Jeremaia 5:22 - Nobonob Baibel

²² Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Jeremaia 5:22 ပူးပေါင်းရင်းမြစ်များ

Genesis 1:9

Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum.

1 King 13:28

Ag anam heeg, propet kaino nug donki attan ta, ib amuppa ukka, Judanu propet gaɗa ibppa niieye antta, nug donki, laion ele aa anam gaɗa amu gukkuidya hippaidya daaeheh anatom. Am laion nug mauhak gaɗa amu ii laum, nug donki ele attemtai laa ii heum.

Job 26:10

Kayak he, yu nuhig tom ii eɗidtte. Ao, am anam dayeb ukkeb, gog tak haenppa batakku.

Job 37:24

Kayak Nug anam hette, diig amunu danab ag nuhignu ebehilag oh bodoetta le mette. Auntai laa ag akka, ag ahilagnu, ag am danab doyak dabmak ena ele dootteb amu, Nug ag binalag ii mette.” Elihu nug anam mattia aum.

Job 38:8

Haen yu digma, nid anig ooppan dimittim dotte bia beum amu, aun nug yu nuhig tom eɗidmanu tom amu meum?

Sam 104:9

Anam daye, na yu daakkunu tom makkulme. Le baula wan ii tonama.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

Sam 33:7

Nug yuppan le oh yu daakkunu aben laippu qagmeum daatte. Yo, Nug yuppan le oh aben laippu yu daakkunu qagmeum daatte.

Sam 46:3

Yute uɗala, oqotti huan oa, hipaɗ qaaqa heeb, qauko uɗalkkutai, amge ig amunu ii baɗamta. Sila.

Sam 99:1

Yawe Nug king daatte! Wanppan wan anen anen oh dilag danab ah ag hahaɗeg! Ao, Yawe Nug sia king nuhigppa, engel okkai-kerubim aɗit dottolah gamalahppa daatte! Wan nug uɗalaɗ!

Prowerb 8:29

Haen Nug yu tom metta, yu nug tom ii eɗidmanu aum amu, da Nug ele daamuɗ. Ao, haen Nug wan ukku babaittatta dayom amu, da Nug ele daamuɗ.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Aisaia 64:2

Aab ewewe, ad eppeg naunau genab eotte, o aab ewewe, le genab hipaɗ qette, amubia na heppe, kekeɗ nahipad ag na genab dooidkkulagnu ool daatte. Na anam heppe, nahipad kekeɗ ag hahaɗkkulagnu ool niitte.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Jeremaia 10:7

Na wan atu oh dilag King daattem; danab ah ohnab ag nahipnu ebehilag oh bodoetta le mekkunu daatteb. Aɗinu? Ig danab ah oh anam hekkunig am kobol pehettak, kobol tutukku ele. Laa ele, wanppan wan ohppa danab ag doyak dabmak ena ele daatteb, amge ag oolagppa, aria, ɗo maɗoɗ oh oolagppa ele, laa nug na bia laal ii daatte.

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Jeremaia 31:35

Amu Yawe Nug he, aam amunppa amahaltte, Nug a, kalam, hoɗopai ele tuqan amahaltteb. Nug he, yu duban qe, oqotti huana otte. Nug onig am Yawe Nukka Ɠagattag Oh Ele, amu Nug atte.

Daniel 6:26

Da ɗo imu iikku mei gotte. Danab ah ohnab ag da wan atu gumattem amu, wan amunu aben ohppa, ag ohnab ag Danielnu Kayaknu ebehilag oh bodoetta le maɗ! Danielnu Kayak Nug bau daatte. Ao, Nug hanhan daatte. Nuhig ɗo maɗoɗnu amu, laa nug heeb ii nauhma. Ge, nuhig wan atu gumak am alet, ii tuqa awak daatte.

Amos 4:12

Yawe Nug anam ana amu, Nug ele atte. “O Israel danab ah, ag anam aakku heegeg uɗie, gemu ele hetteb amunu, da bu okkai ag madakkul. Ge, da bu okkai madakkul amunu, O Israel danab ah, ag da, da ahilag Kayak, ag da uɗal tekkulagnu babaitteg!” awa atte.

Amos 9:6

Naɗi, Nug Yawe Nukka Ɠagattag Oh Ele, Nug lag enanagnab, attan tak nuhig hab attan appa batak babaittom; lag amunu men ukku wanppa daatte. Nug yuppan le ita, wanppa gokkaɗe, le amu wan tonatte. Nug onig am Yawe.

Jona 1:16

Ulah, koɗkoɗ ele bodoette, ag Yawenu baɗan, ag doɗ main Yawe mettona, Yawe amegppa keeke genabnab hekkulagnu nai anan qagappig.

Nahum 1:4

Yawe Nug a, yu qaɗaiedatte. Ao, Nug a, le oh ele qaɗaiedatteb. Nug a, keeke oh Basan wanppa, Karmel wanppa ele mauɗna netteb. Ao, Lebanon wanppa haɗag oh nauhtteb.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Mak 4:39

Ag anam aeg amu Jesus Nug aha, ulah amegppa nug anam hemanu ana, le amegppa, “Na uuna, toettan daye!” awa aum. Nug anam a, ulah nug iitta me, le ele toetta, manin niiom.

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

Duteronomi 28:58

Yawe, ahilag Kayak, Nug binag amahlak oppiaawak ele, danab ag nuhignu dabmenana, ag ebehilag oh bodoetta le mette ele amu, ag nuhignu anam ii dooglag dayeb, ag nuhig ɗo nai buk imuppa yaak daatteb, ag amu tutukku ii dim lamidkkulag dayeb amu,

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.