Jeremaia 5:6 - Nobonob Baibel

⁶ Danab ah imu oh ag anam hetteb. Ag Yawe oɗe huana tappaeg nette. Ao, ag haen kuɗum tuɗidna, Yawe dimettona kayak hambuppuak laala dim lamadtteb. Anam amunu, kekeɗ ag laion laa atuppanu uɗia, doɗ, o danab qe mauhtte bia heppeg nauhkkulag. Doɗ wulp, nug atu taɗak appanu uɗia, doɗ, o danab qe mauhtte bia kekeɗ ag heppeg, danab ah imu ag nauhkkulag. Doɗ laa onig lepad, pusi okkai amu, nug aab guguittak dayaya, aun laa aab dimittim uɗikku amu, doɗ amu nug aha, danab amu aɗa he, nug beɗu huppu naunau na niitte, amubia kekeɗ ag heppeg, danab ah imu ag nauhkkulag.

Jeremaia 5:6 ပူးပေါင်းရင်းမြစ်များ

2 Stori 36:14

Sedekaia nug anam heum, amge amuib iitta. Iitta. Mana mettak danab anuqak oh, Juda danab ah ele ag Yawe ippuanattomnu oo metta ii uuak kobol ii dim lamidna, ag amu hena, tuɗid tuɗid, ag amu okkai heppig. Ag danab ag Yawe ii dootteb ele kobol nau, Yawe Nug kobol amunu ooppa uuaknab dootte amu, ag kobol amu hetteb ele, amu Juda danab ah, mana mettak danab anuqak ele ag kobol amu dim lamidnana, ag Yawenu mettid lag, Jerusalem appa, Yawe Nug he, nuhignu tituana mettak dayom amu, ag lag amu heeg, dubuttid ta dayom.

Esra 10:10

Amu mana mettak danab Esra nug aha, ag amelagppa aum. “Ag Kayak ippuanattomnu oo metta ii uuak kobol ii dim lamidna, ag atu laihnu ah diippig. Kobol amuppa ag ig Israel, ag aab ig beɗunigppa daatte aakku tuɗitteg, okkainab meum daatte.

Esra 9:6

da unuqitten ami. “O Kayak dahil, da uɗa nak nau doottem. Da uɗa nak nau guittak ele doottem waappa dayeye, da amel hume, na neekkidkkulnu elele ii doottem. Aɗinu? Ig hipunin okkainab hemut, ikkinig eɗitta tak. Ao, ig beɗunigppa aab okkainab daatte, ⌊aab ewawa⌋ habppa tette, ⌊amubia⌋.

Job 10:16

Da uɗa nak iitta ele doye oittem dayeb amu, na laion doɗ laa qeeb mauhkkunu meitta daatte bia dahilnu hettem; na nahip ɠagattag okkainab amuppa hee, da guittak okkainab aottem.

Sam 104:20

Na he, gatatu ne, tuqan aakku daatte. Tuqanppa dubuppan doɗ oh ag oitteb.

Sam 80:13

Bo dakkuɗ ele ag grep amunu aben heeg nauhtte. Ao, doɗ dakkuɗ ag amunu meu aakku latteb.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Aisaia 59:12

Aɗinu ig amu ii anidttem. Ig hipunin kuɗumnab hetat oitut, na, Yawe, na hipunin amu oh anadttem. Ao, danab hettoɗiakppa layag eheɗ heumnu atte amu, ihinig hipunin ag ihinignu na amenppa anam bia hetteb. Eheɗ hak ihinig am laa nug he ii iitta meppig; amu ihinigppa ina daatteb. Ao, ig hipunin digdig hemut amu, ig amu aakku doottem.

Jeremaia 14:7

⌊Yawe Nug gu ii nekkunu anam mattie, da unuqitte ami.⌋ “O Yawe, ig hipunin hemut, amge na, na oninnu dabmak anuqak aon, na ehanigkkutnu unuqidttem. Ig haen kuɗum na dimedata autta aomut. Ao, ig nahip-ppa hipunin hemut.

Jeremaia 2:15

Am genab, kekeɗ ag laion gaatte bia hena heeg, ag eheɗ aoppig. Ao, kekeɗ ag laion bau nug liɗimtte bia hena heeg, ag eheɗ daappig. Kekeɗ ag heeg, ag Israel, ag ahilag wan am nauhaknab awom. Ao, kekeɗ ag ahilag aab amoteg ewe, appa danab ah ii daatteb.

