Jeremaia 48:47 - Nobonob Baibel

⁴⁷ Ahilagppa anam bekku, amge dimppa, haen adekkuppa da heppi, ag Moap, ag eɗun, ahilag wanppa daaglag.” Yawe Nug anam awa atte. Nai amuam Moap bu aokkunu nai aakku.

Jeremaia 48:47 ပူးပေါင်းရင်းမြစ်များ

Job 19:25

Aɗinu? Da inam doottem; laa Nug da qagaiettakppanu eɗua uhuqak danab dahil daatte. Ao, Nug daatte amu, gog tak haenppa Nug wanppa daakku.

Aisaia 18:7

Haen amuppa wan laappan danab ah, ag danab ah elab elab; ag beɗulag anttaknu am ena, qa oppiaawaknab, danab wan amuppanu ag am ban danab nau, laa ohbia ag ag baɗadtteb, wan amuam wan ɠagattag, wan amuppan ban danab ag wan laa eɗadtteb, ahilag wanppa amu, le kuɗum wan oppatatte, obatak obatak daatte, amu danab ah huu wan amuppan ag geha keeke ɗo mettak ena amu Sion qaukoppa aon uɗin, Yawe Nukka Ɠagattag Oh Ele, Nug aguppa daatte, ag keeke amu nuhig daakkunu, hamu mettaglag. Ag geha keeke amu aon uɗin, aben laa, aben amuppa Yawe Nukka Ɠagattag Oh Ele, Nug onig aben amuppa daatte amu, ag aben amuppa keeke amu Nug mettaglag.

Aisaia 23:18

Amge Tair nug men doɗo aokku oh, am geha nukka nuhig qagmeeb ii daama. Aɗinu? Geha keeke amu oh Yawe nuhig keeke daaglag. Amu Yawenu danab ah ag geha keeke oh Tair qagmekku amu aoglag. Aon am, geha ag ee kuɗumnab lakkulagnu ele daanna, geha ag lamen ena ena ele aon mekkulag.

Aisaia 25:11

Moap ag am geha danab nug yu gamagppa padal memanu baɗa, yu ihippa langppa gokkunu wagai ma mutui ma gotte, ag amubia hekkulag. Ag geha keeke digdignu uug mawak nau amu eɗidkkulagnu hekkulag, amge Yawe Nug geha ahilag doyak, am ahilag ɠagattag ele tappeb nokku amunu, ag aɗi keeke laa ag ehanadkkunu hekkulag am geha ehanadkkunu elele iitta.

Aisaia 45:20

Yawe Nug imu atte. “Ag danab ah wan atu laih laihnu, ag banppa ii mauhppig ele amu, ag qagmena uɗin, da noolppa daanna, ⌊dahil nai doyeg⌋! Aun aɗi ag kayak hambuppuak dottolkad maon oin, binalag metteb ele, ag am dabmak iitta. Ag kayak hambuppuak amu unuqadtteb, amge kayak hambuppuak amu ag ehanadkkulagnu elele iitta.

Jeremaia 12:14

Yawe Nug atte. “Da wan laa dahilad danab ah, Israel, ag aulag daakkunu da ag mattami, amge danab laa ag kekeɗ meɗappig, wan amu talilidna daatteb ele amu, ag uɗin, Israel ele ban henana, Israel dilag keeke aon goppig. Ag anam heppig amunu, danab uud hiɗa buɗie gotte, amubia da heppi, laa da kekeɗ meɗappig amu, ahilag kekeɗ ag uɗin, ag diin goppeg, laa da kekeɗ meɗappig ele ag wan laappa diia ukka laih me dayak danab ah daaglag. Amu da Juda danab ah ehanadppi, ag ag eppelagppa baula ii daamna.

Jeremaia 12:15

Da laa kekeɗ meɗappig dilagppa anam hekkul, amge da ag anam ahilag wanppanu hiɗadppi goppeg, dimppa da ahilagnu oo gai-iitta doye ool matten ehanadppi, ag anen anen eɗun, ahilag wanppa, ag ahilkad aug wanppa daaglag.

