Jeremaia 42:16 - Nobonob Baibel

¹⁶ appa ag qep elabppa mauhkkulag. Gemu ag enug aqamanu dabmak aon baɗak doon oitteb, amge ag Isip gona daan oiglag dayeb amu, enug aqeb mauhkkulag.

Jeremaia 42:16 ပူးပေါင်းရင်းမြစ်များ

Prowerb 13:21

Uug nug hipunin danab ah dim lamatta, aben oh ag gottebppa ele gotte; amge genab tutukku hak danab ag ena aon daatteb.

Jeremaia 27:8

Anam, amge gemu wanppan wan laa, o ɗo maɗoɗ laa ag Babilon dilag king Nebukatnesar waappa maɗi nid daan, nuhig uɗat hekkulagnu uun, ag makau laa, doɗnu duugppan tuqai nug baagppa ii daamanu wagai ma hette bia hekkulag dayeb, da bu metten heppi, Nebukatnesar, nuhikkud daup ele ag wan amuppa gona, ban hena, Nebukatnesar, nuhikkud daup ele eppelagppa wan amuppan danab ah ag qep elabppa, enugppa, amu oɗe nau danab kuɗum aqe mauhttebppa ele mauhadppeppeg, wan amuam nauhakib daakku. Da anam awe attem.” ’ ” Yawe Nug anam awa atte.

Jeremaia 41:18

Ag Isip gokkulagnu diig am, ag Babilon dilag king aɗi ag ahilagnu aɗi hekkulagnu dabmenan baɗappig. Aɗinu ag anam dabmeppig? Babilon dilag king nug Ahikam bekka Gedalaia nug Juda wannu gawana daakkunu tituane, Netania bekka Ismael nug Gedalaia qe mauhom, am diig amunu ag Babilon dilag king nug aɗi hekkunu baɗan, ag oolna Isip wanppa gokkulagnu goppig.

Jeremaia 42:13

Amge ag Yawe, ahilag Kayak, ag Nug oɗe dim lamidkkulagnu uun, ‘Ig wan imuppa ii daamta. Ig laih gota daagnig,’ anana,

Jeremaia 44:27

Yawe Nug ahilagnu inam atte. “Aɗinu anam bekku? Da heppi, uug ahilagppa bekku. Da heppi, ena ahilagppa ii bema. Juda danab ah Isip daatteb ag qep elabppa, enugppa ele mauhadppeppeg ukkeb, iitta mekkulag

Esekiel 11:8

Ag Israel ag kekeɗ qep elab ele uɗin eɗadmananu baɗatteb amu, da heppi, kekeɗ ag anam hekkulag.” Naɗi Yawe, Nug anam atte.

Sekaraia 1:6

amge da dahilad maɗi nid, ag propet amu, da ag oɗelagppa aɗi nai mattimi, aɗi ɗo memi, aɗi haknunab nai ami amu, keeke amu oh am genabib ag mamelkad aɗi, amu ahilagppa iite beum? Da ami bianab anam anam aakku beum. Anam beum amunu, haen amuppan danab ag oolag eɗue, ag appig. Ig hipunin heut, Yawe Nukka Ɠagattag Oh Ele bu elele iikku ig mekkom daatte. Nug ihinig haknu bu elele ig mekkom. Nug hekkunu dabmak awe ɠagattag eppom bianab aakku heum, aon appig.” Yawe Nug Sekaraia nuhig nai anam ⌊engel oɗeppa⌋ mettom.

Jon 11:48

Ig dootta daappupput, Nug inamib tuɗitta hekku dayeb amu, danab ah oh nuhignu oolagppa genab dooglag. Genab dooppeg amu, geha Rom ag, ‘Umuam king laa ahom daatte,’ anana, ag uɗin, ihinig Kayaknu mettid lag loppaɗppeg nauheb, ihinig wan ele heppeg nauhkku,” aon appig.

Duteronomi 28:15

Moses anam ana amu, nug nai tuɗitta mattiom. ⌊Amu ag Yawe, ag Nug dim lamidppeg amu, Nug ag ena itadkku,⌋ amge Yawe, ahilag Kayak, ag Nug oɗe doyaknu uuna, ag haknunab anak nai, amu ɗo nuhig ele gemu da ag madattem imu, ag amu dimettaglag amu, eheɗ laa awaknu anak waappa dayaknu nai imu oh ahilagppa uɗikku.

Duteronomi 28:22

Yawe Nug geha heeb, beɗulag ebehitaknu oɗe, beɗu gakkaɗak, aria leele agittak oɗe ele ahilagppa uɗikku. Nug heeb aam huana neeb, keeke oh qaɗaiettaglag. Datta ee oɗe heeb bekku. Nug geha keeke nau amu oh tuɗid ele heeb bebeppeg ukkeb ukkeb ag mauhkkulag.

Duteronomi 28:45

Am ag Yawe, ahilag Kayak, ag haknunab anak, amu ɗo ele Nug ag mattom, ag amu dim lamittak uuglag dayeb amu, diig amunu eheɗ laa awaknu anak waappa dayak imu oh ahilagppa bekku. Ba dayebeb, ag padal mekkulag.