Jeremaia 42:10 - Nobonob Baibel

¹⁰ ‘Ag Juda, ag hipunin heegeg, da bu madakkulnunab dayom, amge da gemu ag daattebnu oolppa guittak doottem amunu, gemu amu, ag wan imuppa daappeg, da danab lag he, ena daatte, amubia da ehanadppi, ag ena bena daan oiglag. Da danab lag loppaɗe nauhtte, da ahilagppa amubia ii hepa. Ge, ag wan imuppa daan oiglag amu, da danab nug ee eppe, ena ba, meu otte, amubia da ehanadppi, ag ena daan oiglag. Da danab ee hiɗe bunaɗtte, da amubia ahilagppa ii hepa. Iitta.

Jeremaia 42:10 ပူးပေါင်းရင်းမြစ်များ

2 Samuel 24:16

Yawe Nug he, engel laa nug oɗe amu he beum amu, engel amu nug Jerusalem uug amu aon nauhkkulagnu eppeg hume, Kayak antta, ooppa guittak naɗi doya, Nug engel uɗat amu heum ele amegppa aum. “Aakku elele! Baula aib heme!” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

Sam 102:16

Aɗinu? Yawe Nug Sion baula buukku. Nug nuhig binag amahlak oppiaawak ele uɗikku.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Sam 69:35

Aɗinu? Kayak Nug danab ah ag Sion daatteb ele ehanatteb, ag padal ii memana. Ao, Nug heeb, danab ah ag Juda aab okkai baula buualadkkulag. Ge, danab ah nuhikkud ag appa daan, ag heppeg, wan ag eppelagppa eɗua daakku.

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

Jeremaia 24:6

Da ag atognoatten ehanadppi, ag wan imuppa eɗun uɗiglag. Da ag atognoadppi, elele daaglag. Da eheɗ hadappi ii nauhmana. Da danab keeke eppe, ena bette, da amubia ahilagppa hekkul. Danab nug keeke hiɗe nauhtte, da amubia ahilagnu ii hepa.

Jeremaia 26:19

Maika nug anam aɗi dimppa bekkunu nai amu mattie, Juda dilag king Hesekaia nug nug qe mauhomte? Juda oolagppa laa nug nug qe mauhomte? Iitta! Hesekaia nug baɗe, Yawe oo gai-iitta doya oo metta ehanadkkunu unuqittom. Nug anam he, Yawe Nug uug naunab madakkunu uuom amunu, uug naunab ahilagppa bekkunu aum amu, ahilagppa ii beum. ⌊Dabmeig!⌋ Ig hepput, uug naunab ihinigppa bekkunu hetata oittemde!” aon appig.

Jeremaia 27:11

Anam, amge wan laappan danab ah ag Babilon king waappa maɗi nid daan, nuhig uɗat hekkulagnu, “Yo” akkulag dayeb, makau laa duugppan tuqai duugppa dayebeb, uɗat haknu uua ii hette bia, da heppi, wan amuppan danab ah ag ahilag wanppa daan, dad henan oiglag. Da Yawe, da anam awe attem.’ ” Yawe Nug anam awa atte.

Jeremaia 31:28

Tatam da hei, ag nauhppig, danab nug uud hiɗatte, o lag loppaɗtte, o laa kekeɗ eɗadtte, o keeke he nauhtte, da amubia dabmak elelenab awen hemi. Da tatam anam hemi, amge haen uɗitte, haen amuppa da amu hekkulnu elelenab dabmein hemi, amubia da elelenab dabmein, da heppi, ag ena daaglag; danab nug lag ha autanab aotte, o dad eppa autanab aotte, da amubia hekkul.” Yawe Nug anam aakku atte.

Jeremaia 33:7

Da Juda danab ah, Israel danab ah ele ag wan laalappa diia ukka laih me dayak danab ah gona daatteb, ⌊daaglag ele amu,⌋ da omaladppi, ag eɗun uɗin daappeg, da heppi, ag anukka ɠagattag daappig bia, ag haen amuppa eɗun, anam daaglag.

Jeremaia 43:4

Ag anam dabmena appig amunu, Karea bekka Johanan, daup dilag okkai laa oh, am Juda danab ah amu oh ele, ag Yawe oɗe dim lamidkkulagnu uun, ii dim lamidppig. Nug ag Juda wanppa daaglagnu anam haknunab anak ag mattom, amge ag ii heppig.

Esekiel 36:36

Anam bekku amu, anam ba dayeb, haen amuppa wan laala, kekeɗ ag heeg ii iitta meum, ag taliliadna daaglag amu, wan amuppan danab ag da Yawe, da aab keeke, laa ag heeg nauhppig amu, da keeke amu bappaidmi, aben laa ag heeg, hele-ettak daappig amu, appa da keeke eppami dooglag. Da Yawe, da anam hekkulnu ain malami amunu, da anamib hekkul,” awa atte.

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Amos 7:3

Da anam awe ei, Yawe Nug oo bodoetta le me, “Amuam ii bema,” awa aum.

Amos 7:6

Da anam awe ei, Naɗi Yawe Nug oo bodoetta le me, “Amu ele ii bema,” awa aum.

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.

Jona 3:4

Amu Jona nug aab okkai ooppa digma oiyaya, deɗ amuppa nug digma huana ewawa, danab amelagppa inam aum. “Deɗ 40 maleb, Yawe heeb, Niniwe padal mekku,” awa aum.

Aposel 15:16

Naɗi Nug atte. ‘Danab oɗo yaak daaglag ag Naɗi mattin anidkkulagnu hekkulagnu, amu iitta aɗi ag da onil waappa daatteb ele, ag ele da mattiɗna aniɗkkulagnu hekkulagnu, da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.’ Naɗi Nug keeke amu oh heeb bekku amu, Nug anam awa atte.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Ikki Danab 2:18

Am haen Yawe Nug epeɗiak danab laa Israel dilag qappom amu, nug epeɗiak danab amu ele daayya, epeɗiak danab amu nug bau dayaya oiyom, haen amu ohppa Yawe Nug danab ah ehanatte, ag kekeɗ eppelagppa ii daappig. Aɗinu Yawe Nug epeɗiak danab anam he beppig? Haen nuhikkud danab ah ag kekeɗ eppelagppa daaeg, kekeɗ ag eheɗ hattana, guittak mattegeg, ag gaaegeg, Yawe Nug nuhikkud danab ah dilagnu oo bodoetta le meum.