Jeremaia 49:13 - Nobonob Baibel

¹³ Amu Yawe atte. “Da dakka, da onil awen, dahil nai ɠagattag qetten, da attem. Kekeɗ ag heppeg, Edomnu aab Bosra nauhakib daakku. Danab ah laa ag amu anidna, ag ameg iɗuak doon, ag Edom danab ah aon aon aqanna, ag Edom danab ah eheɗ laa awaknu anak waappa daaglagnu anana oiglag. Amu Edomnu aab oh amu nauhattak hanhan daaglag.” Yawe Nug anam atte.

Jeremaia 49:13 ပူးပေါင်းရင်းမြစ်များ

Genesis 22:16

“Yawe Nug inam awa atte. ‘Da dakka, da onil awen, da nai dahil imu da onilppa ɠagattag qein madittem. Nai am inam: Na nid nahipnab meɗame. Na ii awaidna aɗame

Genesis 36:33

Bela mauhe, Sera bekka Jobab nug abenabppa king ba dayom. Nug Bosra ted.

1 Stori 1:44

Bela mauhe, Sera bekka Jobab nug abenabppa king ba dayom. Nug Bosra ted.

Aisaia 34:6

Tiig am Yawenu qep elab aeg am laidkku. Ao, ittag Nug qep aeg laidkku. Sipsip nag tiilag, meeme tiilag ele qep elab aeg nuhig laidkku. Ao, sipsip dawai aɗita doɗonu ittag am qep aeg laidkku. Nuhig qep elab aeg anam daakkunu diig am, Yawe Nug mana mettak okkai Edom wanppa aab onig Bosra appa daakkunu dabma, bekkunu mattia malom. Ao, Edom wanppa am mauhak huanaknab daakku.

Aisaia 45:23

Da dakka, dahil nai da onilppa ɠagattag qettami; amu da geha aɗi keeke hekkulnunab ami amu, da genab hekkul. Da dahil nai qakkak amu eɗuen ii aopa; anamib daakku. Amu nai amuam danab ah oh ag da noolppa gatelag qaun ona, da binal mena, ag oh ahilag nai ɠagattag qettan, ag dahilnu inam akkulag.

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Jeremaia 18:16

Diig amunu amu, kekeɗ ag heppeg, ag Israel, ag ahilag wan am nauhaknab daakku. Danab laa ag nauhak amu anidna, ag ag Juda, ag ahilagnu, ‘Keeke hamunab,’ dooglag. Aun aɗi ag nauhak amu anidna, ag dabmak huanaknab aonna, ag ikkilag matuɗkkulag.

Jeremaia 19:8

Da heppi, aab okkai imuam nauhakib dayebeb, danab ah laa ag aab imuppan danab ah dilagnu, ‘Keeke hamunab,’ dooglag. Ge, aun aɗi ag aab imu guguittak oinna, ag aab okkai imu eheɗ nau awom anidna, ag dabmak huanak aona, ag aab imunu danab ah aon aon aqaglag.

Jeremaia 44:26

Amu Yawe atte. “Ag amu hetteb amunu, ag Juda oh, ag Isip uɗin daatteb ele, ag Yawenu nai imu doyeg! Nug atte. ‘Da onil okkai ele awen, amuppa da dahil nai ɠagattag qetten, da attem. “Ag oolagppanu laa nug baula da onil awa, nuhig nai laa ɠagattag qedakkunu ha, ‘Naɗi Yawe bau daatte, genab amubia,’ ana, amuppa nai nuhig ɠagattag ii qettama,” ’ ” awa atte.

Jeremaia 48:24

Keriot, Bosra ele. Ge, Moap aab oh, aab laala uma daatteb, laala miag daatteb amu, ag oh bu aoglag.

Jeremaia 49:22

Antteg! Ai igel hagagaɗa oiyaya, doɗ aokkunu noa ukka, eɗua tette, amubia kekeɗ ag Bosra danab ah diiadppeg, ag eppelagppa daaglag. Amu beeb, deɗ amuppa Edom dilag daup ag ah nid aokkun hette bia daaglag.

Jeremaia 51:14

Yawe Nukka Ɠagattag Oh Ele Nug nukka, Nug onig awa, nuhig nai ɠagattag qetta aum. “Da genabnab genab heppi, kekeɗ dilag daup huanak, tap-lokus bia, ag Babilon aab ooppa nona eɗadna, ag gamag ahak okkainab doon ekkulag,” awa atte.

Joel 3:19

Ag Israel, ahilagppa amu ena anam daakku, amge Isip wan am hele-ettak daakku. Edom wan ele atu taɗaknab daakku. Aɗinu aa anam daaglah? Ag Juda wanppan danab ah guittak nau mauhnoak mattanna, appa ag danab ah eheɗ laa ii heppig ele aqaeg mauhppig.

Amos 1:12

Edom danab ag anam heppig amunu, da heppi, Edom dilag aab Teman aab eweb; Bosranu aab aɗ ɠagattagnab ele, aab amu ele ewatteb, iitta mekkulag.” Yawe Nug anam atte.

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.

Obadaia 1:18

Haen amuppa Israel danab ah ag aab ewa daatte bia daaglag. Ao, Israel danab ah ag aab dittiak bia daaglag. Ag anam daappeg, Edom danab ah ag wit keeke gumu qaɗaiettaknab bia daaglag. Aab wit keeke gumu qaɗaiettaknab ewe, iitta mette, amubia Israel ag Edom eɗadna autna aon heppeg, Edom, Esau buɗub, ag iitta mekkulag. Edom wanppa amu, danab laippu laa bau ii daama.” Yawe Nug anam aum daatte amunu, am anam bekku.