Jeremaia 48:26 - Nobonob Baibel

²⁶ Moap danab ah ag Yawe waappa dayaknu uun, ag Nug oɗe tappaeg neum amunu, kekeɗ ag heppeg, Moap ag uɗa nak doyeg! Ag danab nug le ɠagattag huana la, kaaka qe, bahaha, na qa, bahakppa niia, buɗibɗib oiya, dimppa kaaka qak iitta me, uɗa nak nau dootte, Moap ag amubia doyeg!

Jeremaia 48:26 ပူးပေါင်းရင်းမြစ်များ

Job 15:25

Amunu diig am, nug eppeg bitakka, Kayak amegppa ewawa hette; nug Laa Nukka Ɠagattag Oh Ele noobppa hib guitta haaha, Kayak nai tappe nette.

Job 9:4

Kayak Nug keeke oh dootte, doyak dabmak ena nuhig am bodok iitta. Nuhig ɠagattag ele okkai, naɗi ele. Laa nug wagai ma, Kayak eɗidkkunu haaha eɗidkkute? Iittanab iitta!

Sam 2:4

Ag anam hetteb amge Naɗi, Nug hab attan daatteppa appa sia kingppa dayaya, Nug ahilag dabmak amu antta, Nug ag imadtte. Ao, Nug ag dabmettebnu huan imatte.

Sam 59:8

Amge na, Yawe, na ag imadttem. Ao, na wan imuppan wan anen anennu danab ah kobol nau hetteb ele, na ag aon aon qadattem.

Sam 60:3

Na ig bu ɠagattagnab mekkame. Ao, na hee, ig uug doot, danab nug le nau la, qe oiyom bia hemut.

Sam 75:8

Aria, amu anaknu diig laa am, Yawe Nug danab ah dilag nai doya mala hettoɗiatta epeɗiatta elele madatte amu, amuam kap Nug eppegppa aɗatte bia. Amu kap amuppa wain ɠagattag, keeke laala ele kaboliak daatte. Anam amu, Nug wain gokkaɗa heeb, nau hak danab ah oh ag lakkulagoitte. Ag biɗa naunau oh am lakkulagoitte.

Eksodas 5:2

Aa anam apiɗ, amge Paro nug aum. “Yawe am aun? Genab, Nug am aun amunu, da nuhig nai doyen, Israel danab ah uuadppi gokkulag? Yawe amu, da Nug ii doottem amunu, da Israel uuadppi iinab gomana,” awa aum.

Eksodas 9:17

Anam daatte, amge na dahilad danab ah paɗadppe gomananu ɠagattag daanna, na ae ii gotteb.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Aisaia 19:14

Yawe he, Isip dilag danab okkai, ulum mettak danab aɗi, ag ahilkad dabmak kaboliak daatte amunu, ag heeg, Isip danab ah ag oiyak ahilag am ukka nauha auta awe, ag keeke tutukku laa ii hetteb. Ag am danab le ɠagattag huan la, kaaka qe bahowa, gokkunu haaha, eheɗ oiyaya, bahomppa tappa, na qekkunu haaha oitte, Isip ag anam hetteb.

Aisaia 28:8

Ag le ɠagattag huanaknab lanana bahaegeg, bahak ahilag amu balal oh tona ambeum. Balalppa aben ena laa iinab daatte!

Aisaia 29:9

Ag ⌊Juda, ag⌋ dabmak iitta ele oinna, ag dabmak kuɗumnab aotteb! Ag heeg, amelag gaɗue oitteb! Ag kaaka aqe oitteb, amge ag le ɠagattag lappig amunu, ag anam ii hetteb! Ag oinna, nena qena, ahan eɗun nena qetteb, amge ag le ɠagattag lappig amunu, ag anam ii hetteb!

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Aisaia 63:6

Da ool nauhehe, da wan atu laihppan huu tabatti neppig. Ao, da oppoɗil beebe, da hei, ag nena qeppig. Da ag tiilag wanppa gokkaɗmi.” Laa uɗiom ele nug anam aum.

Jeremaia 48:39

O gadon, Moap am nauhakib daakku, waa aoɗom daatte bia. Moap danab ah ag eheɗ qanaglag. Moap danab ah ag uɗa nak doon, ag laa iɗulag anidmananu ag dimattaglag. Moap nauheb, laa ag Moap danab ah aon aon aqaglag. Laa ag Moap wan talilidna daatteb, ag Moap nauheb anidna, Moap, nuhigppa beumnu anidna, ameg iɗuak doon oiglag.

