Jeremaia 49:10 - Nobonob Baibel

¹⁰ Amge Esau buɗubnu ag anam ii daamna. Da heppi, kekeɗ ag uɗin, ag Esau danab ah dilag keeke ohnab akkan gokkulag. Ag lokkumna daamnanu da heppi, kekeɗ ag ahilag lokkumak aben oh anidkkulag. Esau danab, ah, nid, mudippan laippu ele, ag oh mauhna, iitta mekkulag.

Jeremaia 49:10 ပူးပေါင်းရင်းမြစ်များ

Sam 37:28

Aɗinu? Yawe Nug danab ah ag nai doya mala hettoɗia epeɗia elele mettak kobol hetteb amu, Nug amu dilagnu oo mauhtte. Nug danab ah ag oolag Nug mettan, amu haknu ii uun oitteb amu, Nug ag ii uuadma. Nug am genab tutukku hak danab hanhan atognoadkku, amge nau hak danab ag buɗulkad iitta daaglag.

Aisaia 17:14

Tueb, baɗak eheɗ nau! Ii wagkkaɗebeb, padal mak aakkuib! Kayak Nug heeb, laa ag eheɗ heignana, ihinkad keeke aotteb dilagppa anam bekku. Ao, Kayak Nug heeb, aun aɗi ag iqan, ihinkad keeke aoglagnu hetteb dilagppa anam bekku.

Aisaia 45:3

Da Yawe, Israel dilag Kayak, da na oninppa ettem amu, na da dooiɗna autna aokkutnu, da na ehanitten, en okkai okkai, aben gatatu ele daatte medakkul. Ao, da en okkai okkai, aben lokkumakppanab daatte, da na medakkul.

Jeremaia 13:26

amunu, laa ag ah eheɗ heum ele uɗa nak dookkunu ag nuhig lamen aɗaeg te, beɗu miag daatte, da laa ag Juda ag eheɗ heppignu miag anidkkulagnu, da ag uɗa nak madakkul.

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Gayak Nai 4:22

O Juda danab ah, ahilag bu awak am iitta mekku; ag gemu wan laappa diia ukka laih me dayak danab ah daatteb, amge Yawe Nug ag anam daaglagnu haen eeɗeb, elab ii goma. Anam, amge o Edom danab ah, Nug ag ahilag hipuninnu bu madakku; Nug ahilag hak nau heeb, miag atikku.

Amos 9:3

Israel danab ah ag qauko Karmel igippa tena, da anadpanu appa lokkumna daaglagtai, amge da ag appa mattialatte anatten, aɗualadkkul. Ao, Israel danab ah ag yu ooppa unuqagnab nona, da anadpanu appa lokkumna daaglagtai, amge da haknunab appi, appa yuppan mat nau ag emaladkku.

Obadaia 1:6

Kekeɗ ag uɗin, Edom wan ooppa aɗi keeke ena ahilag daatte amu, ag anidna akkan gokkulag. Ao, ag uɗin, aben ohppanab, aben miag atiakib iitta, aben lokkumak ele, ag aben ohnab neegna, aɗi en daatte anidna, akkan gokkulag.

Obadaia 1:9

Teman am Edomnu aab okkai, amu appan ban danab ag eheɗ nau baɗaglag. Danab oh Edom wanppa daatteb amu, kekeɗ ag aqappeg mauhkkulag.” Yawe Nug anam awa atte.

Rom 9:13

Kayak naippa yaak amunu inam daatte. “Da Jakopnu ool mauhom, amge da Esau geɗidmi.”