi, Babilon dilag daup ag Judanu aab heppeg nauhattakib daappeg, danab ah laala ag amuppa daaglagnu elele iitta daaglag.” Yawe Nug anam awa atte.

Jeremaia 49:17

Yawe atte. “Da heppi, Edom wan nauhkku amunu, danab ah laa ag anidna, ameg iɗuak dooppeg, laala ag wan amu guguittak oinna, ag Edom eheɗ nau awom anidna, ag dabmak huanak aona, Edom danab ah aon aon aqaglag.

Jeremaia 50:3

Wanppan wan laa, yawalti uɗitteppanu daatteb, ag banelag uɗin, Babilon ele ban hekkulag. Ag heppeg, Babilon wan am nauhakib daakku. Laa appa ii daama. Danab, doɗ ele ag oolna gokkulag,’ aon aig!”

Jeremaia 51:26

Qauko eotte am oug me, men daatte am gai-iitta, amuppa keeke ena laa haknu elele iitta, danab men amu awa, keeke laa ii hette, amubia da heppi, Babilon wan am amubia daakku. Aɗinu? Babilon wan am hele-ettak hanhan daakku.” Yawe Nug anam awa atte.

Jeremaia 51:29

Yawe Nug Babilon wan heeb nauhaknab dayeb, danab laa appa ii daamanu dabmeum, dabmak amu ɠagattag eppom daatte. Nug amu hekku amunu, danab guittak okkai naɗi doya, beɗu hahaɗeɗe, buɗibɗib oitte, Babilon amubia hekku.

Jeremaia 51:37

Da heppi, kekeɗ ag heppeg, Babilon am kinipan ameg okkai hume tak daakku. Doɗ jakal, ag aguppa daaglag. Danab ah ag Babilon anidna, ag ameg iɗuak doon, ag Babilon danab ah dilagnu, ‘Keeke hamunab,’ dooglag. Danab laa Babilon appa ii daama.

Jeremaia 51:62

Na ebqewona, na unuqidna inam a! ‘O Yawe, na aben imu heppe nauhkku amunu, danab o doɗ laa ippa ii daamanu ame. Na aben imu hanhan danab, doɗ ele iitta, hele-ettak daakkunu ame,’ unuqidnana akkut.

Esekiel 27:36

O Aab Tair, na aakku nauhna autna aome, baula daame bia ii daamna amunu, keeke laihnu awa dadennu mak danab ag na aon aon nidatteb,” aon akkulag.’ ” Yawe anam da amelppa aum.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Sekaraia 1:15

amge da wanppan wan laala danab ah dilagnu, ag ahilag dabmakppa ag ɠagattag daatteb, ag uug laa ii anidmananu dabmetteb amu, da amu dilagnu ool nauhtte. Da dahilad danab ah dilagnu ool nakokib nauhom, amge da ag amunu bu madakkulnu dabmein, bu qak amu wanppan wan laala eppelagppa memi. Da anam memi amge, wanppan wan laalappan danab ag bu da dabmemi, ag amu eɗittak, bu eheɗ nau ele Israel madappig,” awa atte.

Duteronomi 29:22

Anam dayeb, ahilkad menuattak bau dokkulag, ag buɗulkad ele, amu wan laihnu danab, wan umanabnu uɗitteb, ag ele, ag oh wanppa nauhattak okkai amu, oɗe digdig ele, Yawe Nug wanppa heeb nekku amu, ag anidkkulag.