Jeremaia 48:17 - Nobonob Baibel

¹⁷ Ag huu laa oh Moap talilidna daatteb, ag huu laa ag nug onig okkai ele daatte dootteb ele, ag oh nuhignu mahieg! Ag nuhignu mahin, ag inam aig! ‘O gadonnab gadon, gumak laa ɠagattag okkai ele aakku na qeum. Ao, laa king ehah enanag ele, nug aakku na qeum.’ Ag anam aon aig!

Jeremaia 48:17 ပူးပေါင်းရင်းမြစ်များ

Sam 110:2

Yawe Nug heeb, na danab ah kuɗum Sionnu gumadppe, nahip gumak am ɠagattag daakku. Ao, na kekeɗ nahipad ag talilidna daatteb gumadkkut.

Aisaia 10:5

Amu Kayak Nug atte. “Asiria danab ah dilagnu am gadonnab gadon. Gemu Asiria nug da eppelppa bu aɗak bia da aɗai dayeye, danab ah ag da oo nauhak meɗatteb amu, da amuppa ag uug matte, eheɗnab mataɗadttem. Ao, Asiria nug da eppelppa daɗib bia da aɗai dayeye, da danab ah dilagnu oppoɗi bak huanak doyeye, amuppa bu madattem.

Aisaia 14:6

Kingnu qakun amu aɗappig ele amu, ag oo nauhakppaib daan, ag haen oh danab ah laa oh eheɗib hadappig. Ao, ag oppoɗilag be amelag kokoɗ eppe, ag haen oh ban henana, wan laa oh eɗadnana heeg, agib waalagpa daappig.

Aisaia 16:8

Aɗinu? Grep dad aab okkai Hesbon guguittak daatteb oh qaɗaiettaglag. Grep dad aab okkai Sibma guguittak daatteb, amu ele oh qaɗaiettaglag. Grep dad anukka niie ukka, aab okkai Jaser bata, ukka atu taɗaknu tomppanu ukka, yuppa noak niiom, amge danab okkai wan laalanu, ag uɗin, dad amu oh heppeg nauhkku.

Aisaia 9:4

Aɗinu ⌊ag anam gamalag ahakku⌋? Anukka na Midian ebehilag tappae ne, Midian danab ag Israel baula ii gumanna, baula uug laa ii madappig, amubia na kekeɗ ag aɗi keekeppa uug madappig, aɗi keekeppa guittak madappig amu, na keeke amu oh maduduɗna, tabappe nob, kekeɗ ag baula danab ah nahipad eheɗ iinab hattamna. Diig amunu ag anam gamalag ahakku.

Jeremaia 48:39

O gadon, Moap am nauhakib daakku, waa aoɗom daatte bia. Moap danab ah ag eheɗ qanaglag. Moap danab ah ag uɗa nak doon, ag laa iɗulag anidmananu ag dimattaglag. Moap nauheb, laa ag Moap danab ah aon aon aqaglag. Laa ag Moap wan talilidna daatteb, ag Moap nauheb anidna, Moap, nuhigppa beumnu anidna, ameg iɗuak doon oiglag.