Jeremaia 43:11 - Nobonob Baibel

¹¹ Babilon dilag king nug banelag uɗieb, nug Isip danab ele ban hekkulag. Ag ban hebeppeg, aun aɗi laa ag oɗe nau aon mauhkkulagnu daatteb, ag oɗe nau aon mauhkkulag. Aun aɗi laa ag diia ukka laih me dayak danab ah daaglagnu daatteb, ag gona, diia ukka laih me dayak danab ah daaglag. Aun aɗi laa ag qep elabppa mauhkkulagnu daatteb amu, ag qep elabppa mauhkkulag.

Jeremaia 43:11 ပူးပေါင်းရင်းမြစ်များ

Job 20:29

Kayak Nug nau hak danab dilag anam bekkunu ana malom daatte. Ao, Kayak Nug nau hak danab ag uug amu aoglagnu tituanom daatte.” Sopar nug mattia anam aum.

Jeremaia 15:2

Na amu heppe, ag inamtai oɗ mettaglag. ‘Ig adeppa gokkunig?’ aon oɗ mettaglag. Ag anam oɗ mettaglag dayeb, na inam appe doyeg! ‘Yawe Nug inam atte. “Ag laa ag oɗe nau aon mauhkkulagnu daatteb amu, ag gona, oɗe nauppa mauhkkulag. Laa ag qep elabppa mauhkkulagnu daatteb amu, ag gona, qep elabppa mauhkkulag. Laa ag enugppa mauhkkulagnu daatteb amu, ag gona, enugppa mauhkkulag. Aria, laa ag diia ukka, laih me dayak danab ah wan laappa gona daaglagnu daatteb amu, ag gona anam aakku daaglag,” ’ ” awa atte.

Jeremaia 25:15

Amu Yawe, Nug Israel dilag Kayak, Nug tulelegppa da, Jeremaia, da amelppa aum. “Jeremaia, kap imu, da eppelppa daatte amu, amuppa dahil oppoɗi bak wain bia daatte amunu, na kap imu da eppelppan aon aɗan, wanppan wan atten atten da ag onilag na amenppa appi, na appa aon gona heppe, ag laig!

Jeremaia 25:19

Juda aɗi dimulagppa am da ⌊tuleglegppa⌋ Isip dilag king, nuhikkud ehanittak amu nuhikkud ehanittak anuqak danab, nuhikkud danab ah oh ele ag lakkulagnu mattami.

Jeremaia 42:22

Anam amunu, ag gemu nai imu doon autna aon, dabmakppa aɗeg! Ag Isip gona daan oinna, appa ag qep elabppa, enugppa, oɗe nau danab kuɗum aqe mauhtteb eleppa ele mauhkkulag.” Jeremaia nug Juda danab ah amu amelagppa anam aum.

Jeremaia 44:12

Uug naunab Juda wanppa beum, dimppa ag kuɗum iitta, ag laib laib uug haen dimppa bau daan, Juda wanppa daappig, amge ag haen amuppa Isip gona daaglagnu dabmak aoeg ɠagattag eppom daye, ag aakku heppig. Ag uɗin, Isip wanppa daatteb; am ag amu heppig amu, da heppi, ag nauhkkulag. Ag oh Isip daanna nauhkkulag. Ag qep elabppa, o enugppa mauhkkulag. Danab okkai ukkeb, danab onig iitta ele, ag oh qep elabppa, o enugppa mauhkkulag. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag.

Jeremaia 44:13

Juda ag uɗin Isip daatteb amu, da ag qep elabppa, enugppa, oɗe nau danab kuɗum aqe mauhtteb eleppa bu madakkul. Da Jerusalem danab ah bu mattami, amubia da ag Isip daatteb bu madakkul.

Esekiel 29:11

Da heppi, Isip wan nauhakib dayebeb, danab, o doɗ laa Isip wan oppata ii goma; appa laa ele ii daama. Ukkeb ukkeb, maɗ 40 uueb eɗun daaglag.

Esekiel 5:12

Ag Jerusalem daatteb amu, ag obatak ewam daatteb bia. Amu aab ooppa danab ah oh obatak laippu laa ooppa daatteb, ag oɗe nau danab kuɗum aqe mauhtteb elenu, o enugnu aab okkai ooppa mauhkkulag. Danab ah obatak laappa daatteb amu, kekeɗ ag aab dimittim ag ag aqappeg mauhkkulag. Amu obatak laa da heppi, kekeɗ ag diin heppeg, ag wan laalappa matatun gona daaglag, amge appa ele da heppi, ag qep elabppa mauhkkulag.

Sekaraia 11:9

Anam daye, da ag amelagppa ami. “Da baula ahilag gumak danab ii daapa. Ag mauhkkulag dayeb, ag mauhkkulag! Laa ag ag aqadppeg mauhkkulag dayeb amu, ag aqadppeg mauhkkulag! Aria, laa ii mauhkkulag amu, ag akka akka nug laig!” awe ami.

Revelesen 13:10

Am aun nug maniguittakppa gokkunu daatte amu, appa gokku. Aun laa nug qep elabppa mauhkkunu daatte amu, nug qep elabppa mauhkku. Kobol amuam Kayaknu danab ah oppiaawak ele, ag tuɗidna uug doyaya eɗittaknuib dabmak awak kobol dim lamidna, ag oo metta ii uuak kobol ele tuɗidna anamib hekkulagoitte ippunigtte