Jeremaia 48:37 - Nobonob Baibel

³⁷ Kekeɗ heppeg, Moap ag uug okkainab anidna, ag ikkilag uɗug hoin, akkaɗilag ele hoin aoglag. Ag ⌊ahilkad kayak hambuppuak ag ag dabmadakkunu, ag⌋ oh eppelkad guittak madappeg, ag lamen heɗiag ele takkaglag.

Jeremaia 48:37 ပူးပေါင်းရင်းမြစ်များ

Genesis 37:29

Ag anam heegeg, Ruben nug appa ii dayom. Amge dimppa, haen nug eɗua uɗia, le moɗppa ukka neekka, Josep ii antta, nug oo uugnab doya, nuhig lamen pattiɗom.

Genesis 37:34

Anam ana amu, nug nuhig lamen pattiɗa, lamen heɗiag ele awa ma, bekka haen elab mahittom.

1 King 18:28

Elaiya nug anam a amu, aria ag baalag okkaippa huan enana, ahilag mettid hak kobol dim lamidna, ag qep elab, qep tutu eleppa akka ag beɗulag oppateg, tiilag neene heppig.

1 King 21:27

Haen Ahap nug Elaiya nai mattiom amu doya, nug eheɗ heum amu doya, nug nuhig lamen patiɗa, nug lamen heɗiag ele awa takka, nug ee ohnu ele kud dayom. Tuqan ele nug lamen heɗiag eleppa niiom. Nug dada danab kobol uua autanab awa, nukka onig qe ne oiyom.

2 King 6:30

Ah nug nai amu mattie, king nug ahnu nai amu doya, aria nug lamen elab nuhig aɗa patiɗom. Nug aɗ attannu ii neum, aɗ attan oiyeye, danab ah oh ag nug anttegeg, nuhig lamen elab patiɗom. Nug nuhig lamen elab patiɗom, amu lamen amu waappa nug lamen heɗiag ele beɗu qaɗeppa takka oiyeye anidppig.

1 Stori 19:4

Amon dilag anuqak danab ag anam aeg, Hanun he, laa danab Dawit maatte goppig amu aɗualadna, akkaɗilkad hoina, ahilkad lamen ele gamagppa, ag bitolagppa otaɗadna heeg, ag eɗun goppig.

Aisaia 20:2

⌊Asiria ag Pilistia dilag aab okkai amu aoppig, amge keeke amu ii bak, bekkunu maɗ ewam daye,⌋ haen amuppa Yawe Nug Amos bekka Aisaia amegppa aum. “Na lamen heɗiag ele meme amu uɗona, na baen gaɗa baenppan ele uɗakkut,” awa aum. Nug anam a, Aisaia nug anam haaha, nug qaɗeppan lamen ele iitta, baeg gaɗa ele iitta, anam hamu oiyom. Am Aisaia nug Yawenu nai doya, nug Yawe aum bia anam heum.

Aisaia 3:24

Ag goɗen muttuɗig ena ele bau laa ii laamna amunu, ag beɗulag hiuɗi nau okku. Ag bau laa lamen enanag imualag ii itamna. Iitta. Ag lamen nau maadna, muɗippa imualag qakkaglag. Geha ag ikkilag uɗug kobol digdigppa bau laa hena ii qakkamna. Iitta! Ag ikkilag uɗug iitta meeb, bikkalag ele daaglag. Ag lamen ena ena ele ii takkamna. Iitta. Ag lamen heɗiag ele takkaglag. Ag iɗu tuqak ele ii daamna. Iitta. Kekeɗ ag aen gakkaɗaknab ele ag beɗulagppa kobol mekkulag.

Aisaia 37:1

Danab amu ag King Hesekaia amegppa Asiria dilag ban daup ikkinu nai amu nug amegppa aeg doya, Hesekaia nug lamen nuhig patiɗa, nug lamen heɗiag ele takka, nug aha, Yawenu mettid lakka ukkom.

Jeremaia 16:6

Danab onig ele, danab onig iitta ele Juda wan ohppa mauhkkulag. Laa ag danab ah mauhkkulag ii boumadmana, Ag mauhak dilagnu ii mahina, oo doyak kobol laala ele amu dilagnu ii hemana.

