Jeremaia 5:9 - Nobonob Baibel

⁹ Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu, da ag bu iite madakkul?

Jeremaia 5:9 ပူးပေါင်းရင်းမြစ်များ

Prowerb 6:29

Amubia, danab aun laa nug danab laa wau ele niiglah amu, nug guittak aokku; nug geha amunu nob nau aokku.

Aisaia 1:24

Jerusalem, nahipad ikki danab ag anam hetteb amunu, Naɗi, Nug Yawe Nukka Ɠagattag Oh Ele, Nug Israel dilag Kayak Ɠagattag Okkai Ele, Nug ahilagnu inam atte. “Da geha dahilad kekeɗ bu eheɗ madakkul. Da geha ag eheɗ heppignu nob tutukku madakkul.

Aisaia 57:6

Ag ahilkad kayak hambuppuak dottolkad akkan, men enanag oolnu noakppa daatteb, ag aguppa maatteg daaegeg, kayak hambuppuak amu dim lamadna oitteb. Da ag aulag bia daalom, amge ag uun heeg, kayak hambuppuak dottolkad amu, ag, ge ag, ag am ag aulag daatteb. Ag wain gokkaɗaknu ofa aon gona, kayak hambuppuak madatteb. Ag ee aegnu ofa aon gona manan, ahilkad kayak hambuppuak madatteb. Ag amu hetteb amu da, Yawe, da hamu bia doyeye, bu laa ii madakkul am enate? Iitta!

Jeremaia 23:2

Yawe, Nug Israel dilag Kayak, Nug anam atte amunu, Nug gumak danab ag danab ah gumadtteb, Nug ag amelagppa inam atte. “Ag danab ah dahilad tutukku dabmattaglagnu daatteb, amge ag anam ii hetteb. Iitta. Ag dahilad sipsip amu, ag lamatteg, ag pitaiettan laih laih gotteb. Ag gumattak uɗat ena ii hetteb amunu, da Yawe, da ahilag eheɗ hak anidmi. Ag kobol nau heppig amunu, nob mekkulnu amu, da ahilag eheɗ hak amu nob elelenab ag madakkul.

Jeremaia 32:31

Danab ag Jerusalem aab kalappignu uɗie, gemu ele appan danab ah ag heeg, da ool nauhe, oppoɗil ele beum amunu, da aab amu da noolppa ii daamanu hekkuloitte.

Jeremaia 44:22

Yawe Nug amu antta, amunu dabma, Nug ag ahilag nau hak digdig, ahilag hak nug amunu ooppa uuaknab dootte ele, Nug ag uuatteb, ag hak amu tuɗidna hekkulagnu elele ii doya, Nug he, danab ah laa ag wan amuam eheɗ laa awaknu anak waappa daakkunu anan oiyegeg, wan amuam hele-ettak, wan meu waknu nakokib elele, am anam dayom, amu danab ah appa ii daappig. Gemu ele anamib daatte.

Jeremaia 5:10

Da bu madakkul. Da ahilag kekeɗ amelagppa ahilagnu inam akkul. ‘Juda danab ah imu ag da, Yawe, ag dahiladnab ii daatteb. Ag am dahil grep dad bia, amu danab ag grep dad heeg nauhtte bia, ag Juda danab ah dilag kekeɗ, ag Juda aqeg! Ao, danab ag muɗi grep ebekkud elabnab meppig qiin diitteb, amubia ag kekeɗ ag Juda danab ah aqeg! Amge ag heppeg, aib iitta meum,’ awe akkul.

Jeremaia 5:29

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu, da ag bu iite madakkul?” Yawe Nug Nug anam awa atte.

Jeremaia 6:11

Juda danab ah ag hipunin huan heegeg, Yawe Nug amunu oppoɗi bak dootte, da oppoɗi bak amu ele doyeye, tuɗitten ii ippunadkkulnu ib laa ii anidttem,” awe ami. Da anam ai, Yawe Nug aum. “Na oppoɗi bak Juda dilagppa bekku amu, na amunu ag amelagppa appe doyeg! Na nid naunau ibppa qiɗ henan daatteb, nid danab bau qagmen daatteb, ewau daatteb, kaino ele amelagppa appe doyeg! Oppoɗi bak amuam ag ohnab tonadkku.

