Jeremaia 5:18 - Nobonob Baibel

¹⁸ Dahilad danab ah, ahilagppa anam bekku, amge da heppi, haen amuppa kekeɗ ag ag ohnab aqappeg ii mauhmana.

Jeremaia 5:18 ပူးပေါင်းရင်းမြစ်များ

Jeremaia 30:11

Da ag ele daattem amunu, da ag ehanadppi, ag ena daaglag. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Jeremaia 4:27

Keeke anam bekku. Aɗinu? Yawe Nug inam awa atte. “Dahil oo nauhak huanaknab am heeb, wan oh nauhkku, amge da heppi, wan am nauha auta autanab ii aoma.

Jeremaia 5:10

Da bu madakkul. Da ahilag kekeɗ amelagppa ahilagnu inam akkul. ‘Juda danab ah imu ag da, Yawe, ag dahiladnab ii daatteb. Ag am dahil grep dad bia, amu danab ag grep dad heeg nauhtte bia, ag Juda danab ah dilag kekeɗ, ag Juda aqeg! Ao, danab ag muɗi grep ebekkud elabnab meppig qiin diitteb, amubia ag kekeɗ ag Juda danab ah aqeg! Amge ag heppeg, aib iitta meum,’ awe akkul.

Jeremaia 5:17

Wan amuppan danab ag uɗin, datta ee ahilag, ma lakka mak ele lae nekkulag. Ao, ahilag makau, sipsip ele ag aqan lae nekkulag. Ag ahilag grep meu, wain, ad fig meu ele ag lae nekkulag. Ge, ag ahilkad nid, nid ahin ele aqaglag. Ag Israel, ag aab ɠagattag aɗ ele ooppa daan, ‘Ippa ig enaib daagnig,’ atteb, amge kekeɗ amu ag uɗin qep elabppa heppeg, aab amu oh nauhkkulag.

Jeremaia 5:19

Am inam bekku. Da heppi, amu beeb, deɗ laa Israel danab ah ag, ‘Yawe, ihinig Kayak amu, aɗinu Nug ihinignu imu inam heum?’ oɗ mettaglag amu, na ag amelagppa inam akkut. ‘Yawe Nug amunu inam atte. “Ag da uuiɗna, kayak hambuppuak, wan laihnu diin uɗippig amu, ag ippa, wan ahilagppa kayak amu waalagppa daanna, ag oɗelag dim lamidppig, amubia ag wan laalappa, wan amuam ahilag wan iitta, ag appa gona, wan amuppan danab waalagppa daan, ag oɗelag dim lamidkkulag.” ’ ” Yawe Nug anam awa atte.

Esekiel 11:13

Yawe Nug tuleglegppa da amelppa anam akkulnu aum, da propet nai amu mattiyi, Benaia bekka Pelatia nug mauhom. Nug mauhe, da laippun gatel qaun oin, gomelen, iɗul wanppa mein, da baal okkaippa emi. “O Naɗi Yawe, na heppe, Israel danab ah oɗo yaak daatteb oh mauhkkulagte?” awe emi.

Esekiel 20:17

Ag nau amu heppig, amge da ahilagnu ool gai-iitta doye, ool matte, ehanatte, da hei, padal ii meppig. Da hei, ag atu taɗakppa oinna, padal mena, iitta ii meppig.

Esekiel 9:8

Danab eblaih laippu ele amu ag amu doon, ag gona amu heegeg, da dakka appa dayeye, da laippun gatel qaun oin, gomelen, iɗul wanppa mein, da Yawe unuqitten inam ami. “O Naɗi Yawe! Na Jerusalem danab ah dilag eheɗ hak anidna, na oppoɗin huan be, bu madattem, amge na heppe, Israel danab oɗo yaak daatteb amu, na heppe, ag ohnab mauhkkulagte?” awe ami.

Habakuk 1:12

⌊Yawe Nug anam aum amu, Habakuk nug inam unuqittom.⌋ “O Yawe, na haen ohnab aakku daye uɗie, gemu ele daattem. O Kayak, na am dahil Kayak Oppiaawak Ele; ig ii mauhmata. O Yawe, na Babilon dilag daup ag uɗin, hipunin haknu nob mekkaglagnu tituanadme. Ao, O Yawe, na am kekeɗ nikkamnanu ehanittak ihinig daattem, amu na Babilon ag bu mekkaglagnu otiadme.