Jeremaia 41:5

deɗ amuppa danab 80 ag Sekemnu, Silonu, amu Samarianu ele uɗippig. Ag ee aegnu ofa hekkulagnu, ag kalu danab ile muttuɗig enanag bette, amu mana, Kayak mettaknu ele aon uɗippig. Ag akkaɗilag hoin, lamen pattiɗadna, gaɗalkad ele otaɗadna, ag Yawe laugppa gokkulagnu uɗippig.

Jeremaia 47:5

Uug amu beebeb, danab ah Gasa daatteb doon, ag ikkilag uɗug hoiglag. Ao, danab ah Askelon daatteb, ag oɗelag qamuttak daaglag. O Pilistia oɗo yaak danab, ag uɗem naɗippa daatteb, ag akka ag ⌊ahilag kayak hambuppuak ag ag dabmattaglagnu ag⌋ beɗulag guittak medatteb; amu haen gane laa ele ukkeb, ag amu uuglag?

Jeremaia 49:3

Amu Yawe Nug atte. “O Hesbon danab ah, kekeɗ ag aab Ai heppeg nauha auta autanab aokku amunu, ag huana gayeg! Ag laih gokkulagnu hena, eɗun laih gokkulagnu hekkulag, amge iitta. Ib ahilkad oh am keldoak daaglag. Ag danab ah Raba daatteb, ag huana eig! Ag lamen heɗiag ele takkana, ag mahiak heig! Kekeɗ ag ahilag kayak Molek, nuhig mana mettak danab, nuhig ehanittak anuqak danab ele diin, wan laappa diia ukka laih me dayak danab daaglagnu gokkulag amunu, ag Raba danab ah ag aab okkainu aɗ ooppa oolna, laih wana, eɗun laih uɗieg!

Esekiel 27:31

Na nauhkkut, am haen amuppa uubppan danab oh na nauhmenu ag uug naunab nau doon, ag ikkilag uɗug hoinna, lamen heɗiag ele takkaglag. Ag oolagppa ninignab doon, ag eheɗ gaanna, huana mahidkkulag.

Esekiel 29:18

“Danab bekka, Babilon dilag king Nebukatnesar nug he, nuhikkud daup ag Tair aab eɗidkkulagnu uɗat ɠagattag, heɗiag ele heppig. Ag keeke digdig ikkilagppa maoegeg, ikkilag uɗug tataɗe ukke, iitta meum. Ag keeke gukkalagppa maoegeg, gukkalag ihi mettom. Anam, amge Nebukatnesar, nuhikkud daup ele ag aab Tair paha eɗidkkulagnu elele iitta. Anam daye, Nebukatnesar, nuhikkud daup ele ag Tair appanu keeke nobnu laa ii aoppig.” Yawe Nug anam awa atte.

Esekiel 7:18

Ag lamen heɗiag ele takkaglag. Ag baɗak eheɗ nau doon, ag hahaɗkkulag. Ag uɗa nak nau doon, ag ⌊mahiak okkai henan,⌋ ikkilag uɗug hoyadkkulag.

Lewitikas 19:28

Ag mauhppig dilag mahinna daanna amu, ag aib gaɗalag otaɗppig. Ag aib gaɗalkad penpen aqappig. Da am Yawe.

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Maika 1:16

⌊O gadon,⌋ ag Israel, ag ahilkad nid naunau, ahilagnu ag enanagnab dootteb, amge ag nid ahilkad dilagnu oolagppa uug naunab nau doon, ag mahina, aakku ikkilag uɗug ohnab otaɗatteg! Ao, ag uug naunab doon, ag mahin, ikkilkad uɗug oh otaɗna aon, ag ai walsa igippa uɗig laa iitta, ag amubia dayeg! Aɗinu? Kekeɗ ag nid naunau ahilkad diin gona, ag wan laappa diia ukka laih me dayak danab ah daaglagnu maadppeg daaglag,” awa atte.

Mak 5:5

Nug anam ha, tuqan amun ele nug matmatppa, qauko nakok eleppa ele oiyaya eheɗ ewawa, nug nukka beɗu menppa ele tuqattom.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.