Jeremaia 46:4 - Nobonob Baibel

⁴ Ag dayaknu keeke hos gomeppa mena qakkona, ag hos attan tena dayeg! Ag ikkilagppa aen hat mena, ag ban hak abenppa gona dayeg! Ag ahilkad ban bappaidna, ag beɗulag eheɗ aomnanu keeke laa ele meig!

Jeremaia 46:4 ပူးပေါင်းရင်းမြစ်များ

2 Stori 26:14

Daup ag anam daappig amu, Usia nug ag oh ban hekkulagnu keeke, amuam guppiɗ, ban, igippan hat aenppa hak, beɗuppan lamen aenppa hak, lat, katapulnu men ele, nug keeke amu oh daup amu mattom.

Nehemaia 4:16

Amge haen amuppanu dahiladnab danab laih gane ag uɗat henana daappig amu, laih gane amubianab ag ban, guppiɗ, lat, ban bala laala ele aɗan daappig. Okkai danab ag ele Juda danab aɗ uɗat heppig ehanadppig.

Aisaia 8:9

Ag wan atu ohppan danab, ag ban hekkulagnu babaitteg! Amge ⌊Yawe Nug heeb,⌋ ag nauhkkulag. Ag danab ah oh wan uma umanu amu, ag oh ag daulag human, dabmetteg! Ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ao, ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ag ahan, ⌊Juda ele⌋ ban hekkulagnu dabmak naɗi aweg! Amge ⌊Yawe Nug heeb,⌋ ag nauhna autna aoglag. Ao, ag ahan ⌊Juda ele⌋ ban hekkulagnu maittak aon, ag nug ippunitteg! Amge ⌊Yawe Nug heeb,⌋ ag nauhna autna aoglag. Aɗinu? Kayak ig ele daattem.

Jeremaia 46:14

“Jeremaia na nai imu Isip wanppa appa mehuqppe doyeg! Appa na Mikdol, Mempis, Tapanes ele Isip danab ah ag dooglagnu appe doyeg! ‘O Isip danab ah ban wan atu ag talilidna daatteb ele amuppa daatte. Appan danab ah qep elabppa mauhtteb amunu, ag Isip dilag daup ag ahan, ag ban hekkulagnu, abenppa gona daan, ag babaitteg!

Jeremaia 51:11

Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.

Jeremaia 51:3

Anam amunu, Babilon dilag daup ag lat ahilkad omanadmananu, ag ahilkad ban hak lamen ɠagattag takkaladmananu, ag kekeɗ ag paha ban heig! Ag kekeɗ ag Babilon dilag nid bau aqeg! Aib uuadppeg daappig! Ag kekeɗ, ag Babilon dilag daup ohnab aqappeg, padal meig!

Esekiel 21:28

Amu Yawe Nug nai tuɗitta aum. “Amu na, danab bekka, na dimppa aɗi bekkunu nai anan, na Naɗi Yawe Nug Amon danab ah, ahilag awa awa qettak nai naunabnu ele inam atte, na amunu inam a! ‘Qep elab laa daatte! Ge, qep laa daatte. Danab nug qep amu nuhig gaɗappanu eeɗa awa, nug eppegppa danab ah aqakkunu aakku daatte. Qep amuam danab ah ele eleleppanab aqakkunu babaitta malak daatte. Anam daatte, amu qep ⌊dahil⌋ am amemɗiag awaknu elelenab daya, amemɗi bia amemɗiag aotte.

Joel 3:9

Laa nai imu ag wanppan wan ohppan danab ah amelagppa inam appeg doyeg! “Ag ban hekkulagnu babaitteg! Ag appeg, ban danab aheg! Ahan, ag ban haknu aben gukkuidna gona, ag ban hekkulagnu bappaidna dayeg!

1 Samuel 17:38

Saul nug anam awowa, dimppa nug bannu bala nuhig Dawit nug ukkeb, Goliat ele ban hekkulahnu beɗuppa meum. Nug hat igippanu brasppa hak Dawit igippa ma, amu nug lamen, siot bia brasppa hak beɗu tonaknu aɗuitteg noum.

1 Samuel 17:5

Goliat nug bannu hat nuhig brasppa hak amu awa, igippa aɗe no, nug nuhig ban haknu lamen, siot bia bras huppu naunauppa hak ele amu, nug amu ele aɗe noum. Lamen amu, siot bia, uug nuhig am 57 kilogram.