Jeremaia 48:29 - Nobonob Baibel

²⁹ Moap danab ah, ag am dada danab ah amu, ig amu doomut. Ge, Moap danab ah ag dada hena, ag akka ahilagnu anuqaknab dootteb amu, ig doomut. Ag dada danab ah, beɗuppa tak danab ah ele. Ag dada hena laa eɗittaknu dabmak aotteb.

Jeremaia 48:29 ပူးပေါင်းရင်းမြစ်များ

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Prowerb 21:24

Danab nug dada danab, beɗuppa tak danab ele amu, nug onig am Awa Awa Qettak Danab; beɗuppa tak kobol nuhig am bodok iitta.

Prowerb 30:13

Ag amu, ag am danab ag dada hena laa eɗattaknu dabmak aon dabmena autnanab aotteb; ag danab laanu, ‘I oonihppa, na am elele iitta,’ ag anamnab dootteb.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Aisaia 13:11

⌊Yawe Nug atte. “Deɗ amuppa⌋ da geha danab ah oh wan ohppanu aun aɗi ag nau heppig bu aqakkul. Ao, da geha danab ah oh wan ohppanu aun aɗi ag nau hak danab ah daatteb ele, da ag hipunin heppig, da amunu bu aqakkul. Da amu, da dada ha laa eɗittaknu dabmak awak danab, ag beɗuppa tak kobol dim lamidtteb ele, da geha heppi, ahilag kobol amu oh iitta mekku. Ao, danab ah ag laa dilagppa oo doyak ii doon nau hadatteb, da geha ag eheɗ hadappi, ag onilag am qe nak daaglag.

Aisaia 16:6

Ig doot malamut. Moap danab ah ag am dada danab ah. Ge! Ahilag hak amu ahilagppa okkainab daatte; bodok iitta. Ag anam daanna, beɗuppa tak danab ele daatteb, amge ahilag dabmak amu oh am hambuppuak. Genab laal iitta.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”