Jeremaia 43:12 - Nobonob Baibel

¹² Nebukatnesar nug uɗia, Isip dilag kayak hambuppuak dilag mettid lag maneb eoglag; ahilag kayak hambuppuak dottolkad amu, nug aɗualatta, diia gokku. Sipsip gumak danab nug ulahnu lamen nuhig mekkunu uɗat okkai ii hette, keeke hamu bia dootte, amubia Nebukatnesar nug Isip eɗidkkunu uug ii dooma. Nug eɗitta, nug maɗoɗ ele eɗua laih gokku.

Jeremaia 43:12 ပူးပေါင်းရင်းမြစ်များ

2 Samuel 5:21

Dawit aɗi ag Pilistia eɗatteg, ag kayak hambuppuak dottolkad ahilkad uuadna ooleg, Dawit aɗi ag uɗin akkan gona, ⌊dimppa manatteg eoppig⌋.

Esta 6:9

amu king nug heeb, nuhig ehanittak anuqaknab danab laa nug kingnu lamen elab awa, danab laa king nug danab amu binag okkai medakkunu oo okkainab hette ele, nug danab amu beɗuppa ma, nug omaleb, aab okkai ooppa kingnu hosppa dayaya nokku. Kingnu ehanittak anuqaknab danab amu, nug inam eebeb nokku. ‘Kobol imuam danab auntai laa, king nug danab amu binag okkai mekkunu oo okkainab hette ele amu, kobol imu nuhigppa aakku bette!’ Nug anam ekku!” awa aum.

Job 40:10

Na anam daattem dayeb amu, na heppe, binag amahlak oppiaawak ele, ɠagattag okkai naɗi ele lamen bia nahip-ppa dayeɗ! Ao, na anam daattem dayeb amu, na laa nug binag ele, aria nug ele dagom onig ɠagattag ele amu, na heppe, amu ele lamen bia nahip-ppa dayeɗ!

Sam 104:2

Yawe Nug danab lamen tagatte bia, Nug amahlak tagekke daatte. Nug danab sel lag taiedatte bia, Nug hab me daatte.

Sam 132:16

Da mana mettak danab Jerusalem appa daatteb ele ehanadppi, ag padal ii memana. Ao, da heppi, danab ah ag dahilnu oo metta ii uuak kobol dim lamidna, Jerusalem appa daatteb amu, ag gamag ahak doon, ag ahi ettaglag.

Sam 132:18

Da heppi, nuhig kekeɗ ag uɗa nak naunab aoglag. Ge, kekeɗ ag anam daaglag, amge king da tituankkul, nug binag okkainab ele daakku.” Yawe Nug anam aum.

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Aisaia 21:9

⌊Nug anam awowa, nug neekke ukke, keeke laa antta eum.⌋ “Antteg! Da danab doɗ attan daan uɗitteb anadttem. Ag hos attan aɗit aɗit daan uɗitteb,” awa aum. ⌊Amu laa nug oɗmak he, laa⌋ nug nob ma, inam aum. “Babilon na qa nauhom. Babilon aakku na qa nauhom. Ahilkad kayak hambuppuak dottolkad amu oh wanppa nena qena, oh aoɗadppig!” awa aum.

Aisaia 46:1

Babilon dilag kayak onig Bel, nug genab daalo, nug dup nolo. Babilon dilag kayak laa onig Nebo, nug genab daalo, nug gomela daalo. Danab ag dottolti aon, laih gokkulagnu uɗatnu doɗ gomeppa maatteg daattep. Danab ag kayak hambuppuak aɗit amu dottolti, ag keeke amu doɗ bahilag yaatte ele gomelagppa meeg maotteb.

Aisaia 46:2

Bel, Nebo ele aa genab daalop, aa oh gomelya, dup noya daalop. Aa aya aa dottolti ehanadpeɗ, ag qagaiettakppa ii daamnanu elele iitta. Aa dottolti aakku wan laappa, danab laa eppelagppa daatteb bia, ag appa laa eppelagppa daaglagnu aakku gotteb.

