Jeremaia 5:16 - Nobonob Baibel

¹⁶ Wan amuppan daup oh ag ban danab ɠagattagnab. Ag lat doɗoppa danab kuɗum aqaeg mauhtteb.

Jeremaia 5:16 ပူးပေါင်းရင်းမြစ်များ

Sam 5:9

Aɗinu? Kekeɗ dahil ag nai genab mattiglagnu elele iitta. Ao, ag oolag unuqagppa laa hadappeg nauhkkulagnuib oolag ahak daatte. Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.

Aisaia 13:18

Midia huu ag geha Babilon nid bau latppa aqaglag. Midia ag nid yuɗ dilagnu oo gai-iitta doya, oo metta ehanittak laa ii doomna. Ao, ag nid naunau dilagnu oolag bodoetta, le ii mema. Ag aqakib aqappeg mauhkkulag.

Aisaia 5:28

Ahilag lat aeg am aeg hawaɗnab, ahilag lat am omanak daaglag. Ahilkad hos am ag baelag di ɠagattag, men bia; panakkunu ele iitta. Ahilkad bannu karis am huan, pahanab gokkulag, bannu karisnu wil itoɗiak am ulah kilibob itoɗiaya gotte, amubia itoɗikku.

Jeremaia 6:22

Amu Yawe Nug atte. “Antteg! Ban daup ag wan laa yawalti uɗitteppanu daatte, ag appanu uɗiglag. Ao, wan ɠagattag laa umanab daatte, appanu daup ag ban hekkulagnu ahatteb.

Jeremaia 6:23

Daup amu ag lat, ban ele aɗatteb. Ag laa dilagnu oo gai-iitta doya oo metta ehanittak ii dootteb. Ag laa guittak mattaglagnu uug ii doon oitteb. Ag hos attan ban hekkulagnu oiyegeg, oqotti huana, yu koɗkoɗ eheɗ nau qette, oqotti amubia otte. O Sion danab ah, daup amu ag ahilag kobolppa huu mena, anam daanna, ag banelag uɗiglagnu daatteb.” Yawe Nug anam awa atte.

Gayak Nai 3:13

Nug lat doɗo ehagppan awa ewatte; lat aeg amu da beɗulppan uttu taub yaappig.

Rom 3:13

“Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.” “Ag mat nau, danab emalatteg mauhtteb ele, amubia ag oɗelagppa nai nau maditteb.”