Jeremaia 5:15 - Nobonob Baibel

¹⁵ Amu Yawe Nug inam ele atte. “O Israel danab ah, da wan umanunabnu daup ag banelag uɗiglagnu hettem. Wan amuppan danab ah ag memetalkad anukkanab wan amu aoppig daatteb. Huu amu ag aguppaib daatteb; ii iitta metteb. Ag Israel, ag danab amu dilag nai ii dootteb. Ao, ag ahilag mattiak am, ag oolag ii maidtte.

Jeremaia 5:15 ပူးပေါင်းရင်းမြစ်များ

Genesis 11:7

Am anam daatte amunu, ig nota hepput, ag nai laippu ii mattinna, dimppa ag akka akka nai ahilag ii doomna,” awa aum.

Sam 81:5

Nug ig Israel danab ah ɗo amu mekkom. Ao, Nug Isip bu mattom, haen amuppa Nug mekkom. Ge! Haen ig laa ag nai laa mattieg ig ii doomut ele, haen amuppa Nug ɗo amu ig mekkom.

Aisaia 28:11

Anam amunu, ag da oɗel dab-ii-mekkulag dayeb, aria, Kayak nug laihnu danab, ag nailag laa, Israel ag ii dootteb ele amu, Nug danab amu maatteb, ag Israel gumadna uɗina, ag ag oɗelagppa nai madappeg dooglag.

Aisaia 29:3

Ag Jerusalem daatteb amu, da heppi, ahilag kekeɗ ag uɗin, ag daaglagnu ahilag aben Jerusalem taliliak aon bappaidna, ag taliliadna daanna, ag ahilag bannu babaittak aben amu ohppa bappaidna, ag ag aqaglagnu aɗ dimittim balal attannab aab talilittak bappaidkkulag.

Aisaia 29:6

Nug am ag Juda danab ah gumatta tula bekku. Hakkaɗ qeebeb, mim neebeb, oqotti huanak oobob, ulah kilibob heebeb, ulah laa ele huanak uɗiebeb, aab ewa naɗi dittia, keeke ewebeb, Nug tula bekku.

Aisaia 33:19

Laihnu danab amu, ag am beɗuppa tak danab, ahilag nai am laa, ag Juda ag ahilag nai ii dootteb. Ao, ag ahilag naippa nai maditteb, amge ag Juda, ag daulagppa ele ii dootteb. Anam amge, Yawe Nug heeb, ag Juda ag danab laihnu amu, ag ag baula ii anadmana. Iitta!

Aisaia 39:3

Hesekaia nug anam he, propet Aisaia nug aha, King Hesekaia toppa ukka, oɗ metta aum. “Danab uɗippig ele amu, ag aɗi nai madippig? Ag adeppan uɗippig?” awa oɗ mettom. Aisaia nug anam a, Hesekaia nug aum. “Ag umanunab uɗippig. Ag da aniɗkkulagnu Babilonnu uɗippig,” awa aum.

Aisaia 5:26

Amu Yawe Nug geha wanppanu wan laala umanu ⌊ban danab⌋ ag uɗin, ⌊nuhikkud danab ah eheɗ hattaglagnu⌋ Nug at laa qappeb daakku. Ao, Nug wanppanu wan laala umanabnu dilag ⌊ban danab⌋ ag uɗin, ⌊nuhikkud danab ah eheɗ hattaglagnu⌋ hiwalakppa ag onilagppa ekku. Nug anam heeb, geha ⌊ban danab⌋ ag qaiqaɗ paha uɗiglag.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Jeremaia 1:15

Aɗinu? Da Yawe, da attem. Da wan laalappan huu Yawalti uɗitteppanu daatteb amu, da ag onilagppa ekkul. Da heppi, ahilkad king, daup ele ag uɗin, ag Jerusalem, Juda dilag aab laala ele ban henan, ag eɗadkkulag. Ag eɗadna malona, ahilkad king ag Jerusalemnu aɗ odppa ahilkad sia king qappaladna, ag aguppa daaglag.

