Jeremaia 43:9 - Nobonob Baibel

⁹ “Jeremaia, Juda danab ah ag na neekkidna daappeg, na men okkai laala diin, mawadna gona, Paronu lag enanagnab Tapanes ippa ina iikku daatte, na lag amu odppa tappan gokkulagnu men duqe ukkak amuppa, na men amu waappa oɗe buun, aguppa boumatte!

Jeremaia 43:9 ပူးပေါင်းရင်းမြစ်များ

2 Samuel 12:31

Amu Dawit nug ele he, aab amuppan danab ah ag uɗat ɠagattag, hebebppa, hal aenppa hak, soppa ele henana, ag brik, lag keeke haknu hadappig. Nug aab okkai amuppa anam ha, nug Amon dilag aab ohppa ele anam heum. Nug anam ha male, Dawit nug nuhikkud daup oh ele ag eɗun, Jerusalem goppig.

Eksodas 1:14

dayak ahilag aakku nauhom. Isip danab ag heeg, Israel danab ag ⌊doɗ gumattak uɗatab ag tiilagppa daatte amu, ag amu ii heppig. Iitta, ag⌋ lag haknu brik wanppa hak, ag amu hena, Isip dilag lag henana, Isip dilag dad uɗat ele heppig. Isip danab ag Israel danab dilagnu oo doyak ii doon nau hena, uɗat amu hekkulagnu heppig.

Jeremaia 25:19

Juda aɗi dimulagppa am da ⌊tuleglegppa⌋ Isip dilag king, nuhikkud ehanittak amu nuhikkud ehanittak anuqak danab, nuhikkud danab ah oh ele ag lakkulagnu mattami.

Jeremaia 43:10

Na amu hewona, na ag amelagppa inam appe doyeg! ‘Yawe Nukka Ɠagattag Oh Ele, Israel dilag Kayak, Nug inam atte. “Da dahil maɗi nid Nebukatnesar, Babilon dilag king amu, da nug onigppa eppi uɗikku. Uɗieb, men da hei, iikku iguppa boumak daatteb amu, da heppi, ag sia king nuhig men amu attan meppeg daakku. Da heppi, balal nuhig men imu attan dayebeb, nug heeb, ag aam king amu qemanu lamen laa, am kingnu, ag lamen amu balal amu attan taiettaglag.

Jeremaia 43:8

Tapanes appa amu, Yawe Nug nuhig nai imu Jeremaia mettom.

Jeremaia 44:30

At am inam. Da heppi, Isip dilag Paro, Hopra, nug kekeɗ ag nug qeppeg mauhkkunu oolag hette, nug ag eppelagppa daakku. Babilon dilag king Nebukatnesar, nug Juda dilag king Sedekaia qeeb mauhkkunu oo he, da hei, Sedekaia nug Nebukatnesar eppegppa dayom, amubia Paro, nug kekeɗ nug qeppeg mauhkkunu oolag hette, nug ag eppelagppa daakku.” Yawe Nug anam awa atte.

Esekiel 4:1

Amu Yawe Nug Esekiel amegppa aum. “Danab bekka, na yaaknu uɗug, wanppa babaittak aon, na noomppa mena, aab okkai Jerusalem dottog amuppa hoiye!

Hosea 12:10

Da ⌊ag nau aomnanu, da⌋ dahil propet amelagppa nai mattimi. Da hei, ag tulegleg kuɗum anidppig. ⌊Da amu hein, da hei, propet ag uɗin, ag amelagppa mattiegeg, ag dooppig⌋. Ele amu, da propet keeke danab ag dootteb ii dootteb ele ouaqatta, ippunittak nai kuɗum ippuanatti, ag mattiegeg dooppig.” Yawe Nug anam aakku atte.

Nahum 3:14

⌊O gadon, Niniwe danab ah, kekeɗ ag uɗin, oo mattan aqaknu maadna daaglag amunu,⌋ ag haen amunu le huanak itan, aon uɗieg! Ag waa haknu wan aon, brik haknu babaitteg! Ag aɗ bappaidkkulagnu brik heig!

Aposel 21:11

Nug ig gumikka uɗia, nug Polnu matagiɗ awa, nug nukka nug baeg eppeg Pol baeg eppeg iitta, nug baeg eppeg ele amuppa qakkowa, nug aum. “Kayak Ouɗi Nug inam awa atte. ‘Juda danab okkai Jerusalemnu, ag geha matagiɗ imu mameg amu inam hippalna, aon gona, iitta aɗi mattaglag,’ ” awa aum.

Revelesen 18:21

Nai amu oh male amu, engel ebehi ele laa, nug men laa, okkai nuhig am ee aeg ganuaɗaknu men okkai bia, nug amu huma, yuppa buɗie noowo aum. “Babilon onig, ɠagattag ele, Kayak Nug heeb, aab amuam men yuppa pahanab noum bia na qekku; baula ii daama.