Jeremaia 49:31 - Nobonob Baibel

³¹ ⌊Amu Yawe Nug Nebukatnesar amegppa atte.⌋ “Na, nahipad daup ele ag huu laa, ag uug iitta doon daatteb, ag, ‘Laa eheɗ ii heigma,’ anan oitteb ele, ag amu dilag ele banelag gona, aqaglagnu ban heig! Huu amu ag aab aɗ eleppa ii daatteb. Ag akka ag piɗe daanna oitteb.

Jeremaia 49:31 ပူးပေါင်းရင်းမြစ်များ

Sam 123:4

Dada danab ag huananab aon aon iqatteb. Ao, beɗuppa tak danab ag ihinignu keeke hamunab dootteb. Ge, ig uɗa nak okkai aot daat oittem ⌊amunu, na ihinignu oot gai-iitta doon oot megakkutnu oɗ medattem.⌋

Sam 73:12

Amuam nau hak danab ah dilag ib aakku. Ag wanppa bau daan oiyegeg, uug ii aqeeqe, ag en okkai aonnaib daatteb.

Aisaia 32:11

⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.

Aisaia 32:9

Ag Juda ah, ag hamu uug iitta ele daatteb, ag ahan, nai dahil doyeg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag daulag human, nai dahil doyeg!

Aisaia 42:11

Ag danab ah atu taɗakppa daatteb, atu taɗakppan keeke oh ele ag baalag okkaippa Yawe binag meig! Kedar buɗub, ag Yawenu oolag gamag ahaɗ! Ag danab ah Sela daatteb amu, ag oo gamag ahak doon, ahi etteg! Ge, ag oo gamag ahak doon, ag qauko attan taadna daanna, ag laa, ag amu dooglagnu baalag okkaippa eig!

Aisaia 47:8

Ag Babilon danab ah ag ah okkai laa bia daatteb. Ah amu nug keeke enaib aokkunu wagai ma hette. Nug uug laa nuhigppa bekkunu dab-ii-maama, nug nukka nuhignu, ‘Da dakka okkai daattem. Laa nug okkai da bia ii daatte. Laa nug danab dahil heeb nauhkkunu ib iitta. Laa nug nid naunau dahilad hatteb nauhkkulagnu, o diin gokkulagnu ele, elele iitta,’ atte. Ag Babilon ag anam daan dabmena, ag kobol eheɗ henana, dabmak eheɗ ele aotteb, amge ag gemu ag dahil nai imu doyeg!

Jeremaia 48:11

Yawe Nug inam atte. “Moap huu ag digmena, wan ahilagppa ena, hamuib daaegeg uɗie, gemu ele ag anam daatteb. Danab wain hette ele nug botolppa ina, balalppa me, uɗalak keeke iitta hamu daatte, amubia Moap huu ag daappig, gemu ele daatteb. Kekeɗ ag uɗin eɗadna diieg, wan laappa diia ukka laih me dayak danab ah ii daappig. Anam amunu, danab nug wain botolppa ina me, hamu uɗalak ele iitta dayaya, lanak baag dayom, anamib daatte amu, amubia Moap ag anam daappig, gemu ele aakku daatteb.

Esekiel 30:9

Amu deɗ laa da Isip heppi nauhkku amu, deɗ amuppa da ele heppi, nai awa ukkak danab ag uubppa tena, ag nai madippeg, danab laa ag uug laa bekkunu ii dabmena daatteb, am Kus danab, danab amu ag eheɗ nau baɗaglagnu gokkulag. Isipnu nauhak deɗppa amu, Kus danab ag eheɗ hahaɗkkulag. Aɗinu? Antte! Deɗ amu genab aakku uɗitte, ⌊amunu deɗ amu uɗieb, ag anam hahaɗkkulag⌋,” awa atte.

Esekiel 38:11

Na amu dabmenana, na akkut. ‘Da heppi, da dahilad daup ele ig wan laa, ag ban hekkulagnu babaittak ii daatteb, ag uug laa bekkunu ii dabmena daatteb ele, ig appa banelag gokkunig. Ahilkad aab am aɗ iitta, hamu daatteb. Danab ah appa daatteb ele amu, ag maɗoɗib daatteb. Ag, “Kekeɗ uɗippeg, ig ele ban hekkunig,” ii dabmetteb. Ahilag aab oh aɗ iitta, aɗnu od iitta, od manak qaknu keeke ele iitta. Ag hamu anamib daatteb.

Esekiel 39:6

Amu Naɗi Yawe Nug atte. “Da heppi, uug naunab nau, aab ewak bia, Magog danab ah dilagppa, amu laa ag yu ihippa baɗak iittappa daatteb, ahilagppa ele bekku. Uug amu ahilagppa beeb, ag dooglag, da am Yawe.

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Nahum 1:12

Amge Yawe Nug inam atte. “Laa kuɗum ag Niniwe ehanadkkulagnu nai qakkan malappig. Ao, ag ahilkad daup am huanak, amge da heppi, ag nena qena, nauhkkulag. O Juda danab ah, da hei, ag uug maotteb, amge da baula uug ii madapa.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Namba 23:9

Da qauko laa imu, aria qauko laala guguittak daatteb ele, ag oh ikkilagppa men eleib, amu da qauko imu igippanab hibaitte daye, da Israel danab ah anadttem. Yo, da qauko imu, amu qauko laala guguittak daatteb ele, ag oh attannab, amu da qauko imuppa hibaitte dayeye, Israel danab ah anadttem. Da Israel danab ah anadttem, me ag am danab ah ameg laa; ag wanppanu danab ah oolagppa ii daatteb. Iitta. Ag amu, ag akkanab awaittak laih daatteb. Ao, ag am wanppan huu laa oh ele dilagnu, ‘Ig ag ele oh laippu daatteb,’ ag amu ii dabmetteb. ⌊Iitta. Ag Yawe dim lamidtteb.⌋

Duteronomi 33:28

Kayak Nug anam hette amunu, Israel ag baɗak iittappa daaglag. Jakop buɗub ag enaib daaglag. Ag geha wan, wain bau, ee ele kuɗum, ag wan amuppa daaglag. Ag baito lomppan ele aoglag.