Jeremaia 49:23 - Nobonob Baibel

²³ Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Jeremaia 49:23 ပူးပေါင်းရင်းမြစ်များ

Genesis 14:15

Ag Dan aabppa gona, Abram nug nuhikkud daup tuqanppa otiatte, ag ban hena, king waɗele eɗadppig. Eɗadna amu, ag lamadna, Hoba aabppa batak goppig. Hoba amu Damaskusnu yawalti uɗitteppanu daatte.

Genesis 15:2

Yawe Nug anam aum, amge Abram nug aum. “O Naɗi Yawe, da enul oh am attem da ehaniɗkku. Aɗinu? Da nid iitta. Da nid iitta amunu, Damaskus danab laa, Elieser, nug da enul oh aokku.

2 Samuel 17:10

Nai amubia aheb amu, nahipad daup oh baɗaglag. Ge, nahip daup laa nug laion, doɗ laa oh ii baɗadtte bia daatte, daup amu nug hanhan keeke laanu ii baɗatte, ooppa ɠagattag doyakib dootte, amge nug nai amu doya, nug ele eheɗnab baɗakku. Aɗinu? Israel oh ag na mamennu, nug ban danabnab daatte doon, nuhig daup ag ban hekkulagnu ag oolag ɠagattag doyak okkai daatte ele dootteb.

2 Samuel 8:9

Amu Hamat dilag king Toi nug Dawit, Hadateser, nuhikkud daup oh ele eɗattom doyom.

1 King 11:24

Nug oola ukka, nug danab huu laa ag nai tappe nak danab, nug ag diia, ahilag ikki dayeye, Dawit nug Soba wannu ⌊King Hadatesernu⌋ ban danab oh aqa male, haen amuppa Reson nug danab nuhikkud diie, Damaskus aab okkaippa gona, appa daanna, Reson nug Damaskus dilag king ba dayom.

2 King 17:24

Israel ag anam gona daaegeg amu, Asiria dilag king nug danab ah Babilonnu, Kutanu, Awanu, Hamatnu, am Separwaimnu ele diia ukka, Israelnu aab anen anenppa maatte, Israel oulag daaglagnu daappig. Danab ah amu ag Israel wan ahilag daakkunu aon, ag Israelnu aab anen anenppa aakku daappig.

2 King 18:34

Danab ah Hamat, Arpat ele daappig amu, ahilag kayak gemu adeppa daatteb? Danab ah ag Separwaim, Hena, am Iwa ele daappig amu, ahilag kayak ele adeppa daatteb? Amu Samarianu danab ah ele, ahilag kayak ag da wan amuppan danab eɗadkkulnu elele iitta daakkulnu ehanatteg, qagaiettakppa ii daappigte? Iitta!

2 King 19:13

Ge, Hamat dilag king, o Arpat dilag king, o aab okkai Separwaim dilag king, o Hena dilag king, o Iwa dilag king, king amu oh gemu adeppa daatteb?’ ” Asiria dilag king nug nai amu Hesekaia dookkunu me ukkom.

2 King 5:12

Nug da amelppa da ukke, Jodan leppa laakkulnu aum, amge Damaskusnu le aɗit laa, laa onig Abana, laa onig Parpar, le aɗit amu Israel dilag le oh eɗadttep. Da le aɗit amu, amuppa laappi, oɗe beɗulppa iite iitta mekku?” awa aum. Nug anam anana, aakku Naman nug oppoɗi huana be, ameg kokoɗ eppe ukkom.

2 Stori 16:2

Anam daaegeg, Asa nug Yawenu mettid lagnu en maknu oo anen anenppa, kingnu lag enanagnab, appanu en maknu oo anen anen eleppa silwa, gol, o men doɗo daatte amu, nug amu awa, nuhikkud ehanittak anuqak danab matte, ag aon, Aram dilag king Benhadat, Damaskus dayom, ag nug mettaglagnu Damaskus goppig.

Eksodas 15:15

Edomnu ikki danab ag eheɗ nau baɗaglag. Ao, Moap danab ɠagattag ele amu, ag ebehilag huanaknab hahaɗadkku. Kanan danab ah dilag ɠagattag am eɗua, le mekku.

Aisaia 10:9

Wan da eɗatten, aab okkai ahilag aomi ele, aab okkai amuam Karkemis, Kalno, Arpat, Hamat, Damaskus, am Samaria ele. Ag oolagppanu laa nug da eɗilkkunu elele iitta. Iitta! Da laa dilagppa hemi bia laa ohppa anamib hemi.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 13:7

Yawe Nug geha anam hekku amunu, danab ah oh geha ebehilag gokkaɗa nekku. Ao, ag oh ag oolagppa ɠagattag iinab daamna.

Aisaia 36:19

Danab ah Hamat, Arpat ele daappig amu, ahilag kayak gemu adeppa daatteb? Danab ah ag Separwaim daappig amu, ahilag kayak ele adeppa daatteb? Amu Samarianu danab ah ele, ahilag kayak ag da wan amuppan danab eɗadkkulnu elele iitta daakkulnu ehanatteg, qagaiettakppa ii daappigte? Iitta!

Aisaia 37:13

Ge, Hamat dilag king, o Arpat dilag king, o aab okkai Separwaim dilag king, o Hena dilag king, o Iwa dilag king, king amu oh gemu adeppa daatteb?’ ” Asiria dilag king nug nai amu Hesekaia dookkunu me ukkom.

