Jeremaia 47:6 - Nobonob Baibel

⁶ Ag gaanna, ⌊kekeɗ ag Yawenu qep elab bia daatteb dabmena, qep elab nai doolo bia qep elab amegppa⌋ akkulag. “O Yawenu qep elab, na hik ii aottem. Na danab ah aqadkkutnu ii uuttem; amu haen gane laa ele ukkeb, na hik aon, aqaknu uɗat uukkut? Na eɗun, gaɗan nahip-ppa nona daye! Ao, na toettan, manin daye!” aon akkulag.

Jeremaia 47:6 ပူးပေါင်းရင်းမြစ်များ

2 Samuel 2:26

Ag anam hena, Apner nug baag okkaippa Joap dookkunu inam eum. “Ig ge iitta ban hetata, danab aqagnigte? Ig anam hepput ukkeb ukkeb, gogppa teeb, uug digdig bekku amu, na iite doottem? Ig oh am eamakkud; amu haen gane laa ele ukkeb, na nahipad danab ag uuglagnu akkut?” awa aum.

1 Stori 21:27

Amu dimppa amu, Yawe Nug engel nug baula heeb, oɗe nau danab kuɗum aqe mauhtteb ele danab ah ii aqamanu aum; amuam laa nug daup laa nug qep elab eɗua, nuhig gaɗappa mekkunu anak, amubia.

Sam 17:13

O Yawe, na ahan, na ag banelag daan eɗadppe, ag nena qekkulagnu oɗ medattem! Ao, nahip qep elab amuppa da ehaniɗppe, da nau hak danab eppelagppa ii daapanu unuqidttem!

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Aisaia 10:5

Amu Kayak Nug atte. “Asiria danab ah dilagnu am gadonnab gadon. Gemu Asiria nug da eppelppa bu aɗak bia da aɗai dayeye, danab ah ag da oo nauhak meɗatteb amu, da amuppa ag uug matte, eheɗnab mataɗadttem. Ao, Asiria nug da eppelppa daɗib bia da aɗai dayeye, da danab ah dilagnu oppoɗi bak huanak doyeye, amuppa bu madattem.

Jeremaia 12:12

Kekeɗ huanaknab ag atu taɗak oppatna uɗiglag. Aɗinu? Ag da, Yawe, ag dahil qep elab daanna, ag dahil wan ohppa danab ah aqappeg mauhkkulag. Laippu laa nug maɗoɗ ele ii daama.

Jeremaia 12:4

O Yawe, wan gemu qaɗaietta, nauha auta awom daatte; amu haen gane laa ele ukkeb, uug amuam iitta mekku? Ao, gemu dad okkai ohppa gikkiɗah bunaɗom daatte; amu haen gane laa ele ukkeb, uug amuam iitta mekku? Nau hak danab ag wan imuppa daatteb, ag hipunin henana, ag, ‘Yawe Nug eheɗ hak ihinig ii anidtte,’ aon atteb amunu, uug nau amu be, doɗ ai ele ag aakku mauhppig.” ⌊Jeremaia nug anam unuqittom.⌋

Jeremaia 15:3

Amu Yawe Nug atte. “Da heppi, kekeɗ nau waɗele ag Juda danab ah, ahilagppa bekkulag. Laa am ban haenppa kekeɗ ag qep elabppa aqappeg mauhkkulag. Laa am qai ag laa gaɗalag eeɗadna, laih gokkulag. Laa am ai ag uɗin, gaɗalag lakkulag. Amu laa am doɗ dakkuɗ ag ag gaɗalag qai, ai ele ii lappig ele, ag lakkulag.

Jeremaia 25:27

Da kap amu Yawe eppegppanu aomi amu, haen amuppa Nug da kap awen madette, da inam ag amelagppa akkulnu aum. “Yawe Nukka Ɠagattag Oh Ele, Israel dilag Kayak, Nug atte. ‘Ag danab wain lawowa, spak ma, bahaha, na qa nauha auta awa, eɗua ii aha, nauhak daatte, ag amubia daaglag. Aɗinu ag anam daaglag. Da heppi, ban ahilagppa bekku.’ ” Yawe Nug da ag amelagppa anam akkulnu aum.

Jeremaia 4:21

Da neekkak dahilppa anam andette, da kekeɗ dilag pilak ele ge iitta anatten, ahilag trampetnu gayak ele anamib doottem; amu haen gane laa ele ukkeb, da amu baula ii anidkkul, baula ele ii dookkul?

Jeremaia 48:10

Danab nug Yawe uɗatnu hamu bia doyaya, uɗat amu haaha, pehettak ii hette amu, nug eheɗ laa awaknu anak waappa dayaɗ! Ao, laa nug Yawe oɗe ii dim lamitta, qep elab nuhigppa danab ii aqadtte amu, nug eheɗ laa awaknu anak waappa dayaɗ!

Jeremaia 50:35

Amu Yawe Nug atte. “Ag kekeɗ ag uɗin, qep elabppa Babilon aqeg! Ag danab ah oh Babilon wanppa daatteb ele, ag am oh qep elabppa aqeg! Ag Babilon dilag ehanittak anuqak danab, Babilon dilag doyak dabmak ele danab ele oh aqeg!

Esekiel 14:17

O iitta, wan amuppan danab ah ag eheɗ anam heppeg, da, ‘Kekeɗ ag uɗin, danab, ah, nid, doɗ ele qep elabppa aqappeg mauheg!’ appi, ag uɗin, da ib amuppa heppi, danab, ah, nid, doɗ ele aqappeg mauhkkulag dayeb amu,

Esekiel 21:30

Ag ban laa hekkulagnu aib dabmeppig. Iitta. Ag ahilag qep elab am eɗun, gaɗappa meig! Da ahilag wanppanab, ag appa doppig amu, da ag appa epeɗiadkkul.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Jon 18:11

Anam he amu Jesus Pita amegppa aum. “Na nahip qep elab eɗun abenppa me! Attemu? Le mua kap-ppa daatte, Mame meɗom ele amu, da iite lapa?” awa aum.

Ikki Danab 7:20

Aakku huu ewam amu oh ag trampet ahilkad amu iwaladnan, ag wan hinai aoɗadna malappig. Ag hul amahlaknab ele am eppelag nanehppa aɗualadnan, trampet ahilkad iwalkkulagnu amu eppelag naɗiap-ppa aɗualadnan, muttub qenan eppig. “Ahappeg! Ig qep elab aɗat, Yawe, Gideon ele dilah ban hetu!” aon eppig.