Jeremaia 48:42

Moap ag da, Yawe, ag da waalppa dayaknu uun, da oɗel tappaeg neum amunu, kekeɗ ag heppeg, Moap am wanppan wan laa ii daama.

Jeremaia 50:29

Amu Yawe Nug atte. “Babilon ag da, Yawe, Israel dilag Kayak Oppiaawak Ele, ag da oɗel tappaeg neum amunu, kekeɗ ag laa appeg, latppa ban hetteb ag uɗin, Babilon aqeg! Ag Babilon talilidna daanna heppeg, Babilon laippu laa aib oola ukkom. Babilon danab ah ag eheɗ heppig amunu, ag nob matteg! Ag eheɗ digdig heppig, amubia ahilagppa heig!

Jeremaia 51:39

Babilon ag laion enug qe hette bia daatteb amunu, ag anam aakku daappeg, da ee naɗi ahilagnu babaitten madappi, ag lanana, le ele huana lappeg, kaaka aqeb, eheɗ imanna, ag niinna, baula ii ahamna. Ag anam niiakib niiglag. Danab nug sipsip nag, o nug sipsip dawai okkai, o meeme diia, aqak abenppa gotte, amubia da Babilon danab ah diikkul.” Yawe Nug anam atte.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Jeremaia 51:7

Wan atu laihppa danab ag hipunin heeg, Yawe Nug ahilagnu oppoɗi be, Nug Babilon ag bu madakkunu uɗat mattom. Nug matte amunu, Babilon kap golppa hak Yawe Nug eppegppa aɗom bia dayom. Yawe Nug danab ah hipunin heppig dilag oppoɗi beum amu, oppoɗi bak amuam wain nau kap-ppa daatte, amubia. Amu Yawe he, wan atu ohppan danab ah ag wain nau amu laeg, kaaka aqom.

Gayak Nai 1:21

Danab ah ag ihinig aiqakkak dooppig, amge ag ehanigppeg, oonig mekkunu kobol nakok laa ii heegeg daattem. Ihinkad kekeɗ ag uug nau na, Yawe, na hee, ihinigppa beum doon, ag gamag ahak okkai dootteb. Ag oolag gamag ahatte, amge na ag ele uug nau dooglagnu ame amunu, ag ig daattem bia daaglagnu, na heppe, haen amu bekkunu oɗ medattem!

Gayak Nai 3:15

Danab keh mua ele la, oo dittie, ena iinab dootte amu, Yawe he, da anam bia doottem. Ao, danab nug uud ad tiig mua ele lana, eheɗnab dootte amu, Yawe he, da anam bia doottem.

Gayak Nai 4:21

Ag Edom danab ah, ag gemu gamag ahak doyeg! Ao, ag Us wanppa daatteb, ag gemu gamag ahak doyeg! Amge uug naunab, ig Juda ihinigppa beum amu, uug amu ahilagppa ele bekku. Ge, danab nug le ɠagattag la, kaaka qe, lamen iitta beɗu miag ele oitte, amubia ahilagppa ele bekku.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Daniel 8:10

Qeqeɗi amuam elabnab ma, hab attan ta, hoɗoppai laala yaalatte, nena qena wanppa daaegeg, hab daup laala ele he nena qeeg, nug amu oh baegppa tappalatte nauhppig.

Nahum 3:11

Niniwe danab ah, gemu am ahilag haen. Ag le ɠagattag lappeg, kaaka aqadkku. Ao, ag gona, lokkumkkulag. Ge, ag kekeɗ aɗualadmananu padal mak eɗitteb ena dayaknu aben mattiglag.

Habakuk 2:16

Amge ⌊Babilon dilag okkai⌋ na, nahip-ppa anam bekku. Danab ah ag nahipnu nau dooglag. Ag binag ii memana. Iitta! Na uɗa nak dookkut. Gemu am nahip haen! Na le ɠagattag lappe, kaaka nitteb, lamen uɗona, na uɗan naɗ! Wain amu kap Yawe eppeg naɗiap-ppa daatte, am nahip-ppa aakku uɗitte, amu na amu lawona, na uɗa nak nau guittak ele doon, binan nakok laa ii daama.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

Revelesen 16:19

Mim ne amu, aab okkai amu nug obate, maha ewam bate, aria atu atu dilag aab okkai ag nena qeppig. Haen amuppa ele amu aab okkai Babilon onig, ɠagattag ele nug Kayak daugppa do, Nug nuhig oppoɗi bak okkainab kap-ppa wain bia mette, Babilon laum.