Jeremaia 49:8 - Nobonob Baibel

⁸ Ag Dedan buɗub, ag Esau buɗub oolagppa aab Dedan appa daatteb amu, ag ahan ukkeg! Ag ahan oolna, wan oɗe naɗippa dayeg! Aɗinu? Da Esau buɗub bu madakkul. Da bu madappi, ag padal mekkulag amunu, ag ele padal memananu, ag ooleg!

Jeremaia 49:8 ပူးပေါင်းရင်းမြစ်များ

Aisaia 2:21

Haen Yawe Nug ha, wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag buttuɗppa gona, amu waappa daaglag!

Aisaia 21:13

Nai meunab ele Arebia wanppanu Yawe he, Aisaia doyom ele am iikku. Arebia danab ag ⌊kekeɗ aqadmananu,⌋ ag oolna gona, atu taɗakppa haen tutuib dayaknu aab kalan daaglag amunu, ag Dedan danab, ag aben ohppa oiyak danab, ag oinna, keeke daden mena, eɗun meeg, laa ag daden mattegeg, ag men doɗo tuɗidna aotteb amu, ag Arebia dilag, atu taɗakppa baalag qaɗaiettom ele le matteg! Ao, ag Tema wanppan danab ah, ag amu, ag ee aon gona, Arebianu oola ukka laih dayaknu danab amu, ag danab amu gumadna gona matteg!

Aisaia 34:5

Amu Yawe atte. “Dahil qep elab nug hab aabppa aɗi uɗat hekkunu nai awa mala, qep amuam Edom danab ah bu madakkunu nekku. Da danab ah wan amuppanu, ag dahilnuib, dahil pelemppa daaglagnu ain malami amunu, am anam bekku,” awa aum.

Jeremaia 25:23

Da ag matte malen, da Dedan, Tema, Bus ele, ag miag iitta amu, da appan danab ah mattami.

Jeremaia 46:21

Wan laalappan daup, Isip ag daden mattegeg, ag ahilkad daupnab ele daatteb amu, daup amu ag makau nag aɗ ooppaib dayeye, ittag huanak ele daatte bia daatteb amunu, ag ban hekkulagnu elele iitta. Kekeɗ uɗin, ban hebeppeg, ag Isip dilag daup ele oh eɗun oolna gokkulag. Laihppan daup ag ɠagattag daan, ban ii hemana. Aɗinu? Uug naunab haen aakku ahilagppa uɗitte. Ao, ag ahilag bu awak haen aakku uɗitte.

Jeremaia 48:28

Ag Moap, ag amu heppig, gemu ele hetteb amunu, gemu ag ahilkad aab uun, aben hamu, men eleppa dayeg! Ag ai uppuɗil beɗulag nakok, nug teɗ nuhig men oɗenu oɗe guguittak hette, ag amubia dayeg!

Jeremaia 48:44

Ge, Yawe atte. “Da Moap danab ah ahilag bu awak haenppa bu madakkul amunu, aun nug baɗak eheɗ nau anidmanu ooltte amu, nug wan moɗppa na qekku. Laa nug moɗppa na qa, eɗua dimittim doa, nug eɗua, pelemppa tekku.” Yawe Nug atte.

Jeremaia 48:6

Ag Moap, ag ahan ooleg! Ag mauhmananu ag ahan oolna, atu taɗakppa lokkumna dayeg!

Jeremaia 49:30

Amu Yawe Nug imu ele atte. “Ag Hasor daatteb amu, Babilon dilag king Nebukatnesar nug ag eɗatta diieb, ag nug eppegppa daaglagnu dabmak awom daatte. Ao, nug attem ha heeb, ag nug eppegppa daaglagnu maittak awom daatte. Anam amunu, ag ahan ooleg! Ag gona, wan oɗe okkai, ag amuppa dayeg!” awa atte.

