Jeremaia 5:25 - Nobonob Baibel

²⁵ Amu ag anam dabmelob, Yawe heeb, keeke elele aolob, amge ag ahilag eheɗ hak he, Yawe Nug gu he ii ne, ag ee ele ii aotteb. Ao, ag hipunin heegeg, hipunin amu ag heeg, ag keeke ena ena ele ii aotteb.

Jeremaia 5:25 ပူးပေါင်းရင်းမြစ်များ

Sam 107:17

Danab ah laala ag Kayak dab-ii-menan ii dim lamidna, ag Yawe Nai aum amu tappaeg ne, ag Nug dimedappig Ag hipunin henan, ag uug aoppig.

Aisaia 59:2

⌊Anam amu Yawe Nug ehanadkkunu elele daatte, amge Nug ii ehanadttenu diig laala am ag Juda,⌋ ag hipunin heegeg, hipunin amu ag heeg, ag Kayak ele ouqak ii daatteb. Ao, ag hipunin heegeg, hipunin amu he, Kayak Nug ag ena ii neekkadtte amunu, Nug ahilag unuqittak ii dootte.

Jeremaia 14:1

Yawe Nug Jeremaia gu Juda wanppa ii nemanu nai metta inam aum.

Jeremaia 14:7

⌊Yawe Nug gu ii nekkunu anam mattie, da unuqitte ami.⌋ “O Yawe, ig hipunin hemut, amge na, na oninnu dabmak anuqak aon, na ehanigkkutnu unuqidttem. Ig haen kuɗum na dimedata autta aomut. Ao, ig nahip-ppa hipunin hemut.

Jeremaia 3:3

Ag amu heegeg uɗie, gemu ele hetteb amunu, da hei, gu ii nette. Ge, ag amu heegeg uɗie, gemu ele hetteb amunu, da hei, aam haenppanu gu laa ii nette. Ag eheɗ hetteb, amge ag hamu bia dootteb. Ag ib baag ah nug kobol nau hette, amge nug amunu hamu bia doya, uɗa nak nakok laa ii dootte, ag amubia hetteb.

Jeremaia 4:18

O Juda danab ah, ag eheɗ henan daappig amunu, ag beɗulagppa uug imu ahilagppa bekku. Imuam ahilag bu awak aakku. O gadonnab gadon, am mua naunab ele. Bu amuam ag meulagnab guittak medakku.” Yawe Nug anam awa atte.

Gayak Nai 3:39

Anam amunu, danab auntai laa nug hipunin heeb, Yawe Nug amunu bu metteb; danab amu nug bu mettom, nug amunu naittuɗ mekku dayeb, nug ena hekkute?

Gayak Nai 4:22

O Juda danab ah, ahilag bu awak am iitta mekku; ag gemu wan laappa diia ukka laih me dayak danab ah daatteb, amge Yawe Nug ag anam daaglagnu haen eeɗeb, elab ii goma. Anam, amge o Edom danab ah, Nug ag ahilag hipuninnu bu madakku; Nug ahilag hak nau heeb, miag atikku.