Jeremaia 45:3 - Nobonob Baibel

³ ‘Na ame. “O dahilnu gadonnab gadon. Aɗinu? Yawe Nug he, guittak dahil dayom amu, gemu guittak amu aakkuib ii daatte. Iitta. Gemu da oo doyak okkai ele doottem. Da gayeye, beɗul bahi ye, hik awe ena daakkulnu ib laa iitta,” ’ aon ame,” awa aum.

Jeremaia 45:3 ပူးပေါင်းရင်းမြစ်များ

Job 23:2

“Gemu dahil dabmakppa dabmak daatte am uug nau ninig ele. Ge, Kayak he, da guittak okkai doottem amunu, da mahittem.

Sam 120:5

Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

Sam 27:13

Da imunu oolppa genab doottem. Da geha bau daappi ukkeb, Yawe Nug keeke ena dahilppa hekku. Ao, Nug anam heeb amu, da amu anidkkul.

Sam 42:7

Kayak Nug le unuqag hatta, le baippa nonana, oqotti huana otteb ele hattom. Danab laa nug le amu ooppa nokku dayeb amu, le amu nug laitta tonakku. Anam amu, uug da toniɗom daatte ele amu, amuam le naɗi da toniɗlo bia doottem.

Sam 6:6

Da aeqakkai qakkai, ɠagattag dahil oh iitta meum. Tuqan ohppa amel leb niiak aben dahil he bauɗtte. Ao, da gayak huananab heiyi, ikkil uɗun bauɗtte.

Sam 6:7

Da gayak huanaknab hei, amel gai-iitta meum. Ao, da kekeɗalad dilagnu gaai gaai, amel gai-iitta meum.

Sam 69:3

⌊O Kayak, da anam bia dayeye,⌋ da na ehaniɗkkutnu einne daattem. Da nahipnu ei ei, da beɗul gai-iitta me, da baal ele guiɗtte. Da na Kayak, dahil Kayak, da na anidkkulnu neekki neekki, da amel ele gai-iitta meum daatte.

Prowerb 24:10

Uug bette haenppa, na uug amu eɗidkkutnu tuɗidna ii hettem dayeb amu; nahip ɠagattag am okkai iitta laa ippunadtte.

Jeremaia 45:2

“Baruk, Yawe, Israel dilag Kayak, Nug na amenppa inam atte.

Jeremaia 8:18

O Ehanittak dahil, da uug doottem. Da ool am gai-iitta meum daatte.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Gayak Nai 1:13

Aab gakkaɗak danab ebehippa ewewe nauhtte; amubia Yawe Nug ig Juda, Nug ihinigppa heum. Nug danab doɗ aokkunu pelem mette; amubia Nug pelem ihinig meum. Nug he, ig bittumttum gomut. Nug he, ihinig aab okkai, wan ele am hele-ettak daatteb; ig hanhan gai-iitta oittem.

Gayak Nai 1:22

Laa dilag hak nau na noomppa miagib baɗ! Ge, na ig hipunin heut, diig amunu bu okkai imu mekkame, amubia laa amu dilagppa, na ahilagnu ele anamib hadakkutnu oɗ medattem. Ig Juda, ig aiqakkak okkai hettem, ig oonigppa ɠagattag laa ii daatte.

Gayak Nai 3:32

Nug danab ah bu madatte, amge Nug danab ah dilagnu oo mauhaknab okkai dootte amunu, Nug bu mattowa, Nug ele ahilagnu oo bodoetta le mekku.

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

2 Korint 4:16

Ig am dabmak amu aottem amunu, Kayak uɗat hekkunignu amu ig ii bodoedattem. Ao, genab, ig beɗunig amuam nauhkkun hette, amge deɗ oh Kayak Nug ig oonig bau ɠagattag medatte.

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

2 Tesalonaika 3:13

Amge O lainkad, ahilagnu amu ag uɗat ena hak kobolnu aib oolag bahi yeeb uuppig.