Jeremaia 6:6

Am keeke amu bekkunu diig am, Yawe Nukka Ɠagattag Oh Ele Nug inam atte. “Jerusalem danab ah ag bu aoglagoitte. Ag lailkad gai-iitta daatteb ele, ag ag eheɗ hadatteb. Le moɗ laa, le appanu baabaib gotte, amubia Jerusalem danab ah ag nau henan daatteb. Jerusalem danab ah ag laa guittak mattanna heeg, nauhak okkai daatte. Aab okkai amuam danab guittak awom, o danab oɗe nau awom, am amubia daye andette daattem. Ag nau anam henan daatteb, ag bu aoglagoitte amunu, ag Juda dilag kekeɗ da ag amelagppa attem. ‘Ag Jerusalem eɗidkkulagnu ag ad oadna aɗ diigppa mena, aabnu aɗ letaɗna, aab ooppa nokkulagnu wan laihnu buun, aɗ amuppa gokkaɗppeg, aɗ elele baɗ!’

Jeremaia 9:8

Danab nug lat doɗo e, doɗ keeke qe nauhtte, amubia ag lemaɗulagppa hambuppuak nai mattinna, laa heeg nauhtteb. Ao, Juda danab ah oh ag oɗelagppa ag mudippan lailkad amelagppa maɗoɗ nai maditteb, amge danab doɗ aokkunu pelem mette, oolagppa ag amubia ag lailkad eheɗ hattaglagnu dabmetteb.

Jeremaia 9:9

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu da ag bu iite madakkul?” Yawe Nug anam awa atte.

Gayak Nai 3:42

“Ig hipunin hemut. Ig nahip nai tappaut neum; anam amu, ⌊na hipunin amunu bu mekkak gogppa ii teum anitte uɗie, gemu batak,⌋ na hipunin ihinig amu ii uhuqna mekkame.

Gayak Nai 4:22

O Juda danab ah, ahilag bu awak am iitta mekku; ag gemu wan laappa diia ukka laih me dayak danab ah daatteb, amge Yawe Nug ag anam daaglagnu haen eeɗeb, elab ii goma. Anam, amge o Edom danab ah, Nug ag ahilag hipuninnu bu madakku; Nug ahilag hak nau heeb, miag atikku.

Esekiel 7:9

Da ag anatte, oo doyak ii doopa! Ge, da ag anatte, bu madakkulnu ii uupa. Da genab ahilag hak nau anitten, bu elele madakkul. Ao, da ahilag hak, da hak amunu oolppa uuaknab doottem amu, da hak amu ele anitten, da nob elele madakkul. Da amu heppi, ag dooglag, da Yawe, da nob nau amu mattami.

Hosea 2:13

Geha da nug bu medakkul. Nug kalu danab ile muttuɗig enanag bette ele, nug kayak hambuppuak Bal iɗu iɗu dilagnu ile muttuɗig oum. Nug eppeg doɗoppan ring maatta, beɗunu bala laala ele maatta he, nug danab ele niippig, nug ag ele baula niiglagnu mattialatta heum, amge nug dahilnu daug atiom amunu, da nug bu medakkul.” Yawe anam mattia aum.

Hosea 8:13

Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.

Lewitikas 18:25

Wan imuppan danab ah ag kobol dubuttid tak ele anam heppig amunu, wan atu imu oh am dahil neekkakppa dubuttid teum daatte. Diig amunu da danab ah ag ippa daatteb ele, da ag bu matten heppi, ag ahan gokkulag, danab nug bahe ba gotte, amubia ag gona, ag appa ii daamna.

Lewitikas 26:25

Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku.

Nahum 1:2

Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

Duteronomi 32:43

Ag wanppan wan anen anennu danab ah oh, ag Yawenu danab ah ele maɗoɗppan gamag ahak doyeg! Aɗinu? Nug laa ag nuhig maɗi nid guittak madappig ele, Nug amunu nob tutukku madakku. Nug kekeɗ nuhikkud dilag eheɗ haknu nob tutukku madakku; amu Nug ele danab ah nuhikkud dilag eheɗ haknu nob nau tiigppa iitta mekkunu heeb elele metteb, Nug heeb, nuhig wan ele eɗua, nuhig neekkakppa oppiaawak daakkunu hekku.