Jeremaia 2:26

Amu Israel oh ag uɗa nak nau guittak eleppa daatteb. Haen polis ag yab danab aɗaeg, uɗa nak nau guittak ele dootte, uɗa nak ahilagppa anamib daatte. Ag, ahilag king, ahilag ehanittak anuqak danab, ahilkad mana mettak danab, amu ahilkad propet danab ele, ag oh anamib.

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.

Jeremaia 4:16

Amu Yawe Nug atte. “Ag wanppan wan ohppa danab ah amelagppa inam appeg doyeg! Ge, Jerusalem appa ag appeg doyeg! ‘Wan umanu daup ag uɗitteb. Ag Juda dilag aab oh eɗadkkulagnu dabmenana, ag bannu ewak aakku etteb.

Jeremaia 5:11

Da amu hekkulnu diig am, Israel danab ah, Juda danab ah ele ag da ippunadmi bia da dim lamiɗkkulagnu uun autna aoppig.” Yawe Nug anam aakku atte.

Jeremaia 6:22

Amu Yawe Nug atte. “Antteg! Ban daup ag wan laa yawalti uɗitteppanu daatte, ag appanu uɗiglag. Ao, wan ɠagattag laa umanab daatte, appanu daup ag ban hekkulagnu ahatteb.

Esekiel 18:31

Ag eheɗ hak heppig amu, ag tuɗidna aib heppig. Ag dabmak bau aona, oolag bau ele aon dayeg! Israel danab ah, ag aɗinu mauhkulag hetteb?

Daniel 1:4

Am Nebukatnesar nug Aspenas Israel laa tituanadkkunu ana, nug Israel ag am inam elenu aum. Ag nid danab bau. Ag beɗulagppa eheɗ laa iitta. Ag iɗulag tuqak ele. Ag nid danab sul hena, keeke digdignu doyak aoglagnu uug iitta ele. Ag sul nakok okkai aon malappig ele. Ag keekenu diignu doyak tutukku paha aɗaglagnu uug iitta ele. Dimppa ag king ehanidkkulagnu elele. Aria Aspenas nug anam tituanattowa, nug Babilon dilag nai, ahilag kaya yaak daatteb ele ippunadkkunu nug amegppa aum.

Daniel 7:7

Da tuqan tuleglegppa amu anttoya, tulegleg amuppa da neekki ukke, da noolppa doɗ ebqak waɗele anidmi. Doɗ amu nug iɗu am naunab. Laa anidkku amu, nug baɗak eheɗ nau awa, naunab aokku. Doɗ amu nug am ɠagattag okkainab ele. Nug aeg am okkai, aenppa hak. Nug doɗ laa awa, oɗoɗe, ebehi oh qiialatte, toppua ukke, teppu laala ii laum ele amu, nug baegppa eheɗ tappa oɗoɗom. Doɗ imuam doɗ laa oh bia iitta. Nug am laanab, nug qeqeɗi eblaih laih ele.

Amos 6:14

Ag eheɗ amu hetteb amunu, Yawe Kayak Nukka Ɠagattag Oh Ele Nug atte. “Da heppi, kekeɗ ag uɗin, ag eɗadna, Lebo Hamat appanu ukka ukka, oolnu noak Araba, appa batak ag eheɗ hattaglag.”

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

1 Korint 14:21

Kayaknu ɗo naippa nai imu daatte. “Da wan laihnu danab, ag nailag laa, Israel ag ii dootteb ele amu, da danab amu maadppi, ag Israel gumadna uɗina, ag ag oɗelagppa nai madakkul, amge amuppa ele Israel ag dahil nai ii doomna.” Naɗi Nug anam awa aum.

Duteronomi 28:33

Wan laappan danab ag ii doyadtteb ele, ag geha, ag Israel ag uɗat naɗi hena, keh ebatteb amu, wan laappan danab, ag ag ii doyadttem ele, ag lakkulag. Ag Israel, ag geha danab amu waalagppa daappeg, ag eheɗ nau hadappeppeg, ag bau dayak haen ahilag ohppa anamib daaglag.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.