Jeremaia 47:4 - Nobonob Baibel

⁴ Aɗinu uug amu bekku? Pilistia danab ah oh iitta mekkulagnu haen aakku uɗiom. Ao, laa ag Tair danab ah, Saidon danab ah ele ehanadkkulagnu daatteb, ag oh iitta mekkulagnu haen aakku beum daatte,’ ” awa atte. Yawe Nug heeb, Pilistia danab ah ag nauhkkulag. Ao, Nug heeb, Pilistia danab, ag Kritnu uɗin daan, gemu ag oɗo yaak daatteb amu, ag nauhkkulag.

Jeremaia 47:4 ပူးပေါင်းရင်းမြစ်များ

Genesis 10:15

Kanan bekka naanaeg am Saidon. Saidon nug buɗub amu, ag am Saidon danab. Aria, Kanan buɗub laa, ag am Hit danab,

1 Stori 1:12

Patrus danab, Kaslu danab, Kapto danab ele; Kaslu buɗub am Pilistia danab.

Job 9:13

Kayak Nug he, nuhig oo nauhak bodo-ii-ettom daatte. Ao, yuppan doɗ nau onig Rahap, nuhikkud ehanittak, ag Kayak baeg waappa hahaɗnan daappig.

Sam 37:13

Ag anam hetteb, amge Naɗi Nug ag imadtte. Aɗinu? Nug ahilag gog tak anidtte.

Aisaia 10:3

Ag anam hetteb amunu, Yawe Nug geha ahilag hak nau amu nob mekkunu haen tituanom, amuppa Nug ag uug naunab madakkunu dabmette amu, ag amu eɗidkkulagnu elelete? Iitta! Haen amuppa Nug danab wan laa umanu diieb, ag ulah ɠagattag uɗitte, amubia ag uɗin, ag ag eheɗ madappeg, ag geha attem hekkulag? Ag geha oolna, aun toppa ehanadkkunu gokkulag? Keeke kuɗum ag aoppig, geha ag keeke amu aben adekkuppa mekkulag?

Aisaia 14:31

O ag Pilistia huu aab okkainu aɗnu od ooppa daatteb, ag qaneg! Ao, ag Pilistia danab ah aab okkaippa daatteb, ag laa mauhe, danab ah qanatteb bia heig! Ge, ag Pilistia huu aab okkai adeppa adeppa daatteb, ag huanaknab baɗeg! Aɗinu? Laih yawalti uɗitteppanu ban danab huu buttuɗai bia uɗitteb, amu oolagppa laippu laa ɠagattag iitta laa iitta. Iitta. Anen anen oh ag danab ɠagattagib.” Yawe Nug anam atte.

Aisaia 20:6

Haen Asiria ag uɗin, Isip amu Kus ele aqappeg, danab yu ihippa daatteb ag geha haen amuppa akkulag. ‘Antteg! Wan amuppan danab, ag ig ehanigppeg, Asiria ii iqamna dabmemut ele amu, ag aakku iitta meppig. Ig Asiria dilag qep elab eɗidkkunignu ig ib laa iitta,’ aon akkulag.” Yawe Nug anam aum.

Aisaia 31:8

Amu Yawe Nug atte. “Asiria ag mauhkkulag, amge ag danab dilag qep-ppa ii mauhma. Ao, qep laa heeb, Asiria ag mauhkkulag, amge qep amuam danabnu qep iitta. Ahilkad nid danab ag oolkkulag, amge ag uug ii qe-eɗidmana. Ao, laa ag ag aɗualadna maadppeg, daden madna, diin gona heppeg, ag danab ɗo waappa kingnu uɗat haknuib daaglag.