Jeremaia 2:17

Keeke amu oh ahilagppa beum amu, amunu diig am, ag da, Yawe, ahilag Kayak, da ag omalatti uɗippig amu, ag da uuiɗppig. Ag da uuiɗppig amunu, kobol eheɗ ahilagppa beum ele, amuam ag beɗulagppa iittate?

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Jeremaia 2:31

Amu ag Israel ag gemu daatteb, ag dahil nai imu doon dabmetteg! Atu taɗakppa, danab nug appa ehanittak keeke nakok laa aokkunu elele iitta, da ahilagnu anam daamite? Ao, atu laa, gatatu manak ele, appa keeke kuɗum danab heppeg nauhkkunu daatteb amu, da ahilagppa anam laa daamite? Da amubia laa ii daami amunu, aɗinu ag, ‘Ig Yawe uut, Nug baula ii dim lamidmata,’ atteb?

Jeremaia 25:38

Laion bau nug teɗppan aha, doɗ laa heeb nauhkkun oitte, amubia Yawe Nug heeb, ahilag wan am hele-ettak daakku. Yawe Nug ⌊nau hak huanak antta,⌋ Nug oo huanaknab nauhom daatte, amu Nug heeb, wan laappan daup ɠagattag ag ahan, ban ɠagattag hekkulag, diig aɗit amunu uug naunab amu anam aakku bekku.

Jeremaia 30:14

Wan atu laalappan danab ag ehanadkkulagnu appig amu, danab amu ag ag Juda, ag ahilagnu ag daulag aakku atia malom. Ahilagnu ag, ‘Ag keeke hamu,’ doon oitteb. Ag Jakop buɗub, ag beɗulagppa aab nau ele. Ao, ahilag hipunin am huanak. Am anam amunu, da Yawe, da kekeɗ makkuɗadlo bia da ag makkuɗadmi. Ao, danab nug laa guittak medakkunu ooppa uug ii dootte amu, da amubia ag bu mattami.

Jeremaia 30:15

Ag danab nug ihi nau ele dayaya gaatte bia gaatteb, amge diig aɗinu ag anam gaatteb? Ag danab nug guittak nau, laa nug heeb, iitta mekkunu elele iitta, nug anam ele dayaya gaatte bia gaatteb, amge diig aɗinu ag anam gaatteb? Amunu diig am, ag beɗulagppa aab nau ele, ag ahilag hipunin huanak amunu, da bu nau amu mattami.

Jeremaia 30:24

Yawe Nug bu madakkunu dabmak awe, ɠagattag eppom amunu, nuhig oo nauhak huanaknab am hamu ii iitta mema. Iitta. Bu mattak amu ha malak dimppa, am iitta mekku. Dimppa ag imu oh dabmena, oolag maidkku.

Jeremaia 4:7

Yawe Nug anam a, da, Jeremaia, da Juda danab ah amelagppa ami. “Laa amu uɗitte amu, nug am laion laa nug teɗ nuhigppan aha, doɗ aqeeb mauhkkulagnu oitte bia uɗitte. Ao, laa nug wan kuɗum he nauhtteb ele, nug uɗikkun aakku ahom. Nug heeb, ag Juda, ag ahilag wan am nauhaknab daakkunu ahom. Ao, nug heeb, ahilkad aab kuɗum am nauhakib daaglag. Danab ah laa appa ii daamna. Iitta.

Jeremaia 49:19

Yawe atte. “Laion laa nug atu duppu Jodan le guguittak daatteppanu ba, sipsip dilag gikkiɗah dad enappa ta, sipsip diikkun lamatte ooltteb, amubia da heppi, Edom danab ah ag ahilag wanppa ii daamna. Kobol amuam pahanab anam bekku. Da amu hewoya, da laa da nug uɗat amu hekkunu ool hette ele, da nug Edom gumadkkunu tituankkul. Aɗinu? Laa nug da bia daattete? Laa nug da amu ii hepanu ab, da ii hekkulte? Sipsip gumak danab nug laion, o doɗ nau laa qeeb mauhkkunu hette, o lamitteb gokkunu hette, gumak danab laa nug dahilnu amubia hekkunu elelete? Iitta!” awa atte.

Jeremaia 8:5

Anam amunu aɗinu Juda danab ah ag ib eheɗ aon gonana, ag eɗun, dahilppa uɗiglagnu uutteb? Ao, aɗinu Jerusalem danab ah ag hanhan da dimeɗona kayak hambuppuak laala dim lamadna, ag eɗun, dahilppa uɗiglagnu uun, ii uɗitteb? Ag hambuppuak kayak aɗualadna, uuattak uun autna aotteb. Ag eɗun, dahilppa uɗiaknu uun, ii uɗitteb.