Aisaia 49:18

Ag Juda, ag amelag human, laih laih neegna, ag bekkalkad oh ag qagmena, eɗun ahilagppa uɗippeg anadkkulag! Da Yawe, da attem. Da genab bau daattem, genab amubia amu, nid ahilkad ag ah nug bala enanag me, beɗunu neekkak enanag daatte amu, nid ahilkad ag ahilagppa amubia daaglag. Ao, ah nug danab aokkunu haaha, beɗu bappaidtte amu, nid naunau ag ahilagppa bala anam bia daaglag.

Aisaia 52:1

Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.

Aisaia 59:17

Amu ban danab nug kekeɗ ele ban hekkunu, nug guppiɗ laa qahaɗ bia momoppa pale dayeye, nug igippa aen hat mewowa, bannu lamen ele tagatte amu, amubia Yawe Nug nuhig kekeɗ ele ban hekkulagnu keeke oh babaitta malom. Nuhig guppiɗ qahaɗ bia am genab tutukku hak kobol. Nuhig aen hat igippanu am ehanatteb, padal ii memananu kobol. Beɗuppanu lamen nuhig am kekeɗ ag eheɗ heppignu nob tutukku madakkunu dabmak aakku. Aria, nuhig lamen, lamen laa qaɗeppa daakkunu, amuam uɗat hekkunu daatte yag-nab-bak doyak aakku.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Aisaia 61:5

O dahilad danab ah, wan laihnu danab ah ag geha, ag dahilad danab ah, ag ahilkad sipsip gumadkkulag. Ao, wan laihnu danab ah ag, ag geha dad ahilkadppa uɗat henana, amu grep dad ele gumadkkulag.

Jeremaia 10:11

Ag Israel danab ah, ag wanppan wan anen anen ohppan danab ah inam appeg dooglag. “Kayak hambuppuak ag bappaladtteb, ag hab, wan ele ii heppig. Ag ii heppig, amu ag wanppanu qettoɗkkulag.”

Jeremaia 10:15

Ag am keeke diig iitta, keeke hamu. Danab aon aon aqaglagnu keeke. Ahilag bu awak haenppa, Yawe Nug kayak hambuppuak dottolkad amu hettoɗiatteb, ag oh padal mekkulag.

Jeremaia 25:19

Juda aɗi dimulagppa am da ⌊tuleglegppa⌋ Isip dilag king, nuhikkud ehanittak amu nuhikkud ehanittak anuqak danab, nuhikkud danab ah oh ele ag lakkulagnu mattami.

Jeremaia 43:13

Isip wanppa amu, nug ukka, aamnu mettid lag, amuppa nug heeb, biidod, danab ah ag biidod amunu, ‘Am ihinig kayaknu keeke,’ anan ottaitteb ele amu, nug biidod amu heeb nauhppeg, Isip dilag kayak hambuppuak dilag mettid lag manatteb eoglag.” ’ ” Yawe Nug nai anam awa, Jeremaia mettom.

Jeremaia 46:25

Amu Yawe Nukka Ɠagattag Oh Ele, Israel dilag Kayak, Nug atte. “Isip dilag kayak hambuppuak laa onig Amon, aben nuhig am Tebes amu, da nug, Isip dilag kayak hambuppuak laa, aria Paro, Isip danab okkai, Isip danab ah, amu laa Paronu ehanittak aoglagnu dabmetteb ele amu, da haen elab iitta, da amu oh bu madakkul.

Jeremaia 48:7

Ag ahilag hakppan, ahilag en okkaippanu ele ehanittak aoglagnu oolagppa genab dootteb. Ag anam oolagppa genab dootteb amunu, kekeɗ ag uɗin eɗadna, aɗualadna diiadna goppeg, ag gona, diia ukka laih me dayak danab ah wan laappa daaglag. Kekeɗ ag amu henana, ag ahilag kayak Kemos, nuhikkud mana mettak danab, nuhikkud ehanittak anuqak danab laa ele diin goppeg, ag diia ukka laih me dayak danab wan laappa daaglag.

