Jeremaia 44:7 - Nobonob Baibel

⁷ Yawe Nukka Ɠagattag Oh Ele, Israel dilag Kayak, Nug anam anana, Nug imu ele atte. ‘Tatam anam beum amunu, aɗinu ag gemu tuɗidna eheɗ hebeppeg, uug naunab nau laa ahilagppa bekkunu hetteb. Ag hetteb amu, ag amu tuɗidnaib hekkulag dayeb, uug naunab nau ahilagppa beeb, Juda danab, Juda ah, Juda nid naunau, Juda nid yuɗ ele oh ⌊Isip uɗin daatteb⌋ ag mauhkkulag. Oh mauhppeg, ⌊ippa⌋ Juda buɗub oɗo yaak laa ii daama.

Jeremaia 44:7 ပူးပေါင်းရင်းမြစ်များ

Prowerb 1:18

Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.

Prowerb 15:32

Danab nug tolitta bu mettak aokkunu uutte, nug nukka nuhignu ena iinab dootte; amge laa nug tolitta mettak awa dim lamidtte, nug diignu doyak tutukku aotte.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Jeremaia 25:6

Ag kayak laa noolagppa dup nona, aib binalag meppig. Ag aib amu waalagppa daanna, ag oɗelag dim lamidppig. Ag kayak dottolag eppelagppa aib heppeg, da oppoɗil beum. Ag kobol nau amu oh ii hekkulag dayeb amu, da eheɗ laa ii hadapa.’ Yawenu propet ag anam amelagppa appig.

Jeremaia 25:7

Yawenu propet laa ag anam aeg, ag Juda, ag ahilag nai ii dooppig, amu gemu Yawe Nug inam atte. ‘Ag Juda, ag dahil nai daulag human ii doyegeg uɗie, gemu ele ii dootteb. Laa amu, ag akka, ag eppelagppa kayak hambuppuak dottolkad hatteg, da oppoɗil be dayeye, ib amuppa ag akka ag heeg, ahilag uug aakku beum daatte,’ awa atte.

Jeremaia 26:19

Maika nug anam aɗi dimppa bekkunu nai amu mattie, Juda dilag king Hesekaia nug nug qe mauhomte? Juda oolagppa laa nug nug qe mauhomte? Iitta! Hesekaia nug baɗe, Yawe oo gai-iitta doya oo metta ehanadkkunu unuqittom. Nug anam he, Yawe Nug uug naunab madakkunu uuom amunu, uug naunab ahilagppa bekkunu aum amu, ahilagppa ii beum. ⌊Dabmeig!⌋ Ig hepput, uug naunab ihinigppa bekkunu hetata oittemde!” aon appig.

Jeremaia 3:24

Anukkanab, ig memettankad haenppanu uɗie, gemu ele kayak hambuppuak laala ag heeg, ig mamenkad dilag keeke, ihinkad keeke ele ag mattamut. Amuam keeke ig oh aognignu uɗat ɠagattag hetata aomut; ihinkad sipsip, makau ele, amu ihinkad nid danab, ihinkad nid ahin ele.

Jeremaia 38:17

Sedekaia nug anam a, Jeremaia nug eɗua, amegppa aum. Yawe, Kayak Nukka Ɠagattag Oh Ele, Israel dilag Kayak, Nug inam atte. “Na gona, na nakka beɗun Babilon dilag kingnu daup ikki eppelagppa mekkut amu, ag nidappeg ii mauhmana. Ag aab okkai imu ele manappeg ii eoma. Na, amu na baenadppa ele ag bau daaglag

Jeremaia 42:20

Ag Isip gokkulagnu dabmetteb amu, amuam ag mauhkkulagnu hetteb. Aɗinu? Ag da Yawe, ahilag Kayak, da Nug unuqidkkulnu ag da amelppa, ‘Na Yawe, ihinig Kayak, na Nug ihinignu unuqidppe, Nug aɗi ab appe, ig doot, Nug aɗi aɗi hekkunignu akku amu, ig aakku hekkunig,’ appig.

Jeremaia 44:14

Juda danab ah uug nau dimppa oɗo yaak daan, Juda wanppanu ahan Isip daaglagnu uɗippig amu, ag bu amu aoglag. Ag uug amu qe-eɗidkkulagnu elele iitta. Ag qe-eɗidna, bau daan, eɗun Juda wanppa gona daaglagnu oolag huana hette, amge ag anam ii hemana. Oola ukkak danab laib laibnab aakkuib ag hekkulag.” Yawe Nug anam awa atte.

Jeremaia 44:8

Ag eppelagppa kayak hambuppuak dottolkad bappaidtteb, amu ag Isip daanna oiglagnu uɗin daanna, ippa ag kalu danab ile muttuɗig enanag bette main, kayak hambuppuak madatteb. Aɗinu ag heppeg, da oppoɗi bak dookkul? Ag amu tuɗidna hekkulag dayeb amu, ag akka ag hena, ag beɗulagppa ag nauhkkulag. Anam beeb, danab ah wanppan wan laa ohppan ag anidna, ag aon aon aqan, ag eheɗ laa awaknu anak waappa daaglagnu akkulag.