Jeremaia 46:10

Ag amu hekkulag, amge aun laa ag eɗadkkulag amu, keeke amuam Kayak, Nug Yawe Nukka Ɠagattag Oh Ele, amuam Nug eppegppa daatte. Deɗ amuam Yawe nob tutukku eɗua mettaknu deɗ. Ao, nuhikkud kekeɗ dilagppa Nug nob tutukku eɗua madakku. Danab nug ee, o le elelenab lana male, oo dittiom, amubia danab mauhadppeppeg, elele metteb, ban iitta mekku. Aɗinu? Danab nug doɗ kuɗum aqe mauheg, tiilag gokkaɗe, mana Yawe medatte, amubia Kayak, Nug Yawe Nukka Ɠagattag Oh Ele Nug heeb, yawalti uɗitteppanu, Yupretis le guguittak appa danab kuɗumnab mauhkkulag.

Esekiel 21:25

Amu na Israel dilag anuqak danab, na da, Yawe, na dahil neekkakppa ootppa dubuttid ele, na nau hak danab, nahip haen aakku gogppa teum daatte. Ge, na bu aokkutnu haen aakku uɗiom daatte,” awa atte.

Esekiel 21:29

Ag Amon, ahilag eman hak danab ag hambuppun, “Tuleglegppa anidmut amu, uug laa ihinigppa ii bema,” atteb. Ao, ag Amon, ahilag eman hak danab ag ahilag kobolppa hena, hambuppun, “Eheɗ laa ihinigppa ii bema,” atteb. Ag anam atteb, amge amuam hambuppuak. Uug ahilagppa bekku amu, danab nau aun aɗi ag mauhkkulagnu daatteb amu, ag mauhkulag. Bu awak haen ahilag aakku uɗiom daatte. Ao, bu awak haen ahilag am aakku gogppa teum daatte.

Esekiel 25:16

Anam amunu, Naɗi Yawe Nug inam atte. “Da eppel bahien heppi, Pilistia danab ah ag eheɗ aoglag. Da heppi, Pilistia huu laa Keret danab, aria Pilistia laa ag yu ihippa tuɗidna daatteb ele amu, ag oh padal mekkulag.

Esekiel 30:8

Haen da heppi, Isip wan am aab aɗu keeke ewe nauhtte, amubia nauheb, kekeɗ ag ele laa Isip ehanadtteb ele aqappeg mauhkkulag amu, Isip danab ah ag dooglag, da am Yawe.

Esekiel 7:12

Ag Israel, ag bu aoglagnu haen aakku gogppa teum. Deɗ amu aakku uɗiom daatte. Laa nug keeke daden mette ele, nug aib gamag ahak doyom. Laa nug keeke me, laa daden mette ele amu, nug mahiak aib doyom. Aɗinu? Danab ah imu ag ohnab bu aoglagnu haen aakku oqiom daatte.

Hosea 9:7

Israel dilag bu awak haen aakku uɗitte. Ao, ahilag noob awak haen aakku uɗitte. Israel danab ah ag amu doyeg! Ag Israel, ag hipunin kuɗum henana; ag Kayak, nuhikkud danab ele dilagnu kekeɗ mattan daatteb amunu, ag propet dilag, “Ag am ootot,” atteb. Ao, danab Kayak Ouɗi ehanatte, ag nai maditteb ele, ahilagnu ag, “Ag kaaka,” atteb.

Amos 9:7

Amu Yawe Nug inam atte. “Ag am Israel, amge ag dahil neekkakppa Kus danab eɗadttebte? Da ag Israel, da ag Isip wanppanu diiatten bemi, amge da Pilistia danab Kritnu ele diien bein, da Aram danab Kirnu ele diiatten bemi.

Luk 21:22

Aɗinu? Haen amu Kayak Nug ahilag eheɗ hak nob eɗua madakku. Kayak naippa nai amunu daatte amu, nai amunu meu bekku.

Duteronomi 2:23

Kobol amubianab laa amu, Kapto danab, ag Krit appanu, ag Awim danab Gasanu aab naunauppa daappig amu, ag ag hattaeg nauheg, ag appa daappig.

Josua 22:30

Ag anam aeg amu, haen mana mettak danab Pinias, amu Israel dilag ikki danab ele ag Ruben, Gad amu Manase huu mahaib elenu danab dilag nai doona amu, ag oolagppa ena dooppig.