Jeremaia 48:10 - Nobonob Baibel

¹⁰ Danab nug Yawe uɗatnu hamu bia doyaya, uɗat amu haaha, pehettak ii hette amu, nug eheɗ laa awaknu anak waappa dayaɗ! Ao, laa nug Yawe oɗe ii dim lamitta, qep elab nuhigppa danab ii aqadtte amu, nug eheɗ laa awaknu anak waappa dayaɗ!

Jeremaia 48:10 ပူးပေါင်းရင်းမြစ်များ

1 King 20:39

Propet nug anam hibaitta dayeye, haen King Ahap nug uɗia gumitta be amu, nug inam eum. “O king, na nai dahil dookkutnu ool daatte. Da, nahip maɗi nid, da banppa daaiyi, ihinig ban danab laa nug kekeɗ laa aɗa, omala da gumiɗa uɗia, nug da amelppa inam aum. ‘Danab imu oolmanu uɗat atognoaknab he! Nug oolkku dayeb amu, da na nidappi mauhkkut. O iitta, da na ii nidakkulnu amu, na nob silwa 34 kilogram anam daden meɗakkut.’ Ban danab amu nug da amelppa anam anana, nug ukkom.

1 King 20:40

Amge, O king, da, maɗi nid nahip, da uɗat kuɗum laala heinne, kekeɗ amu da ii gumai, nug oola ukkom,” awa aum. Awa a, aria Israel dilag king nug amegppa aum. “Na nakka na dimun meme, amuppa na keeke aɗi nahip-ppa bekkunu amu, na doottem,” awa aum.

1 King 20:42

Aria, propet nug king amegppa aum. “Yawe Nug inam atte. ‘Da am Yawe, da attem. Danab laa, da nuhignu nug dahilnuib, dahil pelemppa daakkunu dabmak aoi ɠagattag eppom daatte amu, na he, nug ukkom amunu, nug ouppa na mauhkkut, nahipad danab ah ag am nuhikkud danab ah oulkadppa, ag ele maukkulag,’ ” awa aum.

2 King 13:19

Nug anam he, Kayaknu danab, Elisa, nug amu antta, nug oo nauhe, nug king amegppa aum. “Na wan makkuɗme amu, haen tanig ele, o eblaih laippu anam makkuɗlom. Am na anam helomlob, aria geha na Aram oh aqan maladlom. Amge gemu amu na geha haen ewam na ag eɗadkkut aakkuib,” awa aum.

Jeremaia 11:3

Na da, Yawe, Israel dilag Kayak, da inam attem appe doyeg! ‘Nug tituana nai qakkak nai daatte. Nai amu daatte, amu aun laa nug nai amuppa nug aɗi aɗi hekkunu daatte, nug nai amu ii dim lamidtte amu, nug eheɗ laa awaknu anak waappa aakku daatte.

Jeremaia 47:6

Ag gaanna, ⌊kekeɗ ag Yawenu qep elab bia daatteb dabmena, qep elab nai doolo bia qep elab amegppa⌋ akkulag. “O Yawenu qep elab, na hik ii aottem. Na danab ah aqadkkutnu ii uuttem; amu haen gane laa ele ukkeb, na hik aon, aqaknu uɗat uukkut? Na eɗun, gaɗan nahip-ppa nona daye! Ao, na toettan, manin daye!” aon akkulag.

Jeremaia 47:7

Amge Yawe Nug qep elab amu Pilistia heeb nauhkkulagnu haknunab aum amunu, qep elab amuam attem ha, hamu daakku? Ao, Yawe Nug qep elab amu Askelon, Pilistia yu ihippa daatteb ele aqakkunu, ag ele ban hekkulagnu haknunab aum amunu, qep elab am attem ha, amu ii hema?

Jeremaia 50:25

Da, Naɗi Yawe Dakka Ɠagattag Oh Ele da Babilon wanppa bu mettak uɗat laa hekkulnu daattem amunu, da kekeɗ ag uɗin, Babilon ele ban hekkulagnu, da dahil bu mattaknu keeke babaitte, kekeɗ eppelagppa memi daatte.

Jeremaia 50:27

Babilon dilag daup enanag, ag makau gaiɗ bia daatteb, amge ag kekeɗ ag Babilon dilag daup amu oh aqappeg mauheg! Ag Babilon, ag ahilagnu gadonnab gadon. Aɗinu? Ahilag bu awak haen aakku uɗiom daatte,” awa atte.

Josua 10:19

Aria, laa oh ag kekeɗ ag oolna gobeppeg, lamadna gona aqeg! Aib uuadppeg, eɗun ahilkad aab okkaippa goppig. Aɗinu? Yawe, ahilag Kayak, Nug ag danab amu eɗadkkulagnu, eɗittak amu mattom daatte,” awa aum.

Ikki Danab 5:23

Yawenu engel nug aum. ‘Meros danab ah ag eheɗ laa awaknu anak waappa dayeg! Yo, ag eheɗ laa awaknu anak naunab waappa dayeg! Aɗinu? Ag Yawe ehanidkkulagnu ii uɗippig. Ao, ag Yawe ehanidna, ban danab ɠagattag ele ban hekkulagnu ii uɗippig.’

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

1 Samuel 15:9

Saul, nuhikkud daup ele ag anam heppig, amge ag Agag qeeg ii mauhom; aria ag sipsip enanag, makau enanag, makau gaiɗ, balat ele enanag, amu sipsip gaiɗ, balat enanag ele, keeke laa oh ena dayom amu, ag amu ele heppeg, Yawenuib nuhig pelemppa daaglagnu uun, ag heeg, Yawenuib, pelemppa ii daappig. Ag doɗ ohnab, keeke laa ohnab ele heppeg, Yawenuib nuhig pelemppa daaglagnu uun, ag doɗ, o keeke nau, o doɗ, o keeke gai-iitta aakkuib, ag heeg, Yawenuib nuhig pelemppa daappig.