Jeremaia 49:32

Ag Babilon ag ahan goppeg, huu amu ele ban heppeg, ahilkad kamel am ahilag daaglag. Makau ahilkad huanak, amu ele ahilag daaglag. Huu amuppan danab ag uma, piɗe ana daatteb amu, da heppi, ag ulah keeke ehale gotte, ag amubia matatun gona, piɗe piɗe daaglag. Da heppi, uug naunab ag taliliatta dayaya, tonadkku.

Jeremaia 50:27

Babilon dilag daup enanag, ag makau gaiɗ bia daatteb, amge ag kekeɗ ag Babilon dilag daup amu oh aqappeg mauheg! Ag Babilon, ag ahilagnu gadonnab gadon. Aɗinu? Ahilag bu awak haen aakku uɗiom daatte,” awa atte.

Jeremaia 6:1

Yawe Nug atte. “Ag Benyamin danab ah, ag ahan ooleg! Ao, ag Jerusalem appa aib daappig. Ag ahan ooleg! Uug naunab yawalti uɗitteppanu uɗitte. Appan laa uɗin heppeg, nauhak okkai nau daakku. Anam amunu, danab ah ag dooglagnu ag trampet Tekoa appa iwaleg! Ge, ag Bet Hakerem appa danab ah anidna, uug naunab uɗitte dooglagnu ag appa pilak, amunu at daakkunu qappeg!

Esekiel 25:13

Anam amunu, Naɗi Yawe Nug inam atte. “Da eppel bahien heppi, Edom danab, doɗ ahilkad ele mauhkkulag. Da heppi, ahilag wan am nauhakib daakku. Ahilag aab onig Teman, appanu ukka, Dedan batak Edom danab ag qep elabppa mauhkkulag.

Malakai 1:3

Da nuhignu ool mauhom, amge da Esau geɗidmi. Da Esau geɗitten hei, kekeɗ ag nuhig wan heeg, wan amuam wan meu waknu nakokib elele beum daatte. Ao, da hei, ahilag wan, am ag aulag aakku, wan amuam doɗ jakal, am amu dilag beum daatte,” awa atte.

Malakai 1:4

Esau buɗub, ag Edom wanppa daatteb, ag inam akkulagtai, “Kayak Nug ihinig wan he nauhom, amge ig nauhom am baula buugnig.” Ag anam akkulagtai, amge Yawe Nukka Ɠagattag Oh Ele Nug inam atte. “Ag ahilag wan heppeg ena daakkunu hekkulagtai, amge da eɗue loppaɗppi nekku! Da anam heppi, laa ag ahilag wan, ag amunu, nau hak danab ah dilag wan, anana, ag Esau buɗub dilagnu ele, danab ah Yawe Nug ahilagnu hanhan oppoɗi bak dootte, akkulag,” awa atte.

Revelesen 6:15

Laih waeg, wanppanu king, anuqak danab, ban daup ikki anuqak, danab enulag ele, danab ɠagattag ebehilag ele, begbeg maɗi nid oh, danab laa oh begbeg maɗi nid iitta, ag oh qaukoppanu men oɗeppa amu men giɗoɗlagppa gona lokkumadppig.

Ikki Danab 6:2

Midian ag ɠagattag daan, ag Israel eheɗnab hattegeg, Israel ag oolna, qaukoppa goppig. Qaukoppa amu, ag daaglagnu aben teɗ bia bappaidna, wan, o men oɗe ele bappaidna, ag ele ban haknu aben ɠagattag ele bappaidna, aguppa daappig.

1 Samuel 13:6

Ag haen tutu dayaknu aab kalak ahilag anen anen heeg, anam dayeye, Pilistia ag Israel lamadkkulagnu wagai mena daappig amunu, Israel danab ah ag uug naunab ele daappig doon, laa ag wan oɗeppa gona, lokkumna daanna, laa ag gona, ad naunau gamagppa, o men okkai gamagppa lokkumna daanna, laa ag gona, moɗ digdig danab buuppig ele amu, ag aguppa lokkumna daappig.