Jeremaia 49:17 - Nobonob Baibel

¹⁷ Yawe atte. “Da heppi, Edom wan nauhkku amunu, danab ah laa ag anidna, ameg iɗuak dooppeg, laala ag wan amu guguittak oinna, ag Edom eheɗ nau awom anidna, ag dabmak huanak aona, Edom danab ah aon aon aqaglag.

Jeremaia 49:17 ပူးပေါင်းရင်းမြစ်များ

1 King 9:8

Amu lag imuam geha nauhak daakku. Anam dayeb, danab ag geha uɗin, ippa oinna anidna amu, ag geha dabmak huanaknab aona, awa awa qettak hena, ag akkulag. ‘Attem daye, Yawe Nug wan imu he nauhe, mettid lag imu ele he, kinipan ameg okkai hume tak daatte?’ akkulag.

Jeremaia 18:16

Diig amunu amu, kekeɗ ag heppeg, ag Israel, ag ahilag wan am nauhaknab daakku. Danab laa ag nauhak amu anidna, ag ag Juda, ag ahilagnu, ‘Keeke hamunab,’ dooglag. Aun aɗi ag nauhak amu anidna, ag dabmak huanaknab aonna, ag ikkilag matuɗkkulag.

Jeremaia 49:13

Amu Yawe atte. “Da dakka, da onil awen, dahil nai ɠagattag qetten, da attem. Kekeɗ ag heppeg, Edomnu aab Bosra nauhakib daakku. Danab ah laa ag amu anidna, ag ameg iɗuak doon, ag Edom danab ah aon aon aqanna, ag Edom danab ah eheɗ laa awaknu anak waappa daaglagnu anana oiglag. Amu Edomnu aab oh amu nauhattak hanhan daaglag.” Yawe Nug anam atte.

Jeremaia 50:13

Da, Yawe, da Babilon dilagnu ool nauheb, bu madakkul. Bu madappi, Babilon wan am hele-ettak daya autanab aokku. Danab laa appa ii daama. Anam dayeb, laa nug Babilon guguittak oiyaya, guittak okkainab awom antta, nug ameg iɗuak doya, Babilon danab ah awa awa aqakku.

Jeremaia 51:37

Da heppi, kekeɗ ag heppeg, Babilon am kinipan ameg okkai hume tak daakku. Doɗ jakal, ag aguppa daaglag. Danab ah ag Babilon anidna, ag ameg iɗuak doon, ag Babilon danab ah dilagnu, ‘Keeke hamunab,’ dooglag. Danab laa Babilon appa ii daama.

Esekiel 25:13

Anam amunu, Naɗi Yawe Nug inam atte. “Da eppel bahien heppi, Edom danab, doɗ ahilkad ele mauhkkulag. Da heppi, ahilag wan am nauhakib daakku. Ahilag aab onig Teman, appanu ukka, Dedan batak Edom danab ag qep elabppa mauhkkulag.

Esekiel 27:36

O Aab Tair, na aakku nauhna autna aome, baula daame bia ii daamna amunu, keeke laihnu awa dadennu mak danab ag na aon aon nidatteb,” aon akkulag.’ ” Yawe anam da amelppa aum.

Esekiel 35:15

Ag kekeɗ heeg, Israel wan hele-ettak beum, haen amuppa ag oolag gamag ahom amunu, da heppi, ag Edom, ahilag wan am anamib daakku. O Qauko Seirnu danab, da heppi, ahilag wan oh am hele-ettak daakku. Anam dayeb am, ag Edom danab, ag dooglag, da am Yawe.” Yawe Nug anam atte.

Esekiel 35:3

‘Naɗi Yawe Nug inam atte,’ awona, na nai imu ele appe doyeg! ‘Qauko Seirnu danab ah, da ahilag hak amunu eheɗ doyeye ool ii madattem amunu, da eppel bahie, eheɗ hadappi, ahilag wan am hele-ettak, wan meu waknu nakokib elele, am anam daakku.

Esekiel 35:7

Da heppi, ahilag wan, Qauko Seir amu, wan amuam hele-ettak, wan meu waknu nakokib elele, am anam daakku. Da heppi, ahilag wanppa danab ah oh mauhkkulag.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Duteronomi 29:22

Anam dayeb, ahilkad menuattak bau dokkulag, ag buɗulkad ele, amu wan laihnu danab, wan umanabnu uɗitteb, ag ele, ag oh wanppa nauhattak okkai amu, oɗe digdig ele, Yawe Nug wanppa heeb nekku amu, ag anidkkulag.