Jeremaia 51:22

Da na aɗaetten heppi, danab waa o aoɗtte, amubia danab ah ele nauhkkulag. Da na aɗaetten heppi, danab waa o aoɗtte, amubia danab kaino, nid bau ele nauhkkulag. Da na aɗaetten heppi, danab waa o aoɗtte, amubia nid bau, ah makkun ele nauhkkulag.

Jeremaia 7:19

Ag amu hetteb, amge diigppanab ag heeg, da eheɗ aottemte? Iitta. Ag akka ag ahilag eheɗ hak henana, ag eheɗ aonna, ag akka ag uɗa nak madatteb,” Yawe Nug anam awa atte.

Jeremaia 9:21

Aɗinu? Qinob uug okkai laa heeb anidna akkulag. “Mauhak nug ig launigppa gililppa ulah ibuppa noa, ig launig ooppa neum. Ge, nug aab aɗ ɠagattagnab ele ihinkad, nug amu ooppa noum. Mauhak nug nid naunau ibppa daan qiɗ hetteb ele, nug ag aqe mauhna malappig. Ao, Mauhak nug nid danab bau, ag aab haɗap-ppa qagmetteb ele, nug ag aqe mauhna malappig.” Ag anam aon akkulag.

Gayak Nai 2:11

Kekeɗ ag heeg, dahilad danab ah ag padal meeg, nid naunau, nid yuɗ ele ag aabnu ibppa niinna, mauhkkulagnu hetteb. Ao, am anam amunu, da huan gaaiyi, da amel nauhom daye, da oolppa eheɗ nau doottem. Da mahiak huanak hettem.

Gayak Nai 2:22

O Yawe, anukka na danab ah ag uɗin, hobul dayaknu haen na epeɗiadna maadme laa anidkkulagnu onilagppa eme; amubia na baɗak eheɗ nau taliligna daaglagnu onilagppa eme. Yawenu oo nauhe, bu mettaknu deɗppa laa nug hamu ii oolom. Laa nug bau ii dayom. Ao, laa ig ag atognoadmut ele amu, kekeɗ ag oh aqaeg mauhadppig.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Esekiel 9:6

Ag danab kaino, danab bau, ah bau, ah okkai, nid naunau ele aqappeg mauhkkulag, amge ag aun aɗi laa ag uɗalagppa at ele amu, ag amu aibnab aib makkuɗadppig. Ag mettid lag dahilppa inam digmeig!” awa aum. Nug anam aum amunu, ag Israel dilag ikki danab, Yawenu lag odppa daappig amu, ag digmena amu tatam aqappig.

Habakuk 2:10

Na danab ah kuɗumnab hadappe nauhkkulagnu maittak aome. Ao, na amu hena, na tiinad laippu uɗa nak mattan, na nakka hena, na mauhkkut.

Namba 16:38

Bras tappiɗ amu, danab ag hipunin qeppig ele, ag aɗappig. Ag hipunin qeppig amunu, mauhppig. Bras tappiɗ amu danab mauhppig ele, ag amuppa mana mettak hena, ag aon, da, Yawe, da gumiɗna uɗina, da meɗappig amunu, tappiɗ amu ag dahilnu tituanak daatteb amunu, na heppe, hamappa oadppeg, otalna, teppu iitta beppeg, ag qaɗab dahil qaɗeppa maatteg! Na anam heppe, amuam Israel danab ah dilag at dayebeb anidna, ag hipunin hemananu dabmekkulag,” awa aum.

Duteronomi 32:25

Dimittim amu, ahilkad kekeɗ ag qep elabppa aqaglag. Ag laulkadppa daanna, ag eheɗ nau baɗaglag. Danab bau, ah bau ele ag mauhkkulag. Ao, nid yuɗ, kaino ele oh ag mauhkkulag.

Josua 6:21

Ag aab okkai aon, ag qep elabppa heeg, aabppan danab ah, keeke oh ele am Yawenuib nuhig pelemppa daappig. Ag danab o ah, bau o kaino oh, makau, sipsip, donki, keeke oh ele anam heppig.

Ikki Danab 21:11

“Ag inam iikku hekkulag. Ag danab amu oh, ah oh ag makkun iitta ele, ag ag oh heppeg, ag Yawenuib nuhig pelemppa dayeg!” appig.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

1 Samuel 22:19

Doeg nug amu hewowa, nug aha, aab Nop, mana mettak danab ag aab amuppa daappig amu, nug appa ukka, nug danab oh aqe mauheg; nug danab, ah, nid naunau, am nid yuɗ ele aqowa, nug makau, donki, am sipsip ele oh aqom.