Jeremaia 49:27

Amu Nug imu ele atte. “Da heppi, kekeɗ ag uɗin, Damaskus aab manappeg ewa, aɗ am nauhakib daakku. Ao, da heppi, kekeɗ ag uɗin, Benhadat, Damaskus dilag okkai, ag nuhikkud aab aɗ ɠagattagnab ele manappeg, nauhakib daaglag,” awa atte.

Jeremaia 50:2

“Ag laa wanppan wan ohppa danab ah dooglagnu nai laa imu appeg doyeg! Ao, danab nug danab ah laa ag anidna, dabmak aon, at amu gumidna wakkulagnu nug pilak laa qabatte, ag anam hena, nai imu appeg doyeg! Ag nai huppu nakok laa aib uuppig! Ohnab appeg doyeg! Ag inam aig! ‘Kekeɗ ag Babilon eɗadppeg, Babilon ag eppelagppa daakku. Kekeɗ ag heppeg, Babilon dilag kayak Bel nug uɗa nekku. Babilon dilag kayak Marduk, nug baɗak eheɗ nau dookku. Babilon danab ah dilag kayak hambuppuak dottolkad am uɗa nak nau dooglag. Dottolkad amu, ag am baɗak eheɗ nau dooglag.

Jeremaia 51:44

Am Yawe Nug atte. “Da Babilon dilag kayak Bel bu medakkul. Da bu medappi, nug aɗi aɗi toppua ukkom ele amu baheb, eɗua bekku. Gemu wan laappan danab huanak ag Bel noobppa dup nona binag mekkulagnu gotteb, amge da Bel bu medappi, danab ah ag amu ii hemana. Da heppi, Babilon aabnu aɗ na qekku,” awa atte.

Esekiel 29:11

Da heppi, Isip wan nauhakib dayebeb, danab, o doɗ laa Isip wan oppata ii goma; appa laa ele ii daama. Ukkeb ukkeb, maɗ 40 uueb eɗun daaglag.

Esekiel 29:19

Anam amu, diig amunu Naɗi Yawe, Nug inam atte. “Da heppi, Babilon dilag king Nebukatnesar nug nuhikkud daup ele ag Isip eɗadna, Isipnu en aoglag. Nebukatnesar nug Isip wanppan keeke banppa aɗa, nug nuhikkud daup nob elele madakkunu awa, nuhikkud daup madakku.

Esekiel 30:13

Amu Naɗi Yawe Nug inam atte. “Da heppi, kekeɗ ag heppeg, Isip appa kayak hambuppuak dottolkad nauhkkulag. Ao, Mempis appa da heppi, kayak hambuppuak dottolkad ii daamna. Isip appa, ahilag okkai laa nug ag gumadkkunu ii daama. Amu da heppi, Isip danab ah oh ag baɗaglag.

Daniel 11:8

Nug anam ha, nug ahilkad kayak dottolkad gol, silwa eleppa hak amu, nug amu akka, nug ahilkad en, gol, silwappa hak ele akka, keeke amu oh diia, Isip gokku. Nug anam ha mala, maɗ nakok kuɗum nug wan yawalti uɗitteppanu daatte, nug amu dilag king baneb ele ii goma.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Rom 13:12

Tuqan iitta mekkunu hette; wagɗak bekkunu miagnab daatte amunu, ig gatatunu kobol oh dimadatta, ig amahlaknu bannu bala aot beɗunigppa metu!

Epesus 4:24

Laa amu, ag oolag bau, Kayak Nug, Nug bia, genab tutukku hak kobol dim lamitta, Kayaknu oppiaawak ele daakkunu babaittom amu, ag amu aon, danab bau oiyeg!

Epesus 6:11

Ban haknu bala oh, Kayak nug ag Satan eɗidkkulagnu mattom ele amu, ag takkeg!

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Kolosi 3:14

Oo mauhak kobol nug kobol ena laa oh laippunab tamanidtte amunu, ag ele laa dilagnu oolag mauhaɗ!