Jeremaia 46:3 - Nobonob Baibel

³ “Ag Isip dilag daup, ag ahilkad guppiɗ babaitteg! Ag guppiɗ okkai, guppiɗ nakok ele babaitteg! Ag bapaidna malona, ag ahan, ban hekkulagnu ukkeg!

Jeremaia 46:3 ပူးပေါင်းရင်းမြစ်များ

Aisaia 21:5

⌊Amu tulegleg amuppa⌋ danab ag ee naɗi laa heegeg ⌊anadmi⌋. Ag heɗep na dayaknu lamen okkai okkai duqatteg, ⌊danab okkai ag amuppa heɗep nena daanna,⌋ ee lanana, le lanana daaegeg anidmi. Ag aakku daan heegeg, baag laa, “Ag ban danab okkai, ag aheg! ⌊Ag hetteb am uueg! Ban hak haen uɗia malom!⌋ Ag ahan, ahilkad ban haknu guppiɗ goɗenppa babaitteg!” ewa eum.

Jeremaia 46:14

“Jeremaia na nai imu Isip wanppa appa mehuqppe doyeg! Appa na Mikdol, Mempis, Tapanes ele Isip danab ah ag dooglagnu appe doyeg! ‘O Isip danab ah ban wan atu ag talilidna daatteb ele amuppa daatte. Appan danab ah qep elabppa mauhtteb amunu, ag Isip dilag daup ag ahan, ag ban hekkulagnu, abenppa gona daan, ag babaitteg!

Joel 3:9

Laa nai imu ag wanppan wan ohppan danab ah amelagppa inam appeg doyeg! “Ag ban hekkulagnu babaitteg! Ag appeg, ban danab aheg! Ahan, ag ban haknu aben gukkuidna gona, ag ban hekkulagnu bappaidna dayeg!

Nahum 2:1

He nauhak danab ag heeg, Jakop buɗub ag nauhakib daatteb. Ao, diig amunu, Yawe Nug heeb, Jakop buɗub ag anukka ɠagattag, onilag okkai ele daappig bia daaglag. Ge, Israel ag ɠagattag, onilag okkai ele daappig, amubia Jakop buɗub ag anam daaglag. Anam amunu, O Niniwe danab ah, kekeɗ ag ag ele ban hekkulagnu uɗitteb. Ag uɗitteb amunu, Niniwe danab, ag ahan, ag aab aɗ ɠagattagnab ele ahilag dabmenana, ag ib aɗan daan, ag oolag ɠagattag qettan, ag ɠagattag daaglagnu dabmak aon dayeg!

Nahum 3:14

⌊O gadon, Niniwe danab ah, kekeɗ ag uɗin, oo mattan aqaknu maadna daaglag amunu,⌋ ag haen amunu le huanak itan, aon uɗieg! Ag waa haknu wan aon, brik haknu babaitteg! Ag aɗ bappaidkkulagnu brik heig!