Jeremaia 8:7

Stok nug oug haen uɗitte doya, nug aha, hagagɗa, laih oug haen iittappa gokkunu dootte. Ao, uppuɗil beɗulag nakok, ai swipt, amu trus ele, ag ele anam dootteb. Ai ag anam dootteb, amge dahilad danab ah ag ɗo da, Yawe, da ag dim lamidkkulagnu mattami ii dootteb.

Gayak Nai 1:5

Kekeɗ ag gemu Juda wan aɗaeg, Juda ag eppelagppa daatteb; Juda dilag kekeɗ ag hamunab, uug laa iitta ele daatteb. Juda danab ag hipunin huanak heppig; amunu Yawe Nug uug nau mattom. Kekeɗ ag Juda eɗadna heeg, Juda danab ah ag diia ukka laih me dayak danab ah wan laappa daaglagnu, ag kekeɗ noolagppa maniguittak danab ah daan, baelagppa oinna goppig.

Esekiel 16:25

Ge, aabnu ib oɗatle ohppa na kayak hambuppuak dilag mettid lag nakok buuadna, na iɗun tuqak daame amunu, na danab ippuanatte, ag na ele niiglagnu heegeg, na ag ele niippig. Na amu henan, amu tuɗid ele heehe, danab aun laa oiyeye, na nug ele niiglahnu amegppa ae, aa niipiɗ.

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Esekiel 23:19

Da dimettami, amge nug eheɗ hak amu aakkuib ii heum. Iitta. Nug ah makkun dayaya, Isip appa ib baag ah dayaya, kobol aɗi aɗi heum dabmaama, nug danab ele niiglagnu wagai ma ha,

Daniel 7:4

Doɗ ebqak tatamnu am laion bia, amge nug haug ele. Haug amu ai igel, nug haug amubia aakku. Da neekki ukke anittitti, laa uɗia, haug amu hiɗalata awa he, doɗ amu nug hibaitta, danab hibaitta daatte bia dayom. Keeke laa amu, nug doɗ amu danabnu dabmak nug mettom.

Daniel 7:6

Aria, amu dimppa da neekki ukke, doɗ ebqak ewam anidmi. Doɗ amuam lepad bia, amge doɗ amu gomeppa haug waɗele, ai haug bia daaeg, doɗ amu ikki am waɗele. Anam amu, laa nug doɗ amu wan gumattaknu ehah nug mettom.

Hosea 5:14

Aɗinu? Da laion laa bia Israel danab oolagppa daakkul. Ao, da laion bau bia Juda danab oolagppa daakkul. Da laion nug doɗ awa kattiɗe, huppu naunau nette, amubia geha da Israel, Juda ele kattiɗatppi, naunau nepeɗ, da anam uuatppi daaglah. Ao, da laion ɠagattagnab nug doɗ laa qewowa, lakkunu mawa gotte, da amubia heppi, laa ehanatkkunu laa ii daama.

Habakuk 1:8

Ag ban hekkulagnu oiyegeg, ahilkad hos am paha paha, doɗ onig lepad paha oitte, ag amu eɗittak, paha paha oitteb. Ao, ban danab ahilkad ag wulp tueb me, doɗ laa aqaglagnu huana henan oitteb, ag danab dilagppa kobol amu eɗittak, huanaknab henan oitteb. Babilon ban danab hos attan daan, ban hetteb ele, ag hos attan paha paha, qaiettan banppa gotteb. Ao ag umanunab uɗitteb. Ag kaub doɗ beɗak laa teppu lakkunu na uɗitte, ag amubia hetteb.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Namba 32:14

Amu gemu daatteb ele imu ag, ag am hipunin danab bekkod; ag amu, ag mamelkad heppig bia hetteb. Kobol ag hetteb, amuppa ag heeg, Yawe Nug Israel dilagnu tuɗid, oo huanak nauhtte.

Revelesen 13:2

Doɗ dakkuɗ anidmi ele amuam doɗ laa onig lepad bia; nug baeg amu bea baeg bia, amu nug oɗe amu laion oɗe bia. Mat naɗinab amu nug nuhig ɠagattag doɗ dakkuɗ amu metta, nug nuhig sia king ele metta, amu nug gumaknu ehah okkainab ele mettom.