Aisaia 57:20

Amu nau hak danab ⌊ag maɗoɗ amubia ele ii daatteb. Iitta.⌋ Ag yu toedakkunu elele iitta, ag amubia daatteb. Ag yu heehe, lekkoh nau, dubuttid ele wanppa bette, ag amubia hetteb.

Aisaia 7:8

Aɗinu? ⌊Aram, Israel ele ag am genab ɠagattagnab iitta.⌋ Aram dilag aab ikki am aab okkai onig Damaskus aakkuib. Amu Damaskus ikki am Resin aakkuib. ⌊Amu aa oh am ɠagattagnab iitta.⌋ Israel dilag aab ikki am aab okkai onig Samaria aakkuib. Amu Samaria ikki am Remalia bekka Peka aakkuib. ⌊Amu aa oh am ɠagattagnab iitta.⌋ Anam amu, Aram, Israel ele ag ɠagattag ii daan, nena qekkulag. Ge! Maɗ 65 ii ukkak, Israel ag nena qena, huu laippu ii daamna. Amu Juda ag nai dahilnu oolagppa genab ɠagattag ii dooglag dayeb, ag nena qekkulag; ag hippaidna ii daamna.” ’ ” Naɗi Yawe Nug anam awa aum.

Jeremaia 39:5

Ag anam oolppig, amge Babilon dilag daup ag dim lamadna gona, Sedekaia nug uɗem okkai Jeriko guguittak appa ugekke, ag nug qe-eɗidna aɗappig. Ag aɗan, Babilon dilag king nug Hamat wanppa aab onig Ripla appa dayom amunu, daup ag Sedekaia aon gona, appa Nebukatnesar eppegppa meeg, nug ag nuhignu aɗi aɗi hekkulagnu aum.

Esekiel 27:18

Damaskus danab ag nahip keeke digdig ag wain, aben onig Helbon appanu, amu sipsip uɗig, aben onig Saha, appanu ele aon uɗin, amuppa keeke nahip aoglagnu daden meppig.

Amos 6:2

Ag gona, Kalne antteg! Aria, gona Hamat, onig, ɠagattag ele, amu anidna, gona Gat, Pilistia wanppa appa ele antteg! Ag Juda, Israel ele ag ɗo maɗoɗ ewam amu daappig bia laippu bia daatteb, ag ag ii eɗadtteb ⌊amunu, ɗo maɗoɗ ewam kekeɗ eppelkadppa uug naunab aoppig bia, ag Juda, Israel ele, ag ele uug naunab anidkkulag⌋.

Nahum 2:10

Kekeɗ ag Niniwenu keeke oh aakku ban hena aoglag. Ag aon gokkulag. Ag anam hebeppeg, Niniwe danab ah ag beɗulag gai-iitta mekku. Oolagppa am ag ɠagattag laa ii doomna. Ag hahaɗppeppeg, ag iɗulag am hakkab ebakku.

Namba 13:21

Moses nug anam ha aum amunu, ag aakku gona, wan laih Sin atu taɗakppanu, laih Rehop aab okkaippanu ukkak, appa anidnan goppig. Rehop nug am aab okkai Lebo Hamat guguittak dayom.

Aposel 27:20

Deɗ kuɗum ig aam, hoɗoppai ele ii anadmut, ulah okkainab hanhan ig duttunigttom. Anam heehe, ig ihinig dabmakppa, “Geha ig gota aben laappa teta ena daagnig,” laa ii dabmemut. Iitta. “Ig aakku padal mekkunig,” aot amut.

Aposel 9:2

amegppa a, nug Juda dilag nai doyak lag Damaskus daatteb, amunu ikki danab anen anen dilag pas Saul mettom. Pas amuppa nug inam yom. “Saul nug danabte, iitta ahte ag Jesusnu oolagppa genab dootteb ele appa anadkku, nug hippalatta diia, Jerusalem uɗikku,” ana yom.

2 Korint 11:32

Am Damaskus appa King Aretasnu ehanittak laa, nug gawana, nug Damaskus aab okkainu aɗub odppa od gumak danab maatteb, ag da aɗailppeg, maniguittakppa meiɗkkunu heum,

Duteronomi 20:8

Ban daup ikki ag anam awona, ag tuɗidna, inam ele akkulag. “Aun laa na baɗak, o na ban haknu elele ii doottem? Na anam bia doottem dayeb amu, na laa amu ippunidppe, nug ele anam doya, nug baɗa, ban ii hemanu na aabppa ukke!” Ag amu ele akkulag.

Josua 14:8

Da wan amunu anam aakku mattimi, amge da lailad, da ele oh gomut ele amu, ag ahilag naippa heeg, danab ah ag eheɗ baɗappig. Amge dahilnu amu, da Yawe, dahil Kayak, da meul ohppa Nug oɗe dim lamidmi.

Josua 2:11

Haen ig ag king aɗit, ahilti danab ah ele dilagppa heppig doomut amu, ag Israel, ahilagnu amu, ig baɗak okkai doota, ooppa ɠagattag doyak ihinig iitta meum. Aɗinu? Yawe, ahilag Kayak, Nug hab aabppa Kayak daatte, ippa wanppa ele Kayak daatte.