Jeremaia 23:20

Yawenu oo nauhak am anamib dayebeb ukkeb, Yawe Nug nuhig dabmakppa aɗi aɗi hekkunu dabmette, Nug ooppa aɗi bekkunu maittak awom daatte, keeke amu oh ba maleb, oppoɗi bak amu iitta mekku. ⌊Amu Yawe atte⌋ “Butti haen adekku ag imunu diignu doyak tutukku aɗaglag.

Jeremaia 30:24

Yawe Nug bu madakkunu dabmak awe, ɠagattag eppom amunu, nuhig oo nauhak huanaknab am hamu ii iitta mema. Iitta. Bu mattak amu ha malak dimppa, am iitta mekku. Dimppa ag imu oh dabmena, oolag maidkku.

Jeremaia 46:26

Da heppi, Babilon dilag king Nebukatnesar nug ag eɗatteb, ag nuhig, am nuhikkud daup dilag okkai eppelagppa daaglag. Ag anam daaglag, amge haen ukkeb, dimppa Isip danab ah ag eɗun, Isip daaglag.” Yawe Nug anam awa atte.

Jeremaia 49:39

Amu Yawe Nug imu ele atte. “Da gemu amu hekkul, amge dimppa haen laappa da heppi, Elam danab ah ag eɗun, gemu ena daatteb bia, haen amuppa ag anam daaglag.” Yawe Nug anam awa atte.

Jeremaia 49:6

Amge dimppa da heppi, Amon danab ag eɗun, ena daaglag.” Yawe Nug anam awa atte.

Esekiel 38:8

Aɗinu? Butti haen adekku ban hekkulagnu ewak daakku, ag haen amuppa goppeg, wan laa ele ban hekkulag. Wan amuppan danab ah ag tatam banppa eheɗ aon, wan kuɗumppa daappig, amge Yawe he, ag wanppan wan laa kuɗumppanu eɗun uɗin, ag ahilag wanppa, am Israel wan, wan amuam haen elab hele-ettak dayom amu, ag eɗun, aguppa daatteb. Wan amuppan danab ah ag wan laalappa daaegeg, Yawe he, ag eɗun uɗin, baɗak iittappa daatteb. Amu, Gog, haen amuppa na, amu nahipad ele ag goppeg, danab amu ag ele ban hekkulag.

Daniel 10:14

Nug ehaniɗkkunu uɗiom amunu, da dimppa nahipad danab ah dilagppa aɗi bekkunu meu appi dookkutnu uɗimi. Aɗinu? Tulegleg imuam dimppanu keeke,” awa aum.

Daniel 11:41

Nug amu haaha, nug wan enanag, Israel wan, nug wan amuppa ele wab, wan amu ele ban hekkulah. Nug heeb, wan kuɗum nena qena, nug eppegppa daaglag, amge Edom wan, Moap wan, Amon dilag okkai ele ag nug eppegppa ii daamna.

Daniel 2:28

amge Kayak, hab attan daatte, Nug keeke uug ele he, miag atitte. Nug anam hette amunu, Nug na, King Nebukatnesar, Nug na dimppa aɗi bekku aakku ippunittom. Na niiak abenppa tul niinna, tuleglegppa keeke digdig anidme am iikku.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Namba 24:14

Gemu da aakku dahilad danab gumatte gokkulnu hettem, amge doye, geha dimppa Israel danab ag nahip danab dilagppa attem hekkulag amu, da appi doye!” awa aum.

Duteronomi 31:29

Aɗinu da anam hekkul. Da doottem, da mauhppi amu, ag kobol diig ena iitta, uɗig uuak ele hena, ib da ag amelagppa hekkulagnunab ami amu apiɗna gokkulag. Ag butti aɗi nau anam hebeppeg, diig amunu Yawe Nug oppoɗi beeb, uug naunab ahilagppa nekku.” Moses nug Israel amelagppa anam aum.

Duteronomi 4:30

Amu butti aɗi haen ag wanppan wan laalappa appa daappeg, uug nau imu oh ahilagppa beeb, ag Yawenu bu mettaknu uug amu waappa daan oippeg, ag geha eɗun, Yawe, ahilag Kayak, ag Nug waappa daappeg, ⌊Nug ag